spot_img
Homeຂ່າວທ້ອງຖິ່ນລະວັງ! 3 ມາດຕະການເດັດໆຈະເຮັດໃຫ້ຜູ້ຂັບຂີ້ຈົກຖົງ 10 ເທົ່າ

ລະວັງ! 3 ມາດຕະການເດັດໆຈະເຮັດໃຫ້ຜູ້ຂັບຂີ້ຈົກຖົງ 10 ເທົ່າ

Published on

ທ່ານ ພັນໂທ ຢຸດຕະພົງ ສຸວັນນະສິງ ຫົວໜ້າພະແນກຕຳຫຼວດຈະລາຈອນ ນະຄອນຫຼວງວຽງຈັນ ຊາບໃນອາທິດນີ້ວ່າ: ໃນໄລຍະທີ່ຜ່ານມາກໍ່ຄືປັດຈຸບັນເຈົ້າໜ້າທີ່ຕຳຫຼວດຈະລາຈອນ ນວ ໄດ້ປະຕິບັດວຽກງານຕາມດຳລັດເລກທີ 188/ນຍ ວ່າດ້ວຍການປັບໃໝຕໍ່ຜູ້ລະເມີດກົດລະບຽບການສັນຈອນ ຄຽງຄູ່ກັນນັ້ນກໍ່ໄດ້ປະຕິບັດຕາມມະຕິຕົກລົງຂອງອົງການປົກຄອງ ນວ ກ່ຽວກັບແຜນວຽກງານ ແລະ ມາດຕະການຈັດຕັ້ງປະຕິບັດໂຄງການວຽງຈັນສະອາດໄລຍະສະເພາະໜ້າ ແລະ ຮອດປີ 2020 ທັງນີ້ເພື່ອເຮັດໃຫ້ການສັນຈອນໄປມາຕາມເສັ້ນທາງຕ່າງໆ ເວົ້າລວມ ເວົ້າສະເພາະແມ່ນເສັ້ນທາງຢູ່ 4 ເມືອງໃນ ມີຄວາມຄ່ອງຕົວໄລຍະເວລາໂມງເຂົ້າການ-ເລີກການ ແລະ ຫຼີກລ່ຽງຈາກບັນຫາການເກີດອຸບັດຕິເຫດ.

ສະເພາະການປັບໃໝລົດທີ່ລ້ຽວຂວານີ້ ທາງເຈົ້າໜ້າທີ່ຍັງສືບຕໍ່ປະຕິບັດຕາມດຳລັດ ເລກທີ 188/ນຍ ວ່າດ້ວຍການປັບໃໝຕໍ່ຜູ້ລະເມີດກົດລະບຽບການສັນຈອນຄືເກົ່າ ເຊິ່ງຂ່າວລືທີ່ວ່າເຈົ້າໜ້າຕຳຫຼວດປັບໃໝ 10 ເທົ່າໃນການລ້ຽວຂວາແມ່ນເປັນບາງອັນທີ່ບໍ່ສອດຄ່ອງກັບສະພາບຄວາມຈິງ ແຕ່ໃນດ້ານການປະຕິບັດວຽກງານຂອງທາງເຈົ້າໜ້າທີ່ແລ້ວແມ່ນຍັງຢຶດໝັ້ນອຸດົມການໃນການປະຕິບັດເລື່ອງກົດໝາຍ ໂດຍສະເພາະແມ່ນການປະຕິບັດຕາມດຳລັດເລກທີ 188/ນຍ ຖ້າຫາກວ່າການລະເມີດອັນໃດທີ່ມັນແຕະຕ້ອງເຖິງລະບຽບ ຫຼື ມະຕິ 03 ຂອງອົງການປົກຄອງ ນວ ແມ່ນໄດ້ຄູນ 10 ຕາມການລະເມີດຕົວຢ່າງ:

+ການຈອດຕັນທາງເສັ້ນມ້າລາຍ, ທາງຂອບຂາວແດງ ,ຈອດບ່າທາງ ຫຼື ຈອດບ່ອນທີ່ເກະກະການຈະລາຈອນທີ່ບໍ່ມີຄວາມສະດວກ.
+ລົດບັນທຸກແກ່ເຄື່ອງເຮັດໃຫ້ທາງມີການເປື້ອນເປີະ ຫຼື ວ່າເຂົ້າມາໃນຕົວເມືອງໂດຍບໍ່ໄດ້ຮັບອະນຸຍາດ ກີດຂວາງການສັນຈອນ
+ລົດລ້ຽວຂວາຢູ່ຕາມສາມແຍກ ແລະ ສີ່ແຍກທີ່ມີໄຟອຳນາດ.

ໂດຍ: ສອດສ່ອງ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...