ອີກໜຶ່ງຄຸນສົມບັດທີ່ໜ້າສົນໃຈສຳລັບມືຖື Moto Z ແລະ Moto Z Force ກໍຄື: Moto Mod ທີ່ເປັນອຸປະກອນເສີມສຳລັບໂທລະສັບທັງສອງລຸ້ນ ແລະຍັງມີຄວາມສາມາດຫຼາກຫຼາຍ ບໍ່ວ່າຈະເປັນໃຊ້ເປັນລຳໂພງ, ເຄື່ອງສາຍໂປຣເຈັກເຕີ ຫຼືເປັນແບັດສຳຮອງກໍໄດ້ເຊັ່ນດຽວກັນ. ສ່ວນການນຳໃຊ້ນັ້ນກໍພຽງແຕ່ເອົາມາປະກອບເຂົ້າດ້ານຫຼັງໂຕເຄື່ອງ (ມີວີດີໂອທ້າຍຂ່າວ)
ສຳລັບໂມດູນ Moto Mod ຫຼື ອຸປະກອນເສີມນັ້ນມີທັງໝົດ 4 ຢ່າງດັ່ງນີ້:
JBL Sound Boost: ໂມດູນນີ້ ໃຊ້ສຳລັບໄວ້ເປັນລຳໂພງຟັງ ຫຼືຈະເວົ້າວ່າເອົາລຳໂພງດີດີໜ່ວຍໜຶ່ງມາປະກອບເຂົ້າກັບໂທລະສັບກະເວົ້າໄດ້, ດ້ວຍໂມດູນນີ້ນະເຮັດໃຫ້ສາມາດເພີ່ມພະລັງ ແລະເພີ່ມປະສິດຕິພາບໃຫ້ກັບສຽງເພງໄດ້ເປັນຢ່າງດີ, ແຕ່ຂໍ້ເສຍກໍຄືມັນມີຂະໜາດໃຫຍ່ຫຼາຍ ແຕ່ກໍບໍ່ເປັນບັນຫາສຳລັບຄົນທີ່ມັກໃນການຟັງເພງ (ເຊິ່ງໂມດູນນີ້ຄາດວ່າຈະມີແບັດເຕີຣີໃນໂຕນຳ)
InstaShare projecto: ໂມດູນນີ້ ກໍຕາມຊື່ເລີຍນັ້ນກໍຄືໃຊ້ສຳລັບໄວ້ ເປັນໂຕສາຍໂປຣເຈັກເຕີດ້ວຍພາບຂະໜາດ 70″ (1:1), ບໍ່ວ່າຈະເປັນການສາຍໜັງ, ຄລິບວີດີໂອ ຫຼື ແບ່ງປັນຮູບພາບກັບໝູ່ເພື່ອນກໍເຮັດໄດ້ເຊັ່ນດຽວກັນ ແຖມຍັງມີແບັດເຕີຣີໃນໂຕພ້ອມອີກ. ເວົ້າໄດ້ວ່າເປັນອີກໜຶ່ງດູນທີ່ໜ້າສົນໃຈເລີຍ
Power Pack: ດ້ວຍໂມດູນນີ້ບໍ່ຈຳເປັນມີພາວເວີແບັງ ອີກຕໍ່ໄປເພາະມັນຈະຊ່ວຍຂະຫຍາຍເວລາການໃຊ້ງານໄດ້ເຖິງ 22 ຊົ່ວໂມງ ແລະຍັງມີຫຼາຍສີໃຫ້ເລືອກອີກນຳ
Style Shells: ສຳລັບໂມດູນນີ້ຖືວ່າເຮົາເຫັນກັນປະຈຳຢູ່ແລ້ວ (ຫຼືຈະເອີ້ນວ່າເຄສໂທລະສັບດີບໍ່ 55) ເຊິ່ງໄວ້ສຳລັບປ່ຽນຝາຫຼັງຂອງໂທລະສັບ ເພື່ອເພີ່ມສີສັນ ແລະຄວາມສວຍງາມໃຫ້ແກ່ໂຕເຄື່ອງ.
ສ່ວນລາຄາແລະມື້ວາງຈຳໜ່າຍຂອງອຸປະກອນເສີມນັ້ນຍັງບໍ່ມີປະກາດອອກມາໃດໆ
ວີດີໂອຕົວຢ່າງ:
https://youtu.be/-2L1zQkJ8UA
https://youtu.be/Pl2Tr5i41rQ