Homeຂ່າວຕ່າງປະເທດຈີນບໍ່ພໍໃຈ! ສົ່ງເຮືອບິນ-ກຳປັ່ນສູ້ຮົບ ຂັບໄລ່ກຳປັ່ນສູ້ຮົບອາເມຣິກາ ແລ່ນເຂົ້າໃກ້ເກາະຂັດແຍ່ງ ຢູ່ທະເລຈີນໃຕ້!

ຈີນບໍ່ພໍໃຈ! ສົ່ງເຮືອບິນ-ກຳປັ່ນສູ້ຮົບ ຂັບໄລ່ກຳປັ່ນສູ້ຮົບອາເມຣິກາ ແລ່ນເຂົ້າໃກ້ເກາະຂັດແຍ່ງ ຢູ່ທະເລຈີນໃຕ້!

Published on

ສຳນັກຂ່າວຕ່າງປະເທດ ລາຍງານໃນວັນທີ 11 ພຶດສະພານີ້ວ່າ ກອງທັບເຮືອສະຫະລັດອາເມຣິກາ ໄດ້ສົ່ງກຳປັ່ນຕິດຕັ້ງຂີປະນາວຸດ ລອຍລຳເຂົ້າໃກ້ເຂດພື້ນທີ່ ເກາະຂັດແຍ່ງໃນທະເລຈີນໃຕ້ ທີ່ຈີນໄດ້ສ້າງລານບິນເອົາໄວ້ ໃນໄລຍະ 12 ໄມທະເລ ເຮັດໃຫ້ກອງທັບຈີນ ໄດ້ສັ່ງໃຫ້ສົ່ງເຮືອບິນສູ້ຮົບ ແລະ ກຳປັ່ນສູ້ຮົບຫລາຍລຳ ອອກໄປຂັບໄລ່ກຳປັ່ນສູ້ຮົບຂອງສະຫະລັດອາເມຣິກາ.

ແຫລ່ງຂ່າວລະບຸວ່າ ຫລັງຈາກເກີດເຫດການດັ່ງກ່າວ ທ່ານ ບິນ ເອີບັນ ໂຄສົກກະຊວງປ້ອງກັນປະເທດ ສະຫະລັດອາເມຣິກາ ໄດ້ອອກມາຖະແຫລງວ່າ ເຮືອກຳປັ່ນສູ້ຮົບຂອງພວກຕົນ ໄດ້ໃຊ້ສິດການຜ່ານໂດຍສຸຈະຣິດ (innocent passage) ໃນຂະນະເດີນທາງໃນໄລຍະ 12 ໄມທະເລ ຫ່າງຈາກເກາະ ແຟຣີ ຄຣອສ ຣີບ ທີ່ຖືກຄອບຄອງໂດຍຈີນໃນປັດຈຸບັນ ແຕ່ໃນຂະນະດຽວກັນ ກໍຖືກອ້າງສິດເປັນເຈົ້າຂອງ ຈາກຟິລິບປິນ, ຫວຽດນາມ ແລະ ໄຕ້ຫວັນ ເຊັ່ນດຽວກັນ.

ຖະແຫລງການຂອງໂຄສົກກະຊວງປ້ອງກັນປະເທດ ສະຫະລັດອາເມຣິກາ ຍັງໄດ້ລະບຸອີກວ່າ ພວກຕົນປະຕິບັດການ ຕາມເສລີພາບໃນການເດີນທະເລຄັ້ງນີ້ ກໍເພື່ອທ້າທາຍການກ່າວອ້າງ ຄອບຄອງດິນແດນທາງທະເລ ຂອງຈີນ, ໄຕ້ຫວັນ ແລະ ຫວຽດນາມ ຊຶ່ງຍາກທີ່ຈະຍອມຮັບໄດ້ ໃນຄວາມພະຍາຍາມຈຳກັດສິດທິ ໃນການເດີນເຮືອໃນທະເລຈີນໃຕ້ ອັນເປັນການຂັດແຍ່ງກັບກົດໝາຍລະຫວ່າງປະເທດ.

ດ້ານກະຊວງປ້ອງກັນປະເທດຈີນ ໄດ້ອອກມາລະບຸຕໍ່ກໍລະນີນີ້ວ່າ ກອງທັບຈີນໄດ້ສົ່ງເຮືອບິນສູ້ຮົບ 2 ລຳ ແລະ ກຳປັ່ນສູ້ຮົບອີກ 3 ລຳ ໄປຕິດຕາມຂະໜາບກຳປັ່ນສູ້ຮົບຂອງສະຫະລັດຯ ແລະ ຮຽກຮ້ອງໃຫ້ພວກເຂົາ ອອກຈາກນ່ານນ້ຳ ໂດຍການເດີນເຮືອຂອງສະຫະລັດຯຄັ້ງນີ້ ແມ່ນໄດ້ລ່ວງລ້ຳເຂົ້າສູ່ນ່ານນ້ຳຂອງຈີນ ຢ່າງຜິດກົດໝາຍ.

 

 

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...