ອາການຂອງການປວດຂໍ່, ປວດເຂົ່າ ຄື: ການປວດບໍລິເວນຂໍ່ຕ່າງໆ ຂອງຮ່າງກາຍ ເຊິ່ງຈະພົບເປັນປະຈຳໃນບໍລິເວນຂໍ່ເຂົ່າ ອາການປວດມັກຈະປວດເລິກໆ ແລະ ການປວດນີ້ຈະມີອາການອື່ນຮ່ວມຢູ່ນຳເຊັ່ນ: ມີອາການບວມຢູ່ບໍລເວນທີ່ປວດ, ມີອາການເຄື່ອນໄຫວລຳບາກ, ຝືດຂັດ ຫຼື ມີອາການແດງ ຮ້ອນ ທີ່ຂໍ່

ສາເຫດທີ່ເຮັດໃຫ້ເກີດອາການປວດຂໍ່, ປວດເຂົ່າ ແມ່ນມາຈາກຫຼາຍສາເຫດ ບໍ່ວ່າຈະເປັນຂໍ່ເຂົ່າເສື່ອມ, ການສີກລອກຂອງກະດູກ, ເອັນໄຂ່ວ, ອັກເສບຂໍ່ ຫຼື ການເກີດຈາກອຸບັດຕິເຫດທີ່ເຮັດໃຫ້ເກີດການເຄື່ອນທີ່ຂອງກະດູກກໍ່ຕາມ

ການຮັກສາອາການປວດຂໍ່, ປວດເຂົ່າເບື້ອງຕົ້ນ ຕ້ອງເລີ່ມຈາກການຫາສາເຫດຂອງອາການກ່ອນ
– ຫາກເກີດຈາກອຸບັດຕິເຫດ: ເຮັດໃຫ້ເກີດເອັນໄຂ່ວ ເອັນພິກ ອາດໃຊ້ການປະຄົບ ຮ່ວມກັບການກິນຢາແກ້ປວດ ແລະ ການເຮັດກາຍະພາບບຳບັດເຂົ້າຊ່ວຍ ອາການກໍ່ຈະຄ່ອຍໆດີຂຶ້ນໄດ້
– ຫາກເກີດຈາກພະຍາດເຊັ່ນ: ໂຣກປະດົງຂໍ່… ຕ້ອງກິນຢາຕາມແພດສັ່ງຢ່າງເຄັ່ງຄັດ ຮວມເຖິງການປະຕິບັດຕົວໃຫ້ເໝາະສົມກັບພະຍາດເຊັ່ນ: ການເລືອກກິນອາຫານໃຫ້ຖືກຕ້ອງເປັນອາຫານທີ່ບໍ່ຜິດກັບພະຍາດ ເປັນຕົ້ນ ເຖິງຈະຮັກສາໃຫ້ຫາຍຂາດບໍ່ໄດ້ ແຕ່ກໍ່ຊ່ວຍບໍ່ໃຫ້ສະແດງອາການເຈັບປວດໄດ້
– ຫາກ່ຽວກັບຄວາມເສື່ອມຂອງຂໍ່ຕ່າງໆ ອາດຈະປົວດ້ວຍການກິນຢາຮ່ວມກັບການເຮັດກາຍະພາບບຳບັດ ແລະ ຫຼີກລ່ຽງການໃຊ້ງານໜັກໃນສ່ວນທີ່ເຈັບປວດນັ້ນ ຫາກອາການບໍ່ດີຂຶ້ນ ຫຼື ມີອາການຮ້າຍແຮງ ກໍ່ຕ້ອງເຮັດການຜ່າຕັດເພື່ອໃສ່ຂໍ່ທຽມ ແລະ ເຮັດກາຍະພາບຢ່າງຕໍ່ເນື່ອງ

ທີ່ມາ: http://www.pikool.com/