spot_img
Home​ຂ່າວບັນເທິງ"ຄິມ ຊອງ ມິນ" ດາລາລຸ້ນໃຫຍ່ຂອງວົງການບັນເທີງເກົາຫຼີໃຕ້ໄດ້ເສຍຊີວິດ! ຍາດບໍລິຈາກອະໄວຍະວະ

“ຄິມ ຊອງ ມິນ” ດາລາລຸ້ນໃຫຍ່ຂອງວົງການບັນເທີງເກົາຫຼີໃຕ້ໄດ້ເສຍຊີວິດ! ຍາດບໍລິຈາກອະໄວຍະວະ

Published on

ບັນເທີງຕ່າງແດນ ກັບ ລາວໂພສຕ໌ ວັນນີ້ເຮົາຈະເວົ້າກ່ຽວກັບຂ່າວທີ່ຊ໊ອກວົງການບັນເທີງຂອງເກົາຫຼີໃຕ້ ເມື່ອດາລາຊື່ດັງອີກຄົນໜຶ່ງແຫ່ງວົງການບັນເທີງເກົາຫຼີຢ່າງ ຄິມ ຊອງ ມິນ ໄດ້ຈົບຊີວິດລົງ.

ສຳນັກຂ່າວ ຍອນຮັບ ລາຍງານວ່າ ຄິມ ຊອງ ມິນ ດາລາເກົາຫຼີໃຕ້ໄວອາຍຸ 43 ປີ ເສຍຊີວິດລົງແລ້ວໃນວັນອາທິດ ທີ່ 26 ມິຖຸນາ 2016 ທີ່ໂຮງໝໍ Seoul St. Mary’s Hospital ດ້ວຍພາວະສະໝອງຕາຍ ເມື່ອເຊົ້າຂອງວັນອາທິດທີ່ຜ່ານມາຫຼັງຈາກທີ່ເຂົາຢູ່ໃນອາການໂຄມ່າເຖິງ 2 ວັນ ໃນວັນເກີດເຫດ ຄິມ ຊອງ ມິນ ເກີດມີປາກສຽງກັບເມຍຂອງລາວເອງທີ່ເຮືອນຈົນເຮັດໃຫ້ເມຍຂອງລາວເກັບເຄື່ອງໜີອອກຈາກເຮືອນ ກ່ອນທີ່ລາວຈະຄິດສັ້ນພະຍາຍາມຂ້າຕົວຕາຍໃນຫ້ອງນ້ຳ.

ເມຍ ແລະ ລູກຂອງລາວໄດ້ເຜີຍວ່າ ໃນຂະນະທີ່ ຄິມຊອງມິນ ຍັງມີຊີວິດຢູ່ ລາວຈະມັກເວົ້າສະເໝີວ່າຢາກບໍລິຈາກອະໄວຍະວະໃນຮ່າງກາຍຂອງລາວ ດັ່ງນັ້ນຄອບຄົວຂອງ ຄິມ ຊອງ ມິນ ຈິ່ງຕັດສິນໃຈເຮັດຕາມຈຸດປະສົງຂອງຜູ້ກ່ຽວ ດ້ວຍການບໍລິຈາກຫົວໃຈ, ປອດ, ລຳໃສ້ໃຫຍ່, ໝາກໄຂ່ຫຼັງ, ຕັບ ແລະ ແກ້ວຕາ ແກ່ຄົນປ່ວຍ 5 ຄົນ ເມື່ອຕອນແລງເວລາ 18:00ໂມງ (ວັນທີ 26 ມິຖຸນາ. ຕາມເວລາທີ່ເກົາຫຼີ) ແລະ ຖອດເຄື່ອງຊ່ວຍຫາຍໃຈອອກຫຼັງຈາກການຜ່າຕັດສຳເລັດ ເຊິ່ງພິທີຝັງສົບຂອງ ຄິມຊອງມິນ ແມ່ນໄດ້ຈັດຂຶ້ນໃນວັນນີ້ ວັນທີ 28 ມິຖຸນາ 2016

ຄິມ ຊອງ ມິນ ເຂົ້າສູ່ວົງການເລີ່ມຈາກເປັນນັກສະແດງລະຄອນເວທີເມື່ອປີ 1995 ແລະ ໂດ່ງດັງຈາກຊີຣີ້ເລື່ອງ Mermaid Lady ເຊິ່ງອອກອາກາດທາງຊ່ອງ MBC ເມື່ອປີ 2002 ກ່ອນທີ່ລາວຈະມີຂ່າວຊ໊ອກວົງການບັນເທີງເກົາຫຼີໃຕ້ ດ້ວຍການມີຄະດີຕິດພັນກັບຢາເສບຕິດ ເຖິງ 2 ຄັ້ງ ໃນປີ 2011 ແລະ ຖືກສານຕັດສິນໃຫ້ລົງອາຍາ 4 ປີ ແລະ ເມື່ອປີ 2015 ຖືກສານຈຳຄຸກ 10 ເດືອນ ແລະ ຄິມຊອງມິນ ຫາກໍ່ໄດ້ຮັບອິດສະຫຼະພາບອອກຈາກຄຸກມາເມື່ອເດືອນມັງກອນ 2016 ນີ້ເອງ

1467003008043

kim101

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...