spot_img
Homeຂ່າວເຫດການຫກປຊ ເຜີຍແພ່ວຽກງານປະກັນສັງຄົມແກ່ ສື່ມວນຊົນທົ່ວນະຄອນຫຼວງ

ຫກປຊ ເຜີຍແພ່ວຽກງານປະກັນສັງຄົມແກ່ ສື່ມວນຊົນທົ່ວນະຄອນຫຼວງ

Published on

ຕອນເຊົ້າວັນທີ 25 ພຶດສະພາ 2016 ຢູ່ທີ່ຫ້ອງປະຊຸມເຮືອນພັກທ່າລາດ ເມືອງແກ້ວອຸດົມ ແຂວງວຽງຈັນ ໄດ້ມີກອງປະຊຸມເຜີຍແພ່ວຽກງານປະກັນສັງຄົມ ພາຍໃຕ້ກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ ໃຫ້ສື່ມວນຊົນຂະແໜງການຕ່າງໆ ໃນນະຄອນຫຼວງວຽງຈັນ ໂດຍການເປັນປະທານຂອງ ທ່ານ ປະເດິມພອນ ສົນທະນີ ຫ້ອງການກອງທຶນປະກັນສັງຄົມແຫ່ງຊາດ ໂດຍມີສື່ມວນຊົນຈາກທັງພາກລັດແລະເອກະຊົນເຂົ້າຮ່ວມ.

ພາຍໃນພິທີ ທ່ານ ປະທານໄດ້ກ່າວເຖິງຄວາມໝາຍຄວາມສຳຄັນຂອງການປະກັນສົງຄົມ ແມ່ນການຮັບປະກັນໃຫ້ຜູ້ປະກັນຕົນ ໄດ້ຮັບເງິນອຸດໜູນຈາກກອງທຶນປະກັນສັງຄົມແຫ່ງຊາດ ໃນກໍລະນີ ມີການປິ່ນປົວສຸຂະພາບ, ເກີດລູກ ຫຼືຫຼຸລູກ, ເກີດອຸບັດເຫດແຮງງານ, ພະຍາດອາຊີບ, ເສຍກຳລັງແຮງງານ, ເສຍອົງຄະ, ປ່ວຍການ, ບຳນານ, ເສຍຊີວິດ, ອຸດໜຸນສະມາຊິກຄອບຄົວ ແລະວ່າງງານ. ທ່ານກ່າວເນັ້ນວ່າ ວຽກງານປະກັນສັງຄົມ ມີຄວາມສຳຄັນຕໍ່ຊາດ ຕໍ່ການຍືນຍົງຄົງຕົວຂອງປະເທດຊາດ.

ນອກຈາກນັ້ນ, ທ່ານ ນາງ ດວງເດືອນ ຈັນທະວົງ ຫົວໜ້າພະແນກປະຊາສຳພັນ ຫ້ອງການກອງທຶນປະກັນສົງຄົມແຫ່ງຊາດ ໄດ້ລົງເລິກລະອຽດກົດໝາຍວ່າດ້ວຍ ການປະກັນສັງຄົມ.

ໃນຕອນທ້າຍຂອງກອງປະຊຸມ ຍັງໄດ້ເປີດໂອກາດໃຫ້ນັກສຳມະນາກອນໄດ້ສອບຖາມ ເພື່ອຂໍຄວາມຈະຈ່າງແຈ້ງກ່ຽວກັບບັນດາບັນຫາທີ່ກ່ຽວຂ້ອງກັບປະກັນສັງຄົມ ໂດຍສະເພາະແມ່ນການບໍລິການໃນໂຮງໝໍ ແລະການພົວພັນເອົາເງິນອຸດໜຸນ.

ກອງປະຊຸມໄດ້ດຳເນີນໄປດ້ວຍບັນຍາກາດດີ, ນັກສຳມະນາກອນຕ່າງເຂົ້າໃຈແຈ້ງກ່ຽວກັບ ຄວາມໝາຍ ຄວາມສຳຄັນ ຂອງວຽກງານປະກັນສັງຄົມ. ແລະໄດ້ຈົບລົງດ້ວຍຜົນສຳເລັດອັນຈົບງາມ ໃນພາກບ່າຍຂອງວັນດຽວກັນ.

ທ່ານ ປະເດິມພອນ ສົນທະນີ
ທ່ານ ປະເດິມພອນ ສົນທະນີ ຫົວໜ້າຫ້ອງການກອງທຶນປະກັນສັງຄົມແຫ່ງຊາດ
ທ່ານ ນາງດວງເດືອນ
ທ່ານ ນາງດວງເດືອນ ຫົວໜ້າພະແນກປະຊາສຳພັນ ຫ້ອງການກອງທຶນປະກັນສັງຄົມແຫ່ງຊາດ

13265886_782973058470838_5872194622160899945_n

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...