​ແຫຼ່ງຂ່າວ​ທາງ​ການ​ແພດ ​ແລະ ຄວາມ​ໝັ້ນ​ຄົນ​ໃນ​ໂຊ​ມາ​ເລຍ​ລາຍ​ງານ​ວ່າ ມີ​ຜູ້​ເສຍ​ຊີວິດ​ຢ່າງ​ໜ້ອຍ 10 ຄົນ ຊຶ່ງ​ລວມ​ເຖິງ​ສະມາຊິກ​ສະ​ພາ 2 ຄົນ ຈາກ​ເຫດ​ລະ​ເບີດ​ລົດ ​ແລະ ຍິງ​ໂຈມ​ຕີ​ທີ່​​ໂຮ​ງ​ແຮມຊັ້ນ​ນຳ​ໃນ​ນະຄອນ​ຫຼວງ​ໂມ​ກາ​ຕິ​ຊູ ​ເມືອງ​ຫຼວງ​ຂອງ​ໂຊ​ມາ​ເລຍ​ເມື່ອ​ວັນ​ພຸດ ຊຶ່ງ​ກຸ່ມ​ອັລ​ຊາ​ບັບ​ໃນ​ເຄືອ​ຂ່າຍ​ກຸ່ມຕິດ​ອາວຸດ​ອັລກໍ​ອີ​ດະ​ອ້າງ​ວ່າ​ເປັນ​ຜູ້​ກໍ່​ເຫດ.

ນອກຈາກ​ນີ້ ຍັງ​ມີ​ລາຍ​ງານ​ຜູ້​ໄດ້​ຮັບ​ບາດ​ເຈັບ​ປະມານ 40 ຄົນ​ຈາກ​ເຫດ​ໂຈມ​ຕີ​ກາງ​ໂຮງ​ແຮມ​ແອ​ມບາ​ສຊາ​ເດີ ຊຶ່ງ​ກອງ​ກຳລັງ​ຮັກສາ​ຄົມ​ໝັ້ນຄົງ​ໂຊ​ມາ​ເລຍ​ຍັງ​ຄົມ​ສູ້​ຮົບ​ກັບ​ກຸ່ມ​ນັກຮົບ​ຊາ​ບັບ​ໃນ​ຕອນ​ແລງ​ເປັນ​ເວລາ 5 ຊົ່ວ​ໂມງ ພາຍຫຼັງ​ຈາກ​ເກີ​ດ​ເຫດ​ໂຈມ​ຕີ​ລະ​ເບີດ​ຄັ້ງ​ທຳ​ອິດ​ເກີດ​ຂຶ້ນ​ເມືອງ​ເວລາ​ປະມານ 17:40 ​ໂມງ ຕາມ​ເວລາ​ທ້ອງ​ຖິ່ນ ຫຼື ຊ່ວງ​ຄໍ່າ​ວານ​ນີ້ ຕາມ​ເວລາ​ໃນ​ບ້ານເຮົາ ​ແລະ ກອງ​ກຳລັງ​ຮັກສາ​ຄວາມ​ໝັ້ນຄົງ​ໄດ້​ປະ​ທະ​ກັບ​ກຸ່ມ​ຕິດ​ອາວຸດ ​ແລະ ຕ້ອງ​ປິດ​ກັ້ນ​ພື້ນທີ່​ທັງ​ໝົດ ກຸ່ມ​ຊາ​ບັບຖືກ​ຂັບ​ອອກ​ຈາກ​ນະຄອນ​ຫຼວງ​ໂມ​ກາ​ຕິ​ຊູ​ເມື່ອປີ 2012 ​ແຕ່​ຍັງ​ເປັນ​ໄພ​ຄຸກ​ຄາມ​ກັບ​ທັງ​ໂຊ​ມາ​ເລຍ ​ແລະ ​​ເຄນ​ຢາ​ຊຶ່ງ​ມັກ​ພົບ​ກັບ​ເຫດ​ໂຈມ​ຕີ​ຫຼາຍ​ຄັ້ງ.