Homeຂ່າວການສຶກສາມອບ-ຮັບ​ອາຄານ​ໂຮງຮຽນ ມ ຕົ້ນ​ ຫລັງ​ໃໝ່​ຢູ່​ແຂວງຫົວພັນ​ເປັນ​ການ​ຊ່ວຍ​ເຫລືອ​ຈາກ​ອາ​ເມ​ລິ​ກາ

ມອບ-ຮັບ​ອາຄານ​ໂຮງຮຽນ ມ ຕົ້ນ​ ຫລັງ​ໃໝ່​ຢູ່​ແຂວງຫົວພັນ​ເປັນ​ການ​ຊ່ວຍ​ເຫລືອ​ຈາກ​ອາ​ເມ​ລິ​ກາ

Published on

ພິທີມອບ-ຮັບ ອາຄານ​ໂຮງຮຽນ​ມັດທະຍົມ​ຕອນ​ຕົ້ນ​ເມືອງ​ນາ ເມືອງ​ຊໍາ​ໃຕ້ ແຂວງຫົວພັນ ຊຶ່ງ​ເປັນ​ການ​ຊ່ວຍ​ເຫລືອລ້າ​ ຈາກ​ລັດຖະບານ​ສະຫະລັດ​ອາ​ເມ​ລິ​ກາ ​ໄດ້ຈັດ​ຂຶ້ນ​​ໃນ​ວັນ​ທີ 11 ພຶດສະພາ​ນີ້ ລະຫວ່າງ​ ທ່ານ ​ໄມ​ໂຄ ຄລາຍ ຮອງ​ທູດ​ສະຫະລັດ​ອາ​ເມ​ລິ​ກາ​ປະ​ຈໍາ​ລາວ ​ແລະ ທ່ານ​ ນາງ ​ແພງ ກັນຍາ​ພີ​ມ ຮອງ​ເຈົ້າ​ແຂວງ​ຫົວພັນ, ມີ​ອໍານາດ​ການປົກຄອງ, ພ້ອມ​ດ້ວຍ​ຄຸ​ອາຈານ ​ແລະ ນ້ອງ​ນັກຮຽນ​ ເຂົ້າ​ຮ່ວມ​ຢ່າງ​ຫລວງຫລາຍ.

ໂຮງຮຽນດັ່ງກ່າວລວມ​ມີ: ອາຄານ​ໃໝ່​ໜຶ່ງ​ຫລັງ, ມີ 5 ຫ້ອງຮຽນ, ຫ້ອງການຄູ, ຫໍພັກນັກຮຽນ ແລະ ຫ້ອງນໍ້າ, ພ້ອມປະກອບອຸປະກອນ ການຮຽນ-ການສອນຄົບຊຸດ ແລະ ຕິດຕັ້ງລະບົບໄຟຟ້າ ແລະ ນໍ້າປະປາເປັນຢ່າງດີ, ຊຶ່ງລວມມີມູນຄ່າການກໍ່ສ້າງ ຫລາຍກວ່າ 630 ພັນໂດລາສະຫະລັດ.

ທ່ານຮອງທູດສະຫະລັດອາເມລິກາ ກ່າວວ່າ: ການສຶກສາແມ່ນສິ່ງທີ່ສໍາຄັນ ຕໍ່ການພັດທະນາເສດຖະກິດ ແລະ ສັງຄົມຂອງປະເທດ, ພວກເຮົາມີຄວາມພູມໃຈ ທີ່ໄດ້ປະກອບສ່ວນປັບປຸງ ແລະ ສະໜອງສິ່ງອໍານວຍຄວາມສະດວກ ເຂົ້າໃນວຽກງານການສຶກສາຂອງລາວ ໃຫ້ດີຂຶ້ນເທື່ອລະກ້າວ ແລະ ໂຮງຮຽນແຫ່ງນີ້ ຈະເປັນສັນຍາລັກໃໝ່ແຫ່ງການພົວພັນ ລະຫວ່າງລາວ ແລະ ອາເມລິກາທີ່ເຫັນວ່າ ນັບມື້ມີຄວາມແໜ້ນແຟ້ນຍິ່ງຂຶ້ນ.

ລັດຖະບານ​ອາ​ເມ​ລິ​ກາ​ ໄດ້​ໃຫ້ການ​ຊ່ວຍ​ເຫລືອ​ ສປປ ລາວ ​ໃນຫລາຍ​ຂົງ​ເຂດ​ໃນ​ຕະຫລອດ​ໄລຍະ 18 ປີຜ່ານມາ​ ເປັນ​ຕົ້ນ: ການສຶກສາ, ສາທາລະນະ​ສຸກ, ລະບົບຊົນລະປະທານ ​ແລະ ອື່ນໆ.

 

ແຫລ່ງຂ່າວ:

ລພນ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...