ປະຈຸບັນ, ສປ ຈີນ ຍັງຄົງສືບຕໍ່ກາຍເປັນເຈົ້າອັນດັບໜຶ່ງຂອງບັນດາປະເທດທີ່ລົງທຶນຢູ່ ສປປ ລາວ, ໂດຍມີ 760 ໂຄງການດ້ວຍມູນຄ່າ 6,7 ຕື້ໂດລາສະຫະລັດ ຫຼື ປະມານ 53,6 ພັນຕື້ກີບ ຂະນະທີ່ການຮ່ວມມືແລກປ່ຽນດ້ານການຄ້າກໍເພີ່ມຂຶ້ນຢ່າງຕໍ່ເນື່ອງ ແລະ ໝັ້ນທ່ຽງ, ລວມມູນຄ່າໃນປີ 2015 ແມ່ນ 2,78 ຕື້ໂດລາສະຫະລັດ.
ສປປ ລາວ ແລະ ສປ ຈີນ ໄດ້ສ້າງຕັ້ງສາຍພົວພັນການທູດຮ່ວມກັນໃນວັນ ທີ 25 ເມສາ 1961 ສອງປະເທດມີພູມີສາດທີ່ເປັນບ້ານໃກ້ເຮືອນຄຽງທີ່ດີ, ມີຊາຍແດນຕິດຈອດກັນດ້ວຍສາຍພູຜາປ່າໄມ້ ແລະແມ່ນ້ຳລຳເຊ, ພັກລັດ, ປະຊາຊົນທັງສອງຊາດລາວ-ຈີນມີສາຍພົວພັນມິດຕະພາບທີ່ເປັນມູນເຊື້ອອັນຍາວນານ, ຊຶ່ງໄດ້ຮັບການຮັດແໜ້ນ ແລະ ເສີມຂະຫຍາຍຢ່າງໜັກແໜ້ນຢ່າງບໍ່ຢຸດຢັ້ງ ໃນທ່າມກາງຂະບວນການວິວັດແຫ່ງການຕໍ່ສູ້ປົດປ່ອຍປະເທດຊາດກໍຄືການປົກປັກຮັກສາ ແລະສ້າງສາພັດທະນາປະເທດຊາດໃນປະຈຸບັນ.
ສອງພັກລັດໄດ້ມີການແລກປ່ຽນການຢ້ຽມຢາມໄປມາຫາສູ່ຢ່າງເປັນປົກກະຕິຂອງຄະນະຜູ້ແທນທຸກລະດັບ ນັບແຕ່ຂັ້ນການນຳສູງສຸດຈົນເຖິງຂັ້ນທ້ອງຖິ່ນ, ມີການພົວພັນ ແລະຮ່ວມມືກັນຢ່າງເລິກເຊິ່ງ, ແໜ້ນແຟ້ນທາງດ້ານການເມືອງ, ຄວາມໝັ້ນຄົງ, ປ້ອງກັນຊາດປ້ອງກັນຄວາມສະຫງົບ, ເສດຖະກິດ, ການຄ້າ, ສຶກສາ, ວັດທະນະທຳ, ການທ່ອງທ່ຽວ ແລະມີການພົວພັນຮ່ວມມືໃນເວທີພາກພື້ນ ແລະສາກົນເພື່ອເປົ້າໝາຍແຫ່ງການສ້າງສັນຕິພາບ, ສະຖຽນລະພາບ, ແລະການພົວພັນ ແລະຮ່ວມມືໃນພາກພື້ນ ແລະສາກົນກໍຄືຂອງປະຊາ ຊົນໃນທົ່ວໂລກ.
ປີ 2016 ນີ້ ເປັນປີທີ່ມີຄວາມໝາຍສຳຄັນອັນເລິກເຊິ່ງທາງປະຫວັດສາດແຫ່ງການພົວພັນຮ່ວມມືສອງຝ່າຍ ສປປ ລາວສປ ຈີນ, ເປັນປີແຫ່ງການສ້າງຕັ້ງສາຍພົວພັນການທູດລາວຈີນ ຄົບຮອບ 55 ປີ, ໂດຍຕອບສະໜອງຕາມຄຳເຊື້ອເຊີນຂອງສະຫາຍ ສີ ຈິ້ນ ຜິງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ, ປະທານປະເທດແຫ່ງສາທາລະນະລັດປະຊາຊົນຈີນ, ສະຫາຍ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ໄດ້ຢ້ຽມຢາມສັນຖະວະໄມຕີ ສາທາລະນະລັດ ປະຊາຊົນຈີນ ຢ່າງເປັນທາງການ ແຕ່ວັນທີ 35 ພຶດສະພາ 2016 ແລະໄດ້ນຳພາຄະນະຜູ້ແທນຂັ້ນສູງເຂົ້າຮ່ວມພິທີສະເຫຼີມສະຫຼອງວັນສ້າງຕັ້ງການພົວພັນການທູດ ສປປ ລາວ ສປ ຈີນ ຊຶ່ງຈັດຂຶ້ນຢູ່ນະຄອນຫຼວງປັກກິ່ງຢ່າງສະຫງ່າລາສີ ແລະຟົດຟື້ນມ່ວນຊື່ນ ໃນວັນທີ 4 ພຶດສະພາຜ່ານມາ.
ໃນວັນທີ 12 ພຶດສະພາ 2016 ນີ້, ພັກລັດຖະບານ ແລະປະຊາຊົນລາວບັນດາເຜົ່າ, ໂດຍຮ່ວມກັບສະຖານທູດເອກອັກຄະລັດຖະທູດ ສປ ຈີນ ປະຈຳ ສປປລາວ, ກໍໄດ້ຈັດພິທີສະເຫຼີມສະຫຼອງວັນສຳຄັນດັ່ງກ່າວຢູ່ນະຄອນຫຼວງວຽງຈັນຢ່າງສະຫງ່າລາສີຟົດຟື້ນມ່ວນຊື່ນເຊັ່ນກັນໂດຍມີການຈັດງານລ້ຽງຮັບຮອງ, ມີການສະແດງສິລະປະວັນນະດີ ແລະກິດຈະກຳອື່ນໆ, ໂດຍການເຂົ້າຮ່ວມຂອງບັນດາຜູ້ນຳພັກລັດ, ພະນັກງານລັດຖະກອນ, ປະຊາຊົນລາວ ແລະຈີນ ເພື່ອຊົມເຊີຍຜົນສຳເລັດແຫ່ງການພົວພັນ ແລະຮ່ວມມືທີ່ສອງຝ່າຍຍາດມາໄດ້ໃນ 55 ປີຜ່ານມາ.
ປະຈຸບັນ, ການພົວພັນຮ່ວມມືລະຫວ່າງສອງປະເທດໃນທຸກຂົງເຂດລ້ວນແຕ່ໄດ້ຮັບຜົນສຳເລັດຢ່າງຫຼວງຫຼາຍ,ມີການຮ່ວມມືທີ່ດີຫຼາຍລະດັບ, ຫຼາຍຮູບແບບ, ນັບມື້ນັບກວ້າງຂວາງ ແລະເຂົ້າສູ່ລວງເລິກ. ຜົນສຳເລັດທີ່ຍິ່ງໃຫຍ່ເຫັນໄດ້ຈາກການແລກປ່ຽນການຢ້ຽມຢາມ, ການໄປມາຫາສູ່ເຊິ່ງກັນ ແລະກັນຢ່າງເປັນປົກກະຕິຂອງການນຳຂັ້ນສູງສຸດ.
ໃນປີ 2000, ການນຳທັງສອງຝ່າຍໄດ້ພ້ອມກັນກຳນົດທິດທາງການຮ່ວມມືຮອບດ້ານລະຫວ່າງສອງປະເທດໃນສະຕະວັດທີ 21 ແນໃສ່ສ້າງສາຍພົວພັນຮ່ວມມືທີ່ໝັ້ນຄົງຍາວນານ, ມີໄມຕີຈິດມິດຕະພາບຖານບ້ານໃກ້ເຮືອນຄຽງ ແລະໄວ້ເນື້ອເຊື່ອໃຈເຊິ່ງກັນ ແລະກັນບົນພື້ນຖານ 5 ຫຼັກການຢູ່ຮ່ວມກັນ ໂດຍສັນຕິ.
ນັບແຕ່ສອງປະເທດໄດ້ສ້າງສາຍພົວພັນແບບຄູ່ຮ່ວມຍຸດທະສາດໃນປີ 2009 ເປັນຕົ້ນມາ, ຄວາມເຊື່ອໝັ້ນເຊິ່ງກັນ ແລະ ກັນທາງດ້ານການເມືອງນັບມື້ນັບເລິກເຊິ່ງ, ການຮ່ວມມືຮອບດ້ານຍິ່ງກວ້າງຂວາງຕາມທິດ 4 ດີຄື: ບ້ານໃກ້ເຮືອນຄຽງທີ່ດີ, ເພື່ອນທີ່ດີ, ສະຫາຍທີ່ດີ ແລະຄູ່ຮ່ວມມືທີ່ດີ ແລະບົນເສັ້ນທາງອັນດຽວ ກັນ: ສອງປະເທດລາວຈີນ ລ້ວນແຕ່ເປັນປະເທດສັງຄົມນິຍົມທີ່ນຳພາໂດຍ ພັກກອມມູນິດ, ມີອຸດົມການທີ່ສອດຄ່ອງ ກັນ, ມີອະນາຄົດ ແລະສະຕາກຳກ່ຽວພັນກັນ, ຊຶ່ງອັນນີ້ ແມ່ນພື້ນຖານດ້ານການ ເມືອງທີ່ສຳຄັນໃນການພັດທະນາສາຍ ພົວພັນລາວຈີນ.
ປະຈຸບັນ, ສປ ຈີນ ເປັນປະເທດຢູ່ໃນອັນດັບໜຶ່ງຂອງບັນດາປະເທດທີ່ລົງທຶນຢູ່ ສປປ ລາວ, ໂດຍມີ 760 ໂຄງການດ້ວຍມີມູນຄ່າ 6,7 ຕື້ໂດລາສະຫະລັດການຮ່ວມມື ແລະແລກປ່ຽນດ້ານການຄ້າ ກໍເພີ່ມຂຶ້ນຢ່າງຕໍ່ເນື່ອງ ແລະໝັ້ນທ່ຽງ, ລວມມູນຄ່າໃນປີ 2015 ແມ່ນ 2,78 ຕື້ໂດລາສະຫະລັດນອກຈາກນັ້ນ, ປີ 2015 ຜ່ານມາຍັງມີສອງເຫດການທີ່ພົ້ນເດັ່ນກໍຄືການສົ່ງດາວທຽມດວງທຳອິດຂອງ ສປປ ລາວ ຂຶ້ນສູ່ວົງໂຄຈອນ ໃນວັນທີ 21 ພະຈິກ 2015 ແລະການ ເຊັນສັນຍາໂຄງການສ້າງເສັ້ນທາງລົດໄຟ ລາວຈີນ ໃນວັນທີ 2 ທັນວາ 2015.
ໃນເວທີພາກພື້ນ ແລະສາກົນ, ທັງສອງປະເທດຍັງໄດ້ໃຫ້ການສະໜັບສະໜູນຊ່ວຍເຫຼືອເຊິ່ງກັນ ແລະກັນ, ເພື່ອພ້ອມກັນປົກປັກຮັກສາຄວາມຍຸຕິທຳ, ສັນຕິພາບ, ສະຖຽນລະພາບ ແລະການ ຮ່ວມມືພັດທະນາຂອງສາກົນ. ແຕ່ເດືອນ ພຶດສະພາ 1961 ເຖິງເດືອນ ກໍລະກົດ 1962, ທີ່ກອງປະຊຸມເຊີແນວຄັ້ງທີ 2, ກ່ຽວກັບບັນຫາລາວ, ສປ ຈີນ ໄດ້ຢືນຢູ່ຄຽງຂ້າງຝ່າຍລາວເພື່ອຕ້ານກັບການແຊກແຊງຂອງອິດທິກຳລັງຕ່າງປະເທດເຂົ້າໃນກິດຈະການພາຍໃນຂອງລາວ, ສະໜັບສະໜູນການຕໍ່ສູ້ຂອງປະຊາຊົນ ລາວ ເພື່ອຍາດເອົາຄວາມເປັນເອກະ ລາດແຫ່ງຊາດ, ໄດ້ສົ່ງເສີມບົດບາດທີ່ສຳຄັນເພື່ອການແກ້ໄຂບັນຫາລາວດ້ວຍສັນຕິວິທີ. ພ້ອມກັນນັ້ນ, ປະເທດລາວກໍໄດ້ມີບົດບາດຢ່າງຕັ້ງໜ້າເພື່ອສະໜັບສະໜູນການຟື້ນຟູຖານະທີ່ຖືກຕ້ອງຕາມການກົດໝາຍຂອງ ສປ ຈີນ, ທີ່ສະຫະປະຊາຊາດ.
ນອກຈາກນັ້ນ, ທັງສອງຝ່າຍຍັງໄດ້ໃຫ້ການປຶກສາຫາລື ແລະປະສານສົມທົບກັນຢ່າງສະໜິດແໜ້ນໃນຂອບການພົວພັນ ແລະຮ່ວມມືຈີນອາຊຽນ, ອາຊຽນຈີນ, ກອງປະຊຸມສຸດຍອດອາຊີ, ການຮ່ວມມືດ້ານເສດຖະກິດໃນເຂດເປີດກວ້າງອ່າວເປີຍຟູວ່ານ, ການຮ່ວມມືໃນຂອບແມ່ນ້ຳຂອງແມ່ນ້ຳລ້ານຊ້າງ, ສະຫະປະຊາຊາດ ແລະອື່ນໆ.
ໃນໂອກາດຢ້ຽມຢາມສັນຖະວະໄມຕີຢ່າງເປັນທາງການທີ່ ສປ ຈີນ ແຕ່ວັນທີ 35 ພຶດສະພາ 2016 ຂອງສະຫາຍ ບຸນຍັງ ວໍລະຈິດ, ກໍໄດ້ມີການພົບປະສອງຝ່າຍດ້ວຍບັນຍາກາດໄມຕີຈິດມິດຕະພາບທີ່ສະໜິດສະໜົມ, ໄດ້ປຶກສາຫາລື ແລະແລກປ່ຽນຄຳຄິດຄຳເຫັນກ່ຽວກັບບັນຫາພາກພື້ນ ແລະສາກົນ, ຊຶ່ງໃນນີ້, ທັງສອງຝ່າຍໄດ້ອອກຖະແຫຼງການ ຮ່ວມລາວຈີນ, ໂດຍທັງສອງຝ່າຍໄດ້ ເຫັນດີເປັນເອກະພາບນຳໃຊ້ມາດຕະ ການທີ່ມີປະສິດທິຜົນຕົວຈິງ ເພື່ອລົງເລິກການຮ່ວມມືໃນຂົງເຂດລະອຽດລວມ ທັງການໄປມາຫາສູ່ເຊິ່ງກັນ ແລະກັນ, ການຈັດຕັ້ງຜັນຂະຫຍາຍແຜນການ ຮ່ວມມືລະຫວ່າງສອງພັກສອງລັດ, ສືບຕໍ່ຢຶດໝັ້ນຫຼັກການພົວພັນຮ່ວມມືສະເໝີພາບຕ່າງຝ່າຍຕ່າງມີຜົນປະໂຫຍດໃນຂົງເຂດເສດຖະກິດການຄ້າ, ການສຶກສາ, ກີລາ, ສາທາລະນະສຸກ, ວັດທະນະທຳ, ທ່ອງທ່ຽວ, ລົງເລິກການຮ່ວມມືໃນ ການປະຕິບັດກົດໝາຍ ແລະອື່ນໆ, ສືບຕໍ່ລົງເລິກການພົວພັນມິດຕະພາບລະຫວ່າງສອງສະພາແຫ່ງຊາດລາວ ແລະຈີນ ແລະຮ່ວມມືຢ່າງແໜ້ນແຟ້ນດ້ານປ້ອງກັນຊາດປ້ອງກັນຄວາມສະຫງົບ ພ້ອມ ດຽວກັນນີ້, ຖະແຫຼງການຍັງໄດ້ເວົ້າເຖິງການແລກປ່ຽນທັດສະນະຂອງທັງສອງ ພັກລັດ ຕໍ່ບັນຫາພາກພື້ນ ແລະສາກົນທີ່ທັງສອງຝ່າຍໃຫ້ຄວາມສົນໃຈ.
ທີ່ມາ: 