ວິທີແກ້ອາການເມົາຄ້າງ ຖືຈຳເປັນຫຼາຍສຳລັບບັນດາຄໍທອງແດງ ຫຼື ນັກດື່ມມືອາຊີບທັງຫຼາຍ ຫຼື ແມ່ນແຕ່ນັກດື່ມມືໃໝ່ ອາການເມົາຄ້າງທຸກຄົນເມື່ອຕື່ນຂຶ້ນມາແລ້ວຈະຮູ້ສຶກປວດຫົວ, ປວດຮາກ, ຈົນບາງຄົນບໍ່ສາມາດໄປເຮັດວຽກເຮັດງານໃດໆໄດ້ເລີຍ ວັນນີ້ພວກເຮົາເລີຍມີເຄັດລັບການແກ້ເມົາຄ້າງມາຝາກກັນ ເຊິ່ງຈະມີວິທີໃດແນ່ນັ້ນເຮົາມາອ່ານກັນເລີຍ
1. ຮັບປະທານຂອງທີ່ມີຣົດຊາດສົ້ມ
ກິນຂອງສົ້ມປະເພດໝາກນາວ, ໝາກມ່ວງ, ໝາກຂາມ… ຈະຊ່ວຍບັນເທົາອາການເມົາຄ້າງໄດ້ ແລະ ຈະຊ່ວຍຫລຸດອາການປວດຮາກໄດ້ອີກດ້ວຍ
2. ດື່ມນົມ
ນົມຈະຊ່ວຍດູດຊັບແອລກໍຮໍໄດ້ເປັນຢ່າງດີ ເຮັດໃຫ້ສາມາດດູດແອລກໍຮໍຈາກກະແສເລືອດໄດ້ ຈິ່ງຫລຸດອາການເມົາຄ້າງໄດ້ໄວ ແຕ່ທາງທີ່ດີຄວນດື່ມນົມກ່ອນດື່ມແອລກໍຮໍລົງໄປປະມານ 1 ຊົ່ວໂມງ ຈະໄດ້ຜົນດີທີ່ສຸດ
3. ກິນ ຊັອກໂກແລັດ
ຊັອກໂກແລັດ ຈະຊ່ວຍກະຕຸ້ນການທຳງານຂອງສະໝອງໄດ້ດີ ເນື່ອງຈາດມີສານຄາຟາອິນມີສ່ວນປະສົມເຊັ່ນດຽວກັນກັບກາເຟນັ້ນເອງ
4. ດື່ມນ້ຳສະໝຸນໄພ
ດື່ມປະເພດນ້ຳກະຈ໊ຽບ, ນ້ຳຂິງ, ນ້ຳຊາ, ນ້ຳໝາກນາວ, ນ້ຳໝາກພ້າວ, ນ້ຳສົ້ມ ເປັນຕົ້ນ ຈະຊ່ວຍຫຼຸດອາການປວດຫົວ, ວິນວຽນ ທັງອາການປວດຮາກໄດ້ເປັນຢ່າງດີ ທັງຍັງເຮັດໃຫ້ຮູ້ສຶກສົດຊື່ນນຳອີກ
5. ເຄື່ອງດື່ມວິຕາມິນ ແລະ ເກືອແຮ່ຕ່າງໆ
ດື່ມວິຕາມິນ ແລະ ເກືອແຮ່ຕ່າງໆຈະຊ່ວຍຫຼຸດອາການປວດຫົວໄດ້ເປັນຢ່າງດີ ແຖມເຮັດໃຫ້ຮ່າງກາຍສົດຊື່ນອີກດ້ວຍ
6. ກິນຢາຫລຸດກຣົດໃນກະເພາະ
ເນື່ອງຈາກເຄື່ອງດື່ມທີ່ມີສານແອລກໍຮໍຈະມີກຣົດອ່ອນໆ ຈິ່ງມີກຣົດຕົກຄ້າງໃນກະເພາະອາຫານເປັນຈຳນວນຫຼາຍ ໃນຢາຫລຸດກຣົດຈະມີສານໂຊດ້ຽມໄບຄາຣບໍເນດເຊິ່ງເປັນສານຕ່າງ ຊ່ວຍຄືນຄວາມສົມດູນໃຫ້ຮ່າງກາຍໄດ້ດີ
7. ດື່ມກາເຟເຂັ້ມຂຸ້ນ ຫຼື ກາເຟດຳ
ເປັນວິທີຍອດນິຍົມ ທີ່ນັກດື່ມທັງຫຼາຍມັກເຮັດເປັນປະຈຳ ເພາະກາເຟມີສານຄາຟາອິນທີ່ຊ່ວຍກະຕຸ້ນຄວາມດັນເລືອດ ເຮັດໃຫ້ແອລກໍນໍອອກຈາກເລືອດໄດ້ໄວຂຶ້ນ ທັງຍັງຊ່ວຍກະຕຸ້ນການເຮັດວຽກຂອງສະໝອງໄດ້ດີອີດດ້ວຍ
8. ດື່ມນ້ຳລ້າໃຫ້ຫຼາຍໆ
ສາເຫດທີ່ເຮັດໃຫ້ເມົາຄ້າງເນືອງຈາກຮ່າງກາຍຂາດນ້ຳກັ່ງນັ້ນການດື່ມນ້ຳລ້າໃສ່ຫຼາຍໆຈະຊ່ວຍໃຫ້ຮ່າງກາຍມີນ້ຳ ແລະ ຊ່ວຍເຮັດໃຫ້ຮ່າງກາຍສົດຊື່ນ ແຖມຍັງຫລຸດອາການເມົາຄ້າງໄດ້ອີກ
9. ດື່ມນ້ຳອັດລົມ
ເພາະນ້ຳອັດລົມຈະຊ່ວຍຂັບແອລກໍຮໍໃນເສັ້ນເລືອດອອກໄປໄດ້ ມັນຈະຊ່ວຍຫລຸດອາການປວດຫົວ, ປວດຮາກໄດ້ເປັນຢ່າງດີ
ຫາກຕອນນີ້ທ່ານໃດກຳລັງເມົາຄ້າງຢູ່ກໍ່ລອງເລືອກເອົາຈັກວິທີຂ້າງເທິງນີ້ໄປໃຊ້ລອງເບິ່ງ ເພື່ອຈະຊ່ວຍໃຫ້ທ່ານສະບາຍຕົວ ແລະ ຫາຍຈາກອາການເມົາຄ້າງງ່າຍຂຶ້ນ