spot_img
Homeຂ່າວຕ່າງປະເທດການປະມົງໄທສະເທືອນ! ແຮງງານຊາວມຽນມາ ລາອອກກັບປະເທດ 5 ໝື່ນຄົນ ຄາດອາດມີເພີ່ມອີກ!

ການປະມົງໄທສະເທືອນ! ແຮງງານຊາວມຽນມາ ລາອອກກັບປະເທດ 5 ໝື່ນຄົນ ຄາດອາດມີເພີ່ມອີກ!

Published on

ສຳນັກຂ່າວຕ່າງປະເທດ ລາຍງານໃນວັນທີ 16 ພຶດສະພານີ້ວ່າ ແຮງງານຕ່າງດ້າວຊາວມຽນມາໃນໄທ ທີ່ອອກແຮງງານໃນຂະແໜງການປະມົງ ໄດ້ພາກັນລາອອກຈາກວຽກ ປະມານ 50,000 ຄົນ ເພື່ອເດີນທາງກັບຄືນປະເທດ ແລະ ຈະບໍ່ເດີນທາງກັບຄືນມາເຮັດວຽກຢູ່ໄທອີກ ຊຶ່ງຄາດວ່າຍັງຈະມີອີກຈຳນວນຫລາຍພັນຄົນ ລາອອກ ແລະ ເດີນທາງກັບປະເທດເຊັ່ນດຽວກັນ.

ທ່ານ ກຳຈອນ ມົງຄົນຕຣີລັກ ປະທານສະມາຄົມການປະມົງ ແຂວງສະໝຸດສາຄອນ ປະເທດໄທ ໄດ້ອອກມາລະບຸວ່າ ແຮງງານຊາວມຽນມາຈຳນວນຫລາຍ ໄດ້ເລີ່ມຢຸດເຮັດວຽກຈາກເຮືອປະມົງ ທີ່ຫລາຍລຳຕ້ອງຈອດຢູ່ແຄມຝັ່ງ ເນື່ອງຈາກບໍ່ມີໃບອະນຸຍາດປະກອບກິດຈະການ ຫລື ບໍ່ໄດ້ຕິດຕັ້ງອຸປະກອນຕິດຕາມເຮືອ ຊຶ່ງຜິດຕໍ່ກົດລະບຽບ ຂອງກົມປະມົງໄທ ຫລື ອາດຖືກກ່າວຫາຈາກ ສະຫະພາບເອີຣົບ ໃນການເຮັດທຸລະກິດປະມົງຜິດກົດໝາຍ.

ປະທານສະມາຄົມການປະມົງ ຍັງໄດ້ກ່າວຕື່ມອີກວ່າ ອຸດສາຫະກຳການປະມົງຂອງ ແຂວງສະໝຸດສາຄອນ ທັງໃນທະເລ ແລະ ເທິງບົກ ມີທ່າອ່ຽງໄດ້ຮັບຜົນກະທົບ ຈາກການຂາດແຄນແຮງງານຕ່າງດ້າວ ແລະ ຄາດວ່າຈະມີແຮງງານຊາວມຽນມາ ລາອອກຈາກວຽກ ທັງພາຍໃນແຂວງສະໝຸດສາຄອນ ແລະ ບ່ອນອື່ນໆໃນປະເທດໄທ ເພື່ອເດີນທາງກັບຄືນປະເທດອີກຈຳນວນຫລວງຫລາຍ.

ທັງນີ້ ແຂວງສະໝຸດສາຄອນ ຂອງໄທ ເປັນທີ່ຕັ້ງຂອງໂຮງງານອຸດສາຫະກຳການປະມົງ, ອາຫານທະເລແຊແຂັງ ແລະ ແປຮູບອາຫານ ທີ່ໃຫຍ່ທີ່ສຸດໃນປະເທດໄທ ຊຶ່ງແຮງງານຊາວມຽນມາສ່ວນໃຫຍ່ ມັກຈະຖືກຈ້າງງານ ໃຫ້ເຮັດວຽກໃນຂະແໜງອຸດສາຫະກຳການປະມົງ ແລະ ການແປຮູບອາຫານຢູ່ທີ່ນີ້.

 

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...