spot_img
Home​ຂ່າວບັນເທິງແຟນເພງໃນ ອາຣເຈນຕິນາ ເສົ້າ “ ຈັສຕິນ ບີເບີຣ” ຖືກສັ່ງຫ້າມສະແດງຄອນເສີດ

ແຟນເພງໃນ ອາຣເຈນຕິນາ ເສົ້າ “ ຈັສຕິນ ບີເບີຣ” ຖືກສັ່ງຫ້າມສະແດງຄອນເສີດ

Published on

ຈັສຕິນ ບີເບີຣ ຕອນນີ້ກຳລັງຢູ່ລະຫວ່າງການທົ່ວຄອນເສີດທີ່ມີຊື່ Purpose ໂດຍມີແຜນເດີນທາງມາທີ່ ອາຣເຈນຕິນາ ເຊິ່ງເຂົາໄດ້ເລືອກເປັນໜຶ່ງໃນສະຖານທີທີ່ເຂົາຕ້ອງໄດ້ໄປໂຊລູກຄໍ ແລະ ລີລາການເຕັ້ນ ເຊິ່ງແນ່ນອນວ່າບັນດາແຟນເພງຂອງ  ຈັສຕິນ ບີເບີຣ ກໍ່ຕ້ອງລໍຄອຍແບບໃຈຈົດຈໍແນ່ນອນ.

ແລະ ເມື່ອວັນຈັນທີ່ຜ່ານມາ ຈັສຕິນ ບີເບີຣ ໄດ້ຂຽນຂໍ້ຄວາມຜ່ານ ທະວິສເຕີ ທີ່ມີເນື້ອໃນລະບຸວ່າ “ບັນດາແຟນເພງ ບີເບີຣ ຊາວອາຣເຈນຕິນາທັງຫຼາຍ ຂ້ອຍຂໍບອກວ່າຂ້ອຍບໍ່ຕ້ອງການຫຍັງໄປຫຼາຍກ່ວາການໄປໄດ້ມາທົວຄອນເສີດ #Purposetour ທີ່ນັ້ນ ແຕ່ລັດຖະບານຂອງ ອາຣເຈນຕິນາ ບໍ່ຍອມ ເຊິ່ງຂ້ອຍຮູ້ສຶກເສຍໃຈຫຼາຍ ຖ້າມີການປ່ຽນແປງ ຂ້ອຍຢາກຈະໄປທີ່ນັ້ນເພື່ອສະແດງຄອນເສີດ ແຕ່ຕອນນີ້ຂ້ອຍເຮັດບໍ່ໄດ້”.

ສາເຫດທີ່ເຮັດໃຫ້ນັກຮ້ອງໜຸ່ມຊື່ດັງໄວອາຍຸ 22 ປີ ຄົນນີ້ບໍ່ສາມາດເຂົ້າປະເທດ ອາຣເຈນຕີນາ ໄດ້ຍ້ອນວ່າ ຈັສຕິນ ບີເບີຣ ເຄີຍມີປະຫວັດບໍ່ດີຕໍ່ ປະເທດ ອາຣເຈນຕິນາ ເພາະເຄີຍໃຊ້ຕີນເຂ່ຍທຸງຊາດ ອາຣເຈນຕິນາ ລົງຈາກເວທີ ໃນລະຫວ່າງສະແດງຄອນເສີດ ໃນອາຣເຈນຕີນາ ເມື່ອປີ 2013 ແຖມຍັງເຄີຍຖືກກ່າວຫາວ່າສັ່ງໃຫ້ ຮູໂກ ອັລຊິເດ ແລະ ເທີເຣນ ຣີເຊ່ ເຊິ່ງເປັນ 2 ບໍດີກາດ ຂອງເຂົາທຳຮ້າຍຮ່າງກາຍ ດີເອໂກ້ ເປຊົວ ຊ່າງພາບລາຍໜຶ່ງທີ່ມາທຳຂ່າວໃນປີດຽວກັນອີກດ້ວຍ.

ທີ່ມາ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...