spot_img
Homeຂ່າວເຫດການທ່ານຮອງນາຍົກຯ ບຸນທອງ ຈິດມະນີ ລົງຢ້ຽມຢາມ ແລະ ເຮັດວຽກຢູ່ເມືອງປາກງື່ມ

ທ່ານຮອງນາຍົກຯ ບຸນທອງ ຈິດມະນີ ລົງຢ້ຽມຢາມ ແລະ ເຮັດວຽກຢູ່ເມືອງປາກງື່ມ

Published on

ວັນທີ 19 ພຶດສະພາ 2016 ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ຫົວໜ້າອົງການຕ້ານ ການສໍ້ລາດບັງຫຼວງ ຂັ້ນສູນກາງ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງປາກງື່ມ ນະຄອນຫຼວງວຽງຈັນ, ໃຫ້ກຽດຕ້ອນຮັບ ໂດຍທ່ານຮອງເຈົ້າເມືອງໆປາກງື່ມ ພ້ອມດ້ວຍຄະນະປະຈຳພັກເມືອງ, ພະນັກງານ-ລັດຖະກອນ, ທະຫານ, ຕຳຫຼວດ ແລະ ພໍ່ແມ່ປະຊາຊົນ.

ໃນໂອກາດນີ້ ທ່ານຮອງເຈົ້າເມືອງໆປາກງື່ມ ໄດ້ລາຍງານສະພາບລວມຂອງເມືອງປາກງື່ມ ຊຶ່ງເປັນໜຶ່ງໃນ 9 ເມືອງຂອງນະຄອນຫຼວງວຽງຈັນມີ 5 ກຸ່ມບ້ານ, ມີ 53 ບ້ານ, ໃນນີ້ ປະກາດ ເປັນບ້ານພັດທະນາແລ້ວ 32 ບ້ານ, ມີພົນລະເມືອງທັງໝົດ 52.326 ຄົນ, ຍິງ 25.903 ຄົນ, ມີເນື້ອທີ່ກວ້າງເຖິງ 65.000 ກວ່າເຮັກຕາ, ມີແມ່ນ້ຳຂອງໄຫຼຜ່ານ ຊຶ່ງເອື້ອອຳນວຍໃຫ້ແກ່ການຜະລິດທັງສອງລະດູ ເປັນຕົ້ນປູກເຂົ້າ, ຜັກປອດສານພິດ, ລ້ຽງ ສັດປີກ-ສັດໃຫຍ່ເຊັ່ນ: ຄວາຍ, ງົວ, ການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ອົງຄະນະພັກເມືອງ ຄັ້ງທີ 4 ກ່ຽວກັບການປ້ອງກັນຊາດ-ປ້ອງກັນຄວາມສະຫງົບ, ການພັດທະນາເສດຖະກິດ-ສັງຄົມ ຊຶ່ງຕະຫຼອດໄລຍະທີ່ຜ່ານມາ ເມືອງປາກງື່ມ ແມ່ນສາມາດຮັກສາ ໄດ້ຄວາມສະຫງົບໂດຍພື້ນຖານ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ, ຊີວິດການເປັນຢູ່ຂອງພະນັກງານ, ທະຫານ, ຕຳຫຼວດ ແລະ ພໍ່ແມ່ປະຊາຊົນບັນດາເຜົ່າ ໄດ້ຮັບການຍົກລະດັບຂຶ້ນເປັນກ້າວໆ ສະເລ່ຍ ລາຍຮັບ 1.538 ໂດລາຕໍ່ຄົນ/ ປີ, ສາມາດປະກາດລຶບລ້າງບ້ານທຸກຍາກໃນເມືອງ ໄດ້ສຳເລັດໃນປີ 2014. ຈາກນັ້ນ ທ່ານປະທານຄະນະກວດກາ ພັກເມືອງ ໄດ້ຂຶ້ນລາຍງານການເຄື່ອນໄຫວ ວຽກງານກວດກາພັກ – ລັດ ເມືອງປາກງື່ມ ປະຈຳເດືອນເມສາ 2016 ແລະ ທິດທາງແຜນການ ປະຈຳເດືອນພຶດສະພາ 2016.

1-1-2

ໂອກາດນີ້ ທ່ານ ບຸນທອງ ຈິດມະນີ ໄດ້ຕີລາຄາສູງ ຕໍ່ຜົນງານທີ່ຄະນະພັກເມືອງ ກໍຄືປະຊາຊົນຍາດມາໄດ້ ແລະ ເນັ້ນໜັກໃຫ້ເອົາໃຈໃສ່ ໃນການປ້ອງກັນຊາດ-ປ້ອງກັນຄວາມສະຫງົບ ເນື່ອງຈາກວ່າກຸ່ມຄົນບໍ່ດີ ພະຍາຍາມສ້າງຄວາມແຕກແຍກຢູ່ພາຍໃນ ຊຶ່ງມາດຕະການແກ້ໄຂອັນສຳຄັນແມ່ນ ການກຳຮາກຖານ, ການປັບປຸງກຳລັງໃຫ້ມີຄວາມເຂັ້ມແຂງ, ການສ້າງສະຕິເປັນເຈົ້າຂອງປະຊາຊົນ, ສຳລັບການພັດທະ ນາເສດຖະກິດ-ສັງຄົມ ແມ່ນສືບຕໍ່ເຜີຍແຜ່ເຊື່ອມຊຶມ ໃຫ້ປະຊາຊົນກຳແໜ້ນກ່ຽວກັບເນື້ອໃນຈິດໃຈ, ຄາດໝາຍ ໃນມະຕິກອງປະຊຸມໃຫຍ່ ອົງຄະນະພັກເມືອງ, ການຜັນຂະຫຍາຍ ໃຫ້ເປັນອັນລະອຽດຂອງແຕ່ລະຂະແໜງການ.

 

ແຫລ່ງຂ່າວ:

ປຊຊ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...