Plume labs ຈາກເມືອງປາຣີໄດ້ສ້າງສັນນະວັດຕະກຳໃໝ່ ໃນການໃຊ້ນົກກາງແກມາເຮັດໜ້າທີ່ເປັນສະຖານີກວດສະພາວະໃນອາກາດ  ໂດຍໃສ່ກະເປົ໋າເປ້ໃຫ້ກັບ ທີມນົກກາງແກ ແລະ ໃນກະເປົ໋າມີເຊັນເຊີກວດຈັບສະພາບອາກາດຂະໜາດນ້ອຍ ແລະ ນໍ້າໜັກເບົາຕິດຕັ້ງຢູ່.

ປະຕິບັດການເທື່ອທໍາອິດຂອງທິມນົກກາງແກກວດສະພາບອາກາດເກີດຂຶ້ນໃນເມືອງລອນດອນ ມະຫານະຄອນ ຂອງປະເທດອັງກິດ ກັບໄລຍະເວລາການເຮັດວຽກ 3 ມື້ໃນເດືອນມີນາທີ່ຜ່ານມາ ຝູງນົກກາງແກຖືກສົ່ງ ອອກໄປ ເພື່ອກວດຈັບລະດັບສະພາວະທົ່ວບໍລິເວນເມືອງລອນດອນ ເຊັນເຊີໃນກະເປົ໋າເປ້ຂອງພວກມັນສາມາດ ກວດວັດລະດັບກ໊າດໄນໂຕຣເຈນໄດອັອກໄຊຣ ແລະ ໂອໂຊນ, ຖ້າຄົນລອນດອນຢາກຮູ້ວ່າ ສະພາບມົນລະພິດໃນບ່ອນທີ່ເຂົາຢູ່ນັ້ນຮຸນແຮງຫຼາຍໜ້ອຍສໍ່າໃດ ພຽງແຕ່ທະວິດຕຳແໜ່ງຂອງເຂົາໄປທີ່ @PigeonAir ແລະ ກໍ່ຈະໄດ້ຮັບການຕອບກັບທັນທີ.

ຫຼັງຈາກຈົບໂຄງການກັບນົກກາງແກ Plume Labs ກໍ່ໄດ້ວາງແຜນຂັ້ນຕໍ່ໄປໃນການປ່ຽນຈາກນົກກາງແກທີ່ຕິດເຊັນເຊີ ມາເປັນການຕິດເຊັນເຊີເຂົ້າກັບຄົນໃນເມືອງລອນດອນ ໂດຍການເປີດຮັບອາສາສະໜັກທີ່ເຕັມໃຈມາເຂົ້າຮ່ວມໃນໂຄງການນີ້

https://youtu.be/AioUbxrAyaA

ຂ່າວຈາກ: ເສດຖະກິດ-ສັງຄົມ