ທ້າວ ສົມເດດ ກຳລັງສຶກສາຢູ່ຄະນະອີເລັກໂທຣນິກໂທລະຄົມ-ມະນາຄົມການບິນ (ນັກສຶກສາລາວ) ໄດ້ມີແນວຄວາມຄິດນຳເອົາລະບົບຕິດຕາມແລະຄວບຄຸມອຸປະກອນໄຟຟ້າທາງໄກຜ່ານ SMS ມືຖື ເຊິ່ງເປັນແນວຄວາມຄິດທີ່ດີເພື່ອຄວບຄຸມອຸປະກອນໄຟຟ້າໃນເຮືອນຂອງເຮົາ ໂດຍໃຊ້ໂທລະສັບຄວບຄຸມ ແລະ ບັງຄັບໃຫ້ເຄື່ອງໃຊ້ໄຟຟ້າໃນເຮືອນທ່ານໃຫ້ເປີດ-ປິດຕາມທີ່ທ່ານຕ້ອງການ ນີ້ເປັນສຸດຍອດສິ່ງປະດິດອີກອັນໜຶ່ງຂອງຄົນລາວ ທີ່ຈະຊ່ວຍປ້ອງກັນອັກຄີໄພເຫດເກີດຈາກໄຟຟ້າລັດວົງຈອນ ເນື່ອງຈາກລືມມອດເຄື່ອງໃຊ້ໄຟຟ້າໃນເຮືອນ ແລະ ຍັງສະດວກໃນເວລາທີ່ທ່ານອອກໄປນອກເຮືອນແລ້ວບໍ່ຈຳເປັນຕ້ອງຂັບລົດກັບມາເຮືອນເພື່ອກັບມາມອດເຄື່ອງໃຊ້ໄຟຟ້າທີ່ທ່ານລືມມອດໄວ້ອີກດ້ວຍ ແຖມຍັງຊ່ວຍເຮົາປະຢັດຄ່າໄຟໄດ້ອີກດ້ວຍ.
ວິດີໂອດັ່ງກ່າວໄດ້ຖືກເຜີຍແຜ່ທີ່ ເຟສບຸກ Shineday Skyline ໃນວັນທີ 6 ມິຖຸນາ 2016ທີ່ຜ່ານມານີ້ ເຊິ່ງໃນວິດີໂອຈະອະທິບາຍລາຍລະອຽດຄຸນປະໂຫຍດ ແລະ ວິທີການນຳໃຊ້ຕ່າງໆ ເຮົາມາເບິ່ງພ້ອມໆກັນເລີຍ