spot_img
Homeມຸມຂ່າວ AECບັນດາລັດຖະມົນຕີວັດທະນະທຳ-ສັງຄົມອາຊຽນໄດ້ຮ່ວມກັນພິຈາລະນາບັນດາເອກສານສຳຄັນຕ່າງໆ

ບັນດາລັດຖະມົນຕີວັດທະນະທຳ-ສັງຄົມອາຊຽນໄດ້ຮ່ວມກັນພິຈາລະນາບັນດາເອກສານສຳຄັນຕ່າງໆ

Published on

ກອງປະຊຸມສະພາປະຊາຄົມ ວັດທະນະທຳ-ສັງຄົມອາຊຽນ ຄັ້ງທີ 15 ໄດ້ໄຂຂຶ້ນຢ່າງເປັນທາງການ ທີ່ແຂວງຫລວງພະບາງໃນວັນທີ 4 ມິຖຸນານີ້ໂດຍໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ເລເລືອງມິງ, ເລຂາທິການໃຫຍ່ອາຊຽນ ພ້ອມດ້ວຍບັນດາລັດຖະມົນຕີ ວັດທະນະທຳ-ສັງຄົມອາຊຽນ 10 ປະເທດ ເຂົ້າຮ່ວມ.

ກອງປະຊຸມດັ່ງກ່າວແມ່ນຈັດຂຶ້ນເປັນຄັ້ງທຳອິດ ແລະ ປີທຳອິດຂອງ ສປປ ລາວ ພາຍຫລັງສ້າງຕັ້ງເປັນປະຊາຄົມອາຊຽນ ເຊິ່ງຈະເປັນຂີດໝາຍອັນສຳຄັນ ໃຫ້ແກ່ບັນດາລັດຖະມົນຕີວັດທະນະທຳ-ສັງຄົມອາຊຽນ ຈະໄດ້ພ້ອມກັນພິຈາລະນາບັນດາເອກສານສຳຄັນຕ່າງໆ ເພື່ອນຳສະເໜີໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 28 ທີ່ຈະຈັດຂຶ້ນຢູ່ນະຄອນຫລວງວຽງຈັນໃນປີນີ້.

ທ່ານ ບໍ່ແສງຄຳ ວົງດາລາ, ລັດຖະມົນຕີກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ທັງເປັນປະທານ ກອງປະຊຸມດັ່ກ່າວ ໄດ້ແຈ້ງໃຫ້ຮູ້ວ່າ: ໃນວາລະທີ່ ສປປ ລາວ ເປັນປະທານອາຊຽນ, ພວກເຮົາໄດ້ນຳສະເໜີຈຳນວນ 8 ຂົງເຂດບູລິມະສິດ ແລະ ໄດ້ຄົ້ນຄວ້າ 5 ເອກະສານທີ່ສຳຄັນ ໂດຍແມ່ນຂະແໜ່ງການທີ່ກ່ຽວຂ້ອງ ເປັນຜູ້ສະເໜີ ແລະ ອີກ 3 ເອກະສານທີ່ຄ້າງໄວ້ ຢູ່ໃນກອງປະຊຸມປະຊາຄົມວັດທະນະທຳ-ສັງຄົມ ຄັ້ງຫລ້າສຸດຜ່ານມາ ຄື: 1. ຖະແຫລງການອາຊຽນ ວ່າດ້ວຍອາຊຽນເປັນໜຶ່ງດຽວກັນ ໃນການຕອບໂຕ້ໄພພິບັດຂະໜາດໃຫຍ່ຢູ່ໃນພາກພື້ນ ແລະ ນອກພາກພື້ນ, 2. ຖະແຫລງການອາຊຽນ ວ່າດ້ວຍຊີວະນາໆພັນ ແລະ 3. ຖະແຫລງການອາຊຽນ ວ່າດ້ວຍການສ້າງຄວາມເຂັ້ມແຂງໃຫ້ແກ່ເດັກ ແລະ ຊາວໜຸ່ມ ອອກໂຮງຮຽນ. ພ້ອມດຽວກັນນີ້ ຍັງມີ 2 ເອກະສານໃໝ່ ຄື: ເອກະສານ ທີ 1 ແມ່ນຖະແຫລງການວຽງຈັນ ວ່າດ້ວຍການຫັນປ່ຽນ ຈາກການຈ້າງງານນອກລະບົບ ໄປສູ່ການຈ້າງງານໃນລະບົບ ເພື່ອກ້າວໄປສູ່ການສົ່ງເສີມວຽກງານທີ່ຖືກຕ້ອງ ແລະ ຊອບທຳໃນອາຊຽນ ແລະ ເອກສານ ທີ 2 ແມ່ນ ຖະແຫລງການວຽງຈັນ ວ່າດ້ວຍການຊຸກຍູ້ ແລະ ສົ່ງເສີມ ການຣ່ວມມື ທາງດ້ານມໍລະດົກວັດທະນະທຳອາຊຽນ, ຕໍ່ກັບເອກະສານທີ່ໄດ້ກ່າວມານີ້ ໄດ້ຜ່ານການຄົ້ນຄວ້າພິຈາລະນາ ແລະ ເຫັນດີເປັນເອກະພາບກັນ ຂອງບັນດາເຈົ້າໜ້າທີ່ອາວຸໂສດ້ານວັດທະນະທຳ-ສັງຄົມອາຊຽນເປັນທີ່ຮຽບຮ້ອຍແລ້ວ.

ທີ່ມາ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...