spot_img
Homeຂ່າວພາຍ​ໃນຕຳຫຼວດເພີ່ມຄວາມເຂັ້ມງວດ ອອກສະກັດກັ້ນແກ໊ງກວນເມືອງ

ຕຳຫຼວດເພີ່ມຄວາມເຂັ້ມງວດ ອອກສະກັດກັ້ນແກ໊ງກວນເມືອງ

Published on

ທ່ານ ພັນໂທ ຄຳສຸ້ຍ ແກ້ວ ມະນີ ຮອງກົມຕຳຫຼວດຈະລາຈອນ, ຄະນະ ກຳມະການແກ້ບັນຫານັກເລງອັນຕະພານ ແລະ ແກ໊ງກວນເມືອງ ໃຫ້ຮູ້ວ່າ: ພາຍ ຫຼັງໄດ້ມີການປຶກສາຫາລືໃນກອງປະຊຸມຂອງເຈົ້າໜ້າທີ່ກ່ຽວຂ້ອງເມື່ອທ້າຍອາທິດ ຜ່ານ ມານີ້ ໄດ້ຍົກໃຫ້ເຫັນວ່າ: ຢູ່ນະຄອນ ຫຼວງວຽງຈັນບັນຫາແກ໊ງກວນ ເມືອງຍັງ ເປັນປາກົດການຫຍໍ້ທໍ້ທາງສັງຄົມ ແລະ ຂາດ ຄວາມເປັນລະບຽບຮຽບຮ້ອຍ, ສ່ວນ ໃຫຍ່ແມ່ນມາຈາກໄວລຸ້ນນັກ ຮຽນທີ່ຍັງບໍ່ທັນມີຄວາມເຂົ້າໃຈຕໍ່ລະບຽບກົດໝາຍ, ສະນັ້ນ ທາງ ເຈົ້າໜ້າທີ່ຈຶ່ງເພີ່ມມາດຕະການ ສະກັດກັ້ນໂດຍຈັດໜ່ວຍສະ ເພາະ ຮ່ວມກັບກຳລັງເຄື່ອນທີ່ ຂອງ ປກສ ນະ ຄອນຫຼວງວຽງຈັນ ເພື່ອກວດກາລາດ ຕະເວນ ຕາມສາຍທາງຫຼັກຕ່າງໆໃນແຕ່ລະ ຄືນ ໄປຮອດ 4 ໂມງເຊົ້າ, ຖ້າພົບເຫັນ ຜູ້ກະທຳຜິດກໍໄດ້ນຳມາສຶກສາອົບຮົມ ແລະ ປັບໃໝຕາມ ລະບຽບກົດໝາຍ.

ຮອງກົມຕຳຫຼວດຈະລາຈອນ ໃຫ້ຮູ້ວ່າ: ຜ່ານການປະຕິບັດ ວຽກງານນັບແຕ່ຕົ້ນປີມານີ້ ທາງເຈົ້າໜ້າທີ່ສາມາດກວດພົບ ແລະ ຢຶດລົດທີ່ຜິດກົດໝາຍ ແລະ ບໍ່ມີເອກະສານຖືກຕ້ອງໄດ້ກວ່າ 100 ຄັນ, ກັກເອກະສານລົດໄວ້ກວ່າ 500 ຄັນ, ພົ້ນເດັ່ນ ແມ່ສະກັດກັ້ນກຸ່ມໄວລຸ້ນທີ່ຂີ່ລົດກວນ ເມືອງໄດ້ກວ່າ 20 ຄົນມາສຶກ ສາອົບຮົມ.

 

ທ່ານ ພັນໂທ ຄຳສຸ້ຍ ໃຫ້ ທັດສະນະວ່າ: ເຈົ້າໜ້າທີ່ສັງເກດ ເຫັນວ່າ: ກຸ່ມແກ້ງກວນເມືອງ ດັ່ງກ່າວມັກຈະມີການ ເຄື່ອນ ໄຫວໃນໄລຍະຂອງການປິດ ພາກຮຽນ ແລະ ມັກຈະຊັກຊວນ ກັນທ່ຽວຫຼີ້ນໃນຍາມຄ່ຳຄືນ, ໂດຍສະເພາະແມ່ນການ ເຂົ້າຮ້ານກິນດື່ມ-ບັນເທີງ ແລະ ພາຍຫຼັງເລີກຈາກຮ້ານບັນເທີງແລ້ວກໍພາກັນຂີ່ລົດເປັນພຶງເປັນແພຕາມທ້ອງຖະໜົນໂດຍສະ ເພາະແມ່ນເສັ້ນທາງໄກສອນພົມວິຫານ, ເສັ້ນທາງໂພນສະອາດໄປຫາວົງວຽນ 450 ປີ ແລະ ເສັ້ນທາງອື່ນໆ, ສະນັ້ນ ເພື່ອສາ ມາດແກ້ໄຂບັນຫາດັ່ງກ່າວໃຫ້ມີປະສິດທິຜົນຕ້ອງມີສ່ວນຮ່ວມຈາກຫຼາຍ ພາກສ່ວນໃນສັງຄົມ, ນັບທັງສະຖາບັນຄອບຄົວກໍ ຕ້ອງເປັນເຈົ້າການສຶກສາອົບຮົມລູກຫຼານຂອງຕົນໃຫ້ເຂົາເຈົ້າມີສະຕິຕື່ນຕົວປະຕິບັດລະບຽບກົດໝາຍຂອງບ້ານເມືອງ.

 

ຂອບໃຈຂ່າວຈາກໜັງສືພິມລາວພັດທະນາ http://laophatthananews.blogspot.com

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...