Homeຂ່າວຕ່າງປະເທດເອຢິບ ສົ່ງ​ເຮືອ​ດຳ​ນໍ້າຊອກ​ຫາ​ກ່ອງ​ດຳ​ເອັມ​ເອສ 804

ເອຢິບ ສົ່ງ​ເຮືອ​ດຳ​ນໍ້າຊອກ​ຫາ​ກ່ອງ​ດຳ​ເອັມ​ເອສ 804

Published on

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຄວາມ​ຄືບ​ໜ້າ​ກໍລະນີ​ສາຍ​ການບິນ​ເອ​ຢິບ​ແອ​ຖ້ຽວ​ບິນ​ທີ​ເອັມ​ເອສ 804 ຈາກ​ນະຄອນຫຼວງ​ປາຣີປະ​ເທດ​ຝຣັ່ງ ມາ​ຍັງນະຄອນຫຼວງ​​ໄຄ​ໂຣ ປະ​ເທດ​ເອຢິບ ປະສົບ​ອຸບັດ​ເຫດ​ຕົກ​ພ້ອມ​ຜູ້​ໂດຍສານ ​ແລະ ລູກ​ເຮືອ​ລວມ 66 ຄົນ ​ໃນ​ທະ​ເລ​ເມ​ດິ​ເຕີ​ເຣນຽນ ຊຶ່ງ​ເຈົ້າ​ໜ້າ​ທີ່​ພົບ​ຊາກ​ເຮືອບິນ​ຈຳນວນ​ໜຶ່ງ​ແລ້ວ​ແຕ່​ຍັງ​ບໍ່​ສາມາດ​ຊອກ​ຫາ​ກ່ອງ​ດຳ​ຂອງ​ເຮືອບິນ​ພົບ ຫຼ້າ​ສຸດ​ທາງ​ການ​ເອ​ຢິບ​ໄດ້​ໃຊ້​ຫຸ່ນ​ເຮື​ອດຳ​ນໍ້າ​ທີ່​ປົກກະຕິ​ໃຊ້​ໃນ​ການ​ສຳ​ຫຼວດຂຸດ​ເຈາະ​ນໍ້າມັນ​ລົງ​ສຳ​ຫຼວດພື້ນ​ທີ່​ເພື່ອ​ເລັ່ງຄົ້ນ​ຫາ​ກ່ອງ​ດຳ​ຊຶ່ງ​ຈະ​ໄຂ​ປິດສະໜາ​ສາ​ເຫດການ​ຕົກ​ຂອງ​ເຮືອບິນ​ໄດ້.

ປະທານາທິບໍດີ​ອັບ​ເດລ ຟັດ​ຕາ ອັລ-ຊີ​ຊີ ຂອງ​ເອຢິບ ​ໃຫ້​ສຳພາດ​ວ່າ ທາງ​ການ​ເອຢິບ​ກຳລັງ​ພະຍາຍາມ​ຢ່າງ​ເຕັມທີ່​ເພື່ອ​ທີ່​ຈະ​ກູ້​ກ່ອງ​ດຳ​ຂຶ້ນ​ມາ​ໃຫ້​ໄດ້ ​ແລະ ຈົນ​​ເຖິງ​ຂະນະ​ນີ້ຍັງ​ບໍ່​ສາມາດ​ຢືນຢັນ​ສົມມຸດ​​ຖານ​ໃດໆ ​ໄດ້​ວ່າອັນ​ໃດ​ຄື​ສາ​ເຫດທີ່​ຊັດ​ເຈນ​ທີ່​ເຮັດ​ໃຫ້​ເຮືອບິນ​ຕົກ ​ແລະ ທຸ​ກປະ​ເດັນ​ມີ​ຄວາມ​ເປັນ​ໄປ​ໄດ້​ທັງ​ໝົດ ຢ່າງ​ໃດ​ກໍ​ດີ​ຄາດ​ວ່າ​ຕ້ອງ​ໃຊ້​ເວລາ​ດົນ​ກວ່າ​ຈະ​ໄດ້​ຂໍ້​ສະຫຼຸບ.

ທີ​ມສອບ​ສວນ​ເຜີຍ​ວ່າ ກວດ​ພົບ​ກຸ່ມ​ຄວັນ​ພາຍ​ໃນຕົວ​ເຮືອບິນ​ຫຼາຍ​ຈຸດ 3 ນາທີ​ກ່ອນ​ທີ່​ເຮື​ອບິນ​ຈະ​ຂາດ​ການ​ຕິດ​ຕໍ່ ຂະນະ​ທີ່​ລັດຖະມົນຕີ​ທີ່​ຮັບຜິດຊອບ​ດ້ານ​ການບິນ​ຂອງ​ເອຢິບ​ຍັງ​ຄົງ​ຢືນຢັນ​ວ່າຄວາມ​ເປັນ​ໄປ​ໄດ້​ສູງ​ສຸດ​ຄື​ເຮືອບິນ​ລຳ​ດັ່ງກ່າວ​ຖືກ​ໂຈມ​ຕີ​ຈາກ​ກຸ່ມ​ກໍ່​ການ​ຮ້າຍ​ຫຼາຍກວ່າ​ຈະ​ເກີດ​ບັນຫາ​ດ້ານ​ເຕັກນິກ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...