ສຳນັກຂ່າວຕ່າງປະເທດ ລາຍງານໃນວັນທີ 24 ພຶດສະພານີ້ວ່າ ເກີດເຫດດິນເຈື່ອນທັບຖົມກຳມະກອນ ຢູ່ບໍ່ອັນຍະມະນີ ໃນເມືອງປາກັນ ລັດຄະສິ່ນ ທາງພາກເໜືອຂອງປະເທດມຽນມາ ສົ່ງຜົນເຮັດໃຫ້ມີຜູ້ເສຍຊີວິດ ຢ່າງໜ້ອຍ 12 ຄົນ ໃນຂະນະທີ່ຄາດວ່າ ອາດມີກຳມະກອນຖືກທັບຖົມ ຕິດຢູ່ໃຕ້ດິນອີກຫລາຍກວ່າ 100 ຄົນ.

ສຳນັກຂ່າວ AFP ໄດ້ແຈ້ງວ່າ ທີມກູ້ໄພກຳລັງເລັ່ງຄົ້ນຫາຜູ້ລອດຊີວິດ ຢູ່ຕາມຊາກກອງຫີນ ແລະ ດິນ ທີ່ເຈື່ອນລົງມາຈາກເທິງພູ ຊຶ່ງເກີດຈາກຝົນຕົກໜັກ, ພ້ອມນັ້ນ ແຫລ່ງຂ່າວຍັງແຈ້ງອີກວ່າ ເມື່ອເດືອນພະຈິກ ແລະ ເດືອນທັນວາປີກາຍນີ້ ກໍໄດ້ເກີດເຫດການແບບດຽວກັນ ຢູ່ບໍ່ອັນຍະມະນີເມືອງປາກັນ ໂດຍຄັ້ງນັ້ນໄດ້ມີຜູ້ເສຍຊີວິດ ລວມກັນກວ່າ 100 ຄົນ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!