spot_img
Homeອຸບັດເຫດແລະປາກົດການຫຍໍ້ທໍ້ຈຳ​ພອນ ກັກ​ຕົວ​ຜູ້​ຄ້າ​ຢາ​ເສບ​ຕິດ

ຈຳ​ພອນ ກັກ​ຕົວ​ຜູ້​ຄ້າ​ຢາ​ເສບ​ຕິດ

Published on

ວັນ​ທີ 3 ພຶດ­ສະ­ພາ 2016 ນີ້, ເຈົ້າ​ໜ້າ­ທີ່ ປກສ ເມືອງ​ຈຳ​ພອນ ແຂວງສະ­ຫວັນ​ນະ​ເຂດ​ໄດ້​ຮັບ​ການ​ລາຍ​ງານ ຈາກ​ພົນ­ລະ­ເມືອງ​ດີ​ວ່າ​ຢູ່​ຖຽງ­ນາ​ຂອງ ນາງ ແຕ ປະ­ຊາ­ຊົນ ບ້ານ​ນາ​ຄູ ເມືອງ​ຈຳ​ພອນ ໄດ້​ມີ​ການ​ຄ້າ­ຂາຍ ແລະ​ມົ້ວສຸມ​ຢາ​ເສບ​ຕິດ (ຢາ​ບ້າ) ໂດຍ​ເອົາ​ຖຽງນາ​ເປັນ​ບ່ອນ​ຈຳ­ໜ່າຍ ແລະ ​ມົ້ວ​ສຸມ.

ເມື່ອ​ໄດ້​ຮັບ​ການ​ລາຍ​ງານ​ເຈົ້າ​ໜ້າ­ທີ່ ປກສ ເມືອງ​ດັ່ງ­ກ່າວ​ຈິ່ງ​ໄດ້​ສົ່ງ​ພະ­ນັກງານ​ວິ­ຊາ​ສະ­ເພາະ​ລົງ​ພິ­ສູດ​ແຫຼ່ງ​ຂ່າວ ແລະ​ໄດ້​ຮູ້​ວ່າ​ມີ​ມູນ​ຄວາມ​ຈິງ​ຕົກ​ມາ​ໃນ ວັນ​ທີ 4 ຂອງ​ເດືອນ​ດຽວ​ກັນ​ເຈົ້າ​ໜ້າ ທີ່​ໜ່ວຍ​ງານ​ສະ­ກັດ​ກັ້ນ ແລະ​ຕ້ານ​ຢາ ເສບ​ຕິດ ປກສ ເມືອງ​ຈຳ​ພອນ​ຈິ່ງ​ໄດ້​ສົມທົບ​ກັບ​ອຳ­ນາດ​ການ​ປົກ­ຄອງ ບ້ານ​ນາ​ຄູລົງ​ມ້າງ​ຄະ­ດີ​ຄ້າ-ຂາຍ​ຢາ​ເສບ​ຕິດ​ຢູ່​ຈຸດດັ່ງ­ກ່າວ​ຮັດ​ໃຫ້​ສາ­ມາດ​ກັກ​ຕົວ​ຜູ້​ຖືກ​ຫາຊື່​ນາງ ແຕ ອາ­ຍຸ 47 ປີ ອາ­ຊີບ​ເຮັດ​ນາ ຢູ່​ບ້ານ​ນາ​ຄູ ເມືອງ​ຈຳ​ພອນ ແຂວງ​ສະຫວັນ​ນະ​ເຂດ, ຜ່ານ​ການ​ກວດ​ຄົ້ນ​ຕົວ​ຜູ້­ກ່ຽວ​ພົບ​ຂອງ​ກາງ​ຢາ​ບ້າ 101 ເມັດ ທີ່​ເຊື່ອງ​ໄວ້​ໃນ​ຖົງ​ໂສ້ງ​ທາງ​ໜ້າ​ເບື້ອງ​ຂວາ​ຂອງ​ຜູ້­ກ່ຽວ.

ເຈົ້າ​ໜ້າ­ທີ່ ປກສ ເມືອງ​ຈຳ​ພອນ​ເປີດເຜີຍ​ໃຫ້​ຮູ້​ຕື່ມ​ວ່າ: ໃນ​ເດືອນ12 ປີ 2015 ຫາ​ເດືອນ 4 ປີ 2016 ຜູ້­ກ່ຽວ​ໄດ້​ໄປ​ຊື້ຢາ​ບ້າ​ນຳ​ກຸ່ມ​ຄົນ​ບໍ່​ດີ​ມາ​ຈຳ­ໜ່າຍ​ໃຫ້​ໄວ​ໜຸ່ມ​ໃນ​ບ້ານ​ຫຼາຍ​ຄັ້ງຄັ້ງ​ລະ 100 ຫາ 200  ເມັດລວມ​ປະ­ມານ 445 ເມັດ ໃນ​ລາ­ຄາ​ເມັດ​ລະ15 ຫາ 20 ພັນ​ກີບ ໂດຍ ນັດ​ຮັບ​ສົ່ງ​ຕາມ​ການ​ສະ­ດວກ ແລະ​ເອົາ ຖຽງ­ນາ​ຂອງ​ຜູ້­ກ່ຽວ​ເປັນ​ບ່ອນ​ມົ້ວ​ສຸມ ແລະ​ຈຳ­ໜ່າຍ​ໃນ​ລາ­ຄາ 20 ພັນ 25.000 ກີບ ຊຶ່ງ​ລາວ​ເຮັດ​ມາ​ໄດ້​ປະມານ​ສີ່​ເດືອນ​ແລ້ວ.

ປະ­ຈຸ​ບັນ​ຄະ­ດີ​ດັ່ງ­ກ່າວ, ເຈົ້າ​ໜ້າ­ທີ່ ປກສ ເມືອງ​ຈຳ​ພອນ​ກຳ­ລັງ​ດຳ­ເນີນການ​ສືບ­ສວນ-ສອບ​ສວນ​ຂະ­ຫຍາຍ​ຜົນ​ຫາ​ຜູ້​ຮ່ວມ​ຂະ​ບວນ​ການ​ມາ​ດຳ­ເນີນ​ຄະ­ດີ​ລົງ­ໂທດ​ຕາມ​ຂັ້ນ​ຕອນ​ກົດ­ໝາຍ.

ທີ່ມາ: logo

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...