ຫາກໍ່ຮູ້ວ່າກະຫຼ່ຳສີມ້ວງນອກຈາກຈະກິນໄດ້ແລ້ວຍັງສາມາດນຳມາທົດສອບເພດຂອງລູກນ້ອຍໃນທ້ອງຂອງແມ່ໄດ້ອີກດ້ວຍ ເຊິ່ງກະຫຼ່ຳສີມ້ວງມີສານແອນໂທໄຊຍານີນ ( Anthocyanin ) ເປັນວັດຖຸທີ່ພົບໃນພືດທັງດອກໄມ້ ແລະ ຜົນຂອງພືດ ທີ່ໃຫ້ສີແດງ ນ້ຳເງິນ ຫຼື ມ້ວງ ເປັນສານທີ່ລະລາຍໃນນ້ຳໄດ້ດີ ການທົດລອງນີ້ອາໃສການແປຜົນຈາກ Anthocyanin ເຮັດປະຕິກິລິຍາກຣົດ – ເບສ ທົດສອບເພດເດັກນ້ອຍໃນທ້ອງ ເຊິ່ງເຮັດໄດ້ງ່າຍໆດັ່ງນີ້
ວິທີການທົດສອບ ເພດຂອງລູກນ້ອຍໃນທ້ອງ
- ນຳກະຫຼ່ຳສີມ້ວງມາລອກເອົາແຕ່ເປືອກຊັ້ນນອກ ໃຊ້ແຕ່ກາບທີ່ມີສີມ້ວງເຂັ້ມໆປະມານ 10 ກາບ ຈາກນັ້ນກໍ່ນຳມາຊອຍບາງໆໃສ່ໝໍ້ແລ້ວຕື່ມນ້ຳໃຫ້ຖ້ວມກະຫລ່ຳທີ່ຊອຍ ແລ້ວນຳໄປຕົ້ມຈົນຟົດ
- ພໍຟົກແລ້ວຈັບເວລາ 10 ນາທີ ນຳນ້ຳກະຫຼ່ຳທີ່ໄດ້ມາໃສ່ທີ່ພາສະນະທີ່ກຽມໄວ້ປະມານ 1/3 ຈອກ ປະໄວ້ອີກ 5 ນາທີ ຖ້າໃຫ້ເຢັນກ່ອນ
- ນຳນ້ຳປັດສະວະມາຖອກໃສຈອກລະ 10 ຊຊ ຫຼື ຫຼາຍກວ່າ ແລ້ວນຳນ້ຳກະຫຼ່ຳທີ່ເຢັນແລ້ວມາຖອກໃສ່ທັງສອງຈອກທີ່ກຽມໄວ້ໃນອັດຕາສ່ວນທີ່ເທົ່າກັນຄືຈອກລະ 10ຊຊ ຫຼື ຫຼາຍກວ່າ
- ຈາກນັ້ນກໍ່ລໍຖ້າຜົນການເຮັດປະຕິກິລິຍາຂອງສານ Anthocyanin ກັບປັດສະວະ
ການແປຜົນເພດລູກນ້ອຍໃນທ້ອງ
ເດັກນ້ອຍເພດຊາຍ: ນ້ຳກະຫຼ່ຳສີມ້ວງຈະປ່ຽນເປັນສີແດງ ແບບໄວນ໌ແດງ ຫຼື ສີບົວ
ເດັກນ້ອຍເພດຍິງ: ນ້ຳກະຫຼ່ຳຈາກສີມ້ວງກໍ່ຍັງຈະເປັນສີມ້ວງຄືເກົ່າ
ສູດນີ້ແມ່ນໃຊ້ໄດ້ເມື່ອຕອນອາຍຸການຖືພາປະມານ 4 ເດືອນ ເຊິ່ງຄວາມແມ້ນຢຳມີເຖິງ 70% ວິທີນີ້ກໍ່ເປັນວິທີທີ່ໜ້າສົນໃຈແມ່ຖືພາລອງນຳວິທີນີ້ໄປໃຊ້ໄດ້ເດີ້
ທີ່ມາ:http://www.mamaexpert.com/topic/3063