ເມື່ອກ່ອນກໍ່ບໍ່ເຄີຍວ່າຈະມານັ່ງຖາມຕົວເອງວ່າ “ຈະຜິດຫຼາຍບໍ່…ຖ້າຕ້ອງຮັກກັບແຟນເກົ່າຂອງເພື່ອນ” ຈົນເມື່ອວັນທີ່ຕ້ອງເປີດ “ຄລີນິກຫົວໃຈ” ຮັບປຶກສາເລື່ອງຄວາມຮັກໃຫ້ເພື່ອນໆ ແລະ ຄົນຮູ້ຈັກ ແລ້ວກໍ່ໄດ້ພົບກັບເລື່ອງລາວເລື່ອງໜຶ່ງ
ເລື່ອງຂອງເພື່ອນຂ້ອຍຄົນໜຶ່ງ ທີ່ບັງເອີນ ໄປຮັກກັບແຟນເກົ່າຂອງເພື່ອນສະໜິດ ເພາະມັນເລີ່ມຈາກຄວາມໃກ້ຊິດ ຈາກການທີ່ນາງເປັນຜູ້ຮັບຟັງເລື່ອງລາວຄວາມຮັກຂອງທັງຄູ່ຈາກແຟນເກົ່າຂອງເພື່ອນສະໜິດຕະຫຼອດຊ່ວງໄລຍະທີ່ພວກເຂົາຄົບກັນ ຈົນວັນທີ່ພວກເຂົາເລີກຄົບກັນ ແຕ່ຄວາມໃກ້ຊິດກໍ່ບໍ່ປ່ຽນແປງເລີຍແຖມເບິ່ງແລ້ວຮູ້ສຶກວ່າລາວ ແລະ ແຟນເກົ່າຂອງເພື່ອນສະໜິດມັນຍິ່ງໃກ້ຊິດກັນຫຼາຍຂຶ້ນກວ່າເດີມຈົນໜ້າແປກໃຈ ເມື່ອມາຮູ້ອີກຄັ້ງໜຶ່ງ ນາງ ແລະ ເຂົາ ກໍ່ໄດ້ມີຄວາມຮູ້ສຶກທີ່ດີຕໍ່ກັນຫຼາຍຈົນບໍ່ອາດຖອນຕົວກັບໄປເລີ່ມຕົ້ນທີ່ສູນໃໝ່ໄດ້ອີກຄັ້ງແລ້ວ
“ນາງ” ແລະ “ເຂົາ” ທັງສອງຄົນມາຖາມຂ້ອຍວ່າ ຖ້າເຮົາຮັກກັນ ເຮົາຈະຜິດບໍ່ ຝ່າຍຍິງໄດ້ຖາມວ່າລາວຈະຜິດຕໍ່ເພື່ອນຂອງລາວບໍ່? ແລະ ຝ່າຍຊາຍກໍ່ຖາມຂ້ອຍວ່າລາວຈະຜິດຕໍ່ແຟນເກົ່າຂອງລາວຫຼາຍບໍ່?
ຂ້ອຍໄດ້ມິດງຽບໄປດົນເຕີບກວ່າຈະຄິດຄຳແນະນຳທີ່ດີອອກມາໄດ້ ຂ້ອຍໃນຖານະໝໍໂຣກຫົວໃຈທີ່ຮັບສະເພາະປຶກສາເລື່ອງຂອງຫົວໃຈ ກໍ່ໄດ້ແຕ່ບອກວ່າ “ບໍ່ຜີດດອກ” ເພາະເລື່ອງລາວຂອງຄວາມຮັກມັນຍາກເກີນກວ່າຈະຫ້າມບໍ່ໃຫ້ເກີດຂຶ້ນກັບໃຜໄດ້ ໂດຍສະເພາະຄົນທີ່ຢູ່ໃກ້ຊິດກັນ ແລະ ມີຄວາມເຫັນອົກເຫັນໃຈກັນ
ເມື່ອທັງສອງຕັດສິນໃຈແບບນີ້ແລ້ວກໍ່ຄົງຕ້ອງທຳໃຈຍອມຮັບຜົນທີ່ຈະຕາມມາພາຍຫຼັງ ບາງຄັ້ງການໄດ້ຄວາມຮັກມາຄອງ ແຕ່ອາດຕ້ອງເສຍບາງສິ່ງໄປ ເຊິ່ງບາງຄັ້ງສິ່ງທີ່ສູນເສຍໄປອາດເປັນສິ່ງທີ່ມີຄ່າທີ່ສຸດ ເຊິ່ງບັນຫານີ້ທ່ານຕ້ອງຕັດສິນໃຈເອງແລ້ວວ່າ ຈະເລືອກເກັບຄວາມສຳພັນທີ່ດີໄວ້ ຫຼື ຈະເດີນໜ້າກັບຮັກນີ້ຕໍ່ໄປ ຫຼື…?
ເຖິງຈະຕອບໄປແລ້ວວ່າບໍ່ຜິດ ແຕ່ຄຳຖາມນີ້ກໍ່ຍັງວົນວຽນໃນສະໝອງເລື່ອງທີ່ວ່າ ຜິດບໍ່…ຮັກແຟນເກົ່າຂອງເພື່ອນ ແລ້ວເພື່ອນໆທີ່ອ່ານບົດຄວາມນີ້ຄິດວ່າຜິດບໍ່ຖ້າຈະມີຄວາມຮັກກັບ ຮັກແຟນເກົ່າຂອງເພື່ອນ!
ທີ່ມາ: mylove