spot_img
Homeຂ່າວທ້ອງຖິ່ນກຽມ​ຈັດ​ງານ​ວາງສະ​ແດງ​ເຄື່ອງ​ເຮືອນ​ລາວ​ເປັນ​ຄັ້ງ​ທຳ​ອິດ

ກຽມ​ຈັດ​ງານ​ວາງສະ​ແດງ​ເຄື່ອງ​ເຮືອນ​ລາວ​ເປັນ​ຄັ້ງ​ທຳ​ອິດ

Published on

ປະທານສະມາຄົມ​ເຟີ​ນີ​ເຈີ​ລາວ ​ແຈ້ງ​ໃຫ້​ຮູ້​​ໃນງານ​ຖະ​ແຫລ​ງຂ່າວ​ຕໍ່​ສື່​ມວນ​ຊົນ​ເມື່ອວັນທີ 26 ພຶດສະພານີ້ວ່າ: ​ໃນ​ລະຫວ່າງ​ວັນ​ທີ 18-24 ກໍລະ​ກົດນີ້,ສະມາ​ຄົມ​ເຟີ​ນີ​ເຈີ​ລາວ ຈະ​ຈັດ​ງານ​ວາງສະ​ແດງ​ເຄື່ອງ​ໃຊ້​ໃນ​ເຮືອນ​ລາວ ​ເປັນ​ຄັ້ງ​ທຳ​ອິດ ປະຈຳ​ປີ 2016ນີ້, ຢູ່​ສູນ​ການ​ຄ້າ​ລາວ-​ໄອ​ເຕັກ ​ເພື່ອ​ແນ​ໃສ່​ສົ່ງ​ເສີມ ​ແລະສ້າງ​ຄວາມ​ເຂັ້ມ​ແຂງ​ທາງ​ດ້ານ​ສີ​ໄມ້​ລາຍ​ມື​ຄົນ​ລາວ​ເຮົາ, ຫົວໜ່ວຍ​ທຸລະ​ກິດ​ເຟີ​ນີ​ເຈີ​ໄມ້​ລາວ​ໃຫ້​ຂະຫຍາຍຕົວ ​ແລະ ສາມາດ​ເຊື່ອມ​ໂຍງ​ເຂົ້າ​ສູ່​ຕະຫລາດ​ພາກ​ພື້ນ​ ​ແລະ ສາກົນ​ໄດ້ ​ເພື່ອ​ສາມາດ​ຂະຫຍາຍ​ຕະຫລາດ​ເຟີ​ນີ​ເຈີ​​ໄມ້​ຈາກ​ລາວ ​ໃຫ້​ນັບ​ມື້​ກວ້າງຂວາງ ​ແລະ ທັງ​ເປັນ​ການ​ອະນຸລັກ​ຮັກສາ​ປ່າ​ໄມ້, ນຳ​ໃຊ້​ໄມ້​ໃຫ້​ເກີດ​ປະ​ໂຫຍ​ດສູງ​ສຸດ ​ແລະ ມີ​ໄມ້​ໄວ້​ຢ່າງ​ຢືນ​ຢົງ ​ແລະ ​ເປັນ​ການ​ເພີ່ມ​ມູນ​ຄ່າ​ຜະລິດ​ຕະພັນ​ໄມ້, ຫວາຍ ​ແລະ ​ໄມ້ປ່ອງ ​ໃຫ້​ສູງ​ຂຶ້ນ ຕາມ​ຄວາ​ມຕ້ອງ​ການ​ຂອງ​ສັງຄົມ.

ທ່ານ​​ປະທານ ກ່າວ​ວ່າ: ຄາດ​ວ່າ​ງານ​ວາງສະ​ແດງ​ດັ່ງກ່າວ​ຈະ​ມີ​ເຄື່ອງຮັບ​ໃຊ້​ວຽກ​ງານ​ກໍ່ສ້າງ ປ​ະ​ເພດ​ຕ່າງໆ, ​ເຄື່ອງ​ເຟີ​ນີ​ເຈີ​ທີ່​ເຮັດ​ດ້ວຍ​ໄມ້, ຫວາຍ, ​ໄມ້ປ່ອງ ​ແລະ ວັດ​ສະດຸ​ເສດ​ເຫລືອ​ຕ່າງໆ​ຈາກ​​ໄມ້, ຜະລິດ​ຕະພັນ​ຫັດຖະກຳ ​ແລະ​ເຄື່ອງ​ແກະສະຫລັກ​ຕ່າງໆ, ພ້ອມ​ມີ​ເຄື່ອງມື​ອຸປະກອນ​ ​ແລະ ​ເຄື່ອງ​ຈັກ​ສຳລັບ​ການ​ຜະລິດ​ເຄື່ອງ​ເຟີ​ນີ​ເຈີ, ​ໂດຍ​ຈະ​ມີ​ຜູ້​ປະກອບ​ການ​ເຟີ​ນີ​ເຈີ ​ແລະ ອຸປະກອນ​ຮັບ​ໃຊ້​ວຽກ​ງານ​ດັ່ງກ່າວ​ເຂົ້າ​ຮ່ວມ​ຫລາຍ​ກວ່າ 300 ຮ້ານ.

 

ຂ່າວຈາກ: http://laophatthananews.blogspot.com/

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...