Homeຂ່າວພາຍ​ໃນແຕ່ງຕັ້ງຜູ້​ຮັກສາ​ການ​ຊົ່ວຄາວ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ແລະ​ ຜູ້​ຮັກສາການ​ຊົ່ວຄາວ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ຄວາມ​ສະຫງົບ

ແຕ່ງຕັ້ງຜູ້​ຮັກສາ​ການ​ຊົ່ວຄາວ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ແລະ​ ຜູ້​ຮັກສາການ​ຊົ່ວຄາວ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ຄວາມ​ສະຫງົບ

Published on

​ ໃນ​ວັນ​ທີ 30 ພຶດສະພາ​ຜ່ານ​ມານີ້, ຢູ່​ກະຊວງ​ປ້ອງ​ກັນ​ປະ​ເທດໄດ້ມີພິທີປະ ກາດແຕ່ງຕັ້ງສະຫາຍພົນ​ຕີ ​ແສງ​ນວນ ​ໄຊ​ຍະ​ລາດ ​ເລຂາທິການ​ສູນ​ກາງ​ພັກ, ລັດຖະ ມົນຕີ​ຊ່ວຍ​ວ່າການ​ກະຊວງ​ປ້ອງ​ກັນ​ປະ​ເທດ​ເປັນ​ຜູ້​ຮັກສາ​ການ​ຊົ່ວຄາວ​ເລຂາ​ ຄະນະ​ບໍລິ ຫານ​ງານ​ພັກ​ກະຊວງ​ປ້ອງ​ກັນ​ປະ​ເທດພ້ອມ​ທັງ​ເປັນ​ຜູ້​ຮັກ​ສາ​ການ​ຊົ່ວຄາວ ລັດ ຖະມົນຕີວ່າການ​ກະຊວງ​ປ້ອງ​ກັນ​ປະ​ເທດ ໂດຍ​ໃຫ້​ກຽດ​​ເຂົ້າຮ່ວມ​ຂອງສະຫາຍ ບຸນ​ຍັງ ວໍລະ​ຈິດ ກຳ​ມະ​ການ​ກົມ​ການ​ເມືອງ​ສູນ​ກາງ​ພັກ, ຫົວໜ້າ​ເລຂາທິການ​ສູນ​ກາງ​ພັກ, ຮອງ​ປະທານ​ປະ​ເທດ ​ແລະ ​ໃນ​ວັນ​ດຽວ​ກັນ, ຢູ່​ກະຊວງ​ປ້ອງ​ກັນ​ຄວາມ​ສະຫງົບກໍ​ໄດ້​ມີ​ພິທີ​ປະກາດ​ແຕ່ງຕັ້ງສະຫາຍພົນ​ ຈັດຕະ ວາ ສົມ​ແກ້ວ ສີ​ລາ​ວົງ ກຳມະການ​ສູນ​ກາງ​ພັກ, ລັດຖະມົນຕີ​ຊ່ວຍ​ວ່າການ​ກະຊວງ​ປ້ອງ​ກັນ​ຄວາມ​ສະຫງົບ ​ເປັນ​ຜູ້​ຮັກສາ​ການ​ຊົ່ວຄາວ​ເລຂາ​ຄະນະ​ບໍລິຫານ​ງານ​ພັກ​ກະຊວງ​ປ້ອງ​ກັນ​ ຄວາມ​ສະຫງົບ ​ແລະ ​ເປັນ​ຜູ້​ຮັກສາ​ການ​ຊົ່ວຄາວ​ລັດຖະ

ມົນຕີ​ວ່າການ​ກະຊວງ​ປ້ອງ​ກັນ​ຄວາມ​ສະ ຫງົບ ​ໂດຍ​ໃຫ້​ກຽດ​ເຂົ້າຮ່ວມ​ຂອງ​ສະຫາຍ ຈັນ​ສີ ​ໂພ​ສີຄຳ ​ເລ ຂາທິການ​ສູນ​ກາງ​ພັກ, ຫົວໜ້າ​ຄະ ນະ​ຈັດຕັ້ງສູນ​ກາງ​ພັກ ​ໂດຍ​ການ​ແຕ່ງຕັ້ງດັ່ງກ່າວ​ນີ້​ແມ່ນ​ອີງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ວຽກ​ງານ​ອັນ​ຈຳ​ເປັນ ​ແລະ ​ເລັ່ງດ່ວນ​ຂອງ​ກະຊວງ​ປ້ອງ​ກັນ​ປະ​ເທດ ​ແລະ ກະຊວງ​ປ້ອງ​ກັນ​ຄວາມ​ສະຫງົບ, ພາຍ ຫລັງ​ອະດີດ​ລັດຖະມົນຕີ​ວ່າການ​ກະ ຊວງ​ປ້ອງ​ກັນ​ປະ​ເທດ ພົນ​ໂທ ດວງ​ໃຈ ພິຈິດ ​ແລະ ອະດີດ​ລັດຖະມົນຕີກະຊວງ​ປ້ອງ​ກັນ​ຄວາມ​ສະຫງົບ ດຣ. ທອງ​ບັນ ​ແສງ​ອາພອນ ​ໄດ້​ເສຍ​ຊີວິດ​ຈາກ​ອຸປະຕິ​ເຫດ​ຍົນ​ຕົກ​ໃນ​ຂະນະ​ເດີນທາງ​ໄປ​ປະຕິບັດ​ໜ້າ​ທີ່ຢູ່​ແຂວງ​ຊຽງ​ຂວາງ ເມື່ອ​ກາງ​ເດືອນ​ພຶດ ສະພາ​ຜ່ານ​ມາ.

 

ຂອບໃຈຂ່າວຈາກ: http://laophatthananews.blogspot.com

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...