Homeຂ່າວພາຍ​ໃນປກສ ທ່າ​ແຂກ​ມ້າງ​ຂະ​ບວນລັກ​ລົດຈັກ

ປກສ ທ່າ​ແຂກ​ມ້າງ​ຂະ​ບວນລັກ​ລົດຈັກ

Published on

​ເຈົ້າໜ້າ​ທີ່ ປກສ ​ເມືອງ​ທ່າ​ແຂກ ​ແຂວງ​ຄຳ​ມ່ວນ ​ໃຫ້​ຮູ້​ວ່າ: ພາຍຫລັງ​ໄດ້​ຮັບ​ແຈ້ງ​ມີ​ສະພາບ​ລັກ​ຊັບ​ພົນລະ​ເມືອງ​ລັກ​ລົດຈັກ​ເກີດ​ຂຶ້ນລຽນຕິດ​ຢູ່​ໃນ​ເຂດ​ເທສະ​ບານ​ເມືອງ​ທ່າ​ແຂກ ຈຶ່ງ​ໄດ້​ວາງ​ກຳລັງ​ອອກ​ຕິດຕາມ ​ແລະ ສາ ມາດ​ກັກ​ຕົວ​ທ້າວ ກີ​ຕ້າ, ທ້າວ ທິດ, ທ້າວ ກະ​ແຕ, ທ້າວ ປັດ ​ແລະ ທ້າວ ອຸປະ​ເສີດ ທັງ​ໝົດ​ແມ່ນ​ຫວ່າງ​ງານ ​ແລະ ​​ເຄື່ອນ​ໄຫວ​ລັກຊັບ​ຢູ່​ເທສະ​ບານ​ເມືອງ​ທ່າ​ແຂກ. ຜ່ານ​ການ​ສືບສວນ- ສອບ​ສວນ​ຂອງ​ເຈົ້າໜ້າ​ທີ່​ພວກ​ກ່ຽວ​ຮັບ​ສາລະພາບ​ວ່າ: ​ໄດ້​ຮ່ວມ​ກັນ​ເຄື່ອນ​ໄຫວ​ລັກ​ຊັບ​ພົນ ລະ​ເມືອງ​ໃນ​ເຂດ​ເທສະ​ບານ​ເມືອງ​ທ່າ​ແຂກ​ມາ​ດົນ ມີ​ທັງ​ການ​ງັດ​ແງະ​ເຮືອນ​ຊານ​ບ້ານ​ຊ່ອງ ຂອງ​ປະຊາຊົນ ​ເພື່ອ​ເອົາ​ຊັບ​ມາ​ແລ້ວ​ຫລາຍ​ຄັ້ງ ​ແລະ ລັກ​ລົດຈັກ​ຫລາຍ​ຄັນ ​ເພື່ອ​ໄປ​ຂາຍ​ໃນ​ລາ ຄາ 10.000-20.000 ບາດ (ສະ ກຸນ​ເງິນ​ໄທ), ສ່ວນ​ເງິນ​ທີ່​ໄດ້​ມາ​​ແມ່ນ​ແບ່ງ​ກັນ​​ໄປ​ຊື້ຢາ​ບ້າ​ມາ​ເສບ

​ແລະ ຫລິ້ນກິນ​ຟຸມ​ເຟືອຍ. ​ໃນ​ມື້ ກັກ​ຕົວ​ ​ເຈົ້າໜ້າ​ທີ່​ສາມາດ​ຢຶດ ຂອງ​ກາງ​ລົດຈັກ 5 ຄັນ ທີ່​ພວກ​ກ່ຽວ​ຫາ​ກໍ​ລັກ​ມາ​ໄດ້ ​ເຊິ່ງ​ເປັນ​ຫລັກ​ຖານ​ໃນ​ການ​ດຳ​ເນີນ​ຄະດີ​ຕາມ​ກົດໝາຍ.

ຂ່າວ​ໃຫ້​ຮູ້​ອີກ​ວ່າ: ​ໃນ​ກາງ​ເດືອນ​ພຶດສະພາ​ຜ່ານ​ມານີ້, ເຈົ້າ ໜ້າ​ທີ່ ປກສ ​ເມືອງ​ຊຽງ​ເງິນ ແຂວງ​ຫລວງ​ພະ​ບາງ ​ໄດ້​ມອບ​ລົດຈັກ​ເວ​ບ​ໄທ 1 ຄັນ ຄືນ​ໃຫ້​ເຈົ້າ ຂອງ​ເດີມ ​ພາຍຫລັງ​ຖືກ​ຄົນ​ຮ້າຍ​ລັກ​ໄປ​ໃນ​ຕົ້ນ​ເດືອນ​ພຶດສະພານີ້, ສ່ວນ​ຄົນ​ຮ້າຍ​ກຳລັງ​ເອົາ​ຕົວ​ຫລົບໜີການ​ຈັບ​ຕົວ​ມາ​ດຳ​ເນີນ​ຄະດີ​ຂອງ​ເຈົ້າໜ້າ​ທີ່.

ທີ່ມາ  http://laophatthananews.blogspot.com/2014/05/blog-post_2765.html

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...