Homeຂ່າວການສຶກສາໂຄງການກໍ່ສ້າງໂຮງຮຽນສົງ ແຂວງຫົວພັນ

ໂຄງການກໍ່ສ້າງໂຮງຮຽນສົງ ແຂວງຫົວພັນ

Published on

ແຂວງຫົວພັນ ໄດ້ຈັດພິທີເປີດການກໍ່ສ້າງໂຮງຮຽນສົງ ຢູ່ວັດອົງຕື້ສີບຸນເຮືອງ ໃນວັນທີ 18 ພຶດສະພາ 2016 ໂດຍການເຂົ້າຮ່ວມຂອງທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ, ທ່ານ ວັນໄຊ ແພງຊຸມມາ ເຈົ້າແຂວງຫົວພັນ, ມີບັນດາທ່ານການນຳຂັ້ນແຂວງ, ເມືອງຊຳເໜືອພ້ອມດ້ວຍມວນຊົນ ແລະ ພາກສ່ວນກ່ຽວຂ້ອງເຂົ້າຮ່ວມ.

ໂຮງຮຽນສົງຫລັງດັ່ງກ່າວ, ຈະສ້າງເປັນອາຄານ 2 ຊັ້ນ, ປະກອບມີ 8 ຫ້ອງຮຽນ ໂດຍແມ່ນ ບໍລິ ສັດແສງທອງກໍ່ສ້າງ ເປັນຜູ້ຮັບເໝົາກໍ່ສ້າງ, ລວມມູນຄ່າການກໍ່ສ້າງ 2 ຕື້ກວ່າກີບ, ໃນນັ້ນເປັນເງິນປະ ກອບສ່ວນຂອງ ທ່ານຮອງປະທານປະເທດ 270 ລ້ານກວ່າກີບ ແລະ ອີກຈຳນວນໜຶ່ງແມ່ນການປະກອບສ່ວນຈາກ ພາກສ່ວນຕ່າງໆໃນນະຄອນຫລວງວຽງຈັນ, ອົງການສົງເກົາຫລີ ແລະ ພາກສ່ວນອື່ນໆທີ່ໄດ້ພ້ອມກັນປະກອບທຶນຮອນ, ເຫື່ອແຮງຮ່ວມກັນເປັນເຈົ້າສັດທາ ໃນໂຄງການກໍ່ສ້ງດັ່ງກ່າວ.

ຈຸດປະສົງການສ້າງໂຮງຮຽນດັ່ງກ່າວ, ເພື່ອໃຫ້ລູກຫລານຂອງປະຊາຊົນແຂວງຫົວພັນ ໄດ້ຮໍ່າຮຽນຫລັກທຳຄຳສອນຂອງພະພຸດທະເຈົ້າ ແລະ ການສຶກສາສາຍສາມັນ ນັບແຕ່ ມ5-ມ7 ເພື່ອຝຶກຝົນໃຫ້ຢູ່ໃນສິນກິນໃນທຳ ກາຍເປັນຜູ້ສືບທອດທາງພຸດທະສາສະໜາ, ເປັນຄົນທີ່ມີຄວາມຮູ້ດ້ານການສຶກສາ ແລະ ເປັນຄົນດີຂອງຊາດໃນອະນາຄົດ ເພື່ອປົກປັກຮັກສາ ແລະ ເສີມຂະຫຍາຍວັດທະນະທຳ ແລະ ຮີດຄອງປະເພນີອັນດີງາມຂອງຊາດລາວເຮົາ ໄວ້ໃຫ້ຍືນຍົງຄຽງຄູ່ກັບຄົນລາວ ຕະຫລອດໄປ.

 

ທີ່ມາ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...