spot_img
Homeຂ່າວການສຶກສາຄວາມພາກພູມໃຈ ແລະ ຮອຍຍິ້ມແຫ່ງຄວາມສຸກຂອງຄູດີເດັ່ນຂອງອາຊຽນ ອຈ ຄຳຊ້ອຍ ວົງສຳພັນ.

ຄວາມພາກພູມໃຈ ແລະ ຮອຍຍິ້ມແຫ່ງຄວາມສຸກຂອງຄູດີເດັ່ນຂອງອາຊຽນ ອຈ ຄຳຊ້ອຍ ວົງສຳພັນ.

Published on

ອາຈານ ຄຳຊ້ອຍ ວົງສຳພັນ ໄດ້ຮັບນາມມະຍົດ “ຄູດີເດັ່ນຂອງອາຊຽນ” ເມື່ອວັນທີ 6 ຕຸລາ 2015 ທີ່ປະເທດໄທ.
ອາຈານ ຄຳຊ້ອຍ ວົງສຳພັນ ປັດຈຸບັນແມ່ນໄດ້ຮັບໜ້າສອນພາສາຝຣັ່ງເສດ, ຄູສຶກສານິເທດຂັ້ນສູນກາງຂອງຫ້ອງ 2 ພາສາ ເພື່ອຝຶກຄູສຶກສານິເທດພາສາຝຣັ່ງໃຫ້ແກ່ບັນດາແຂວງຕ່າງໆທົ່ວປະເທດ ( ນະຄອນຫຼວງວຽງຈັນ, ແຂວງຫຼວງພະບາງ, ສະຫວັນນະເຂດ ແລະ ຈຳປາສັກ ), ພ້ອມທັງເປັນທີ່ປຶກສາປະຈຳຢູ່ໂຮງຮຽນມັດທະຍົມສຶກສາສົມບູນວຽງຈັນ ( ມສ. ວຽງຈັນ ), ນອກຈາກນັ້ນກໍ່ຍັງໄດ້ຖືກຮັບເຊີນໄປສອນຢູ່ສະຖາບັນຝຣັ່ງ ຢູ່ນະຄອນຫຼວງວຽງຈັນນຳອີກ. ສຳລັບໄລຍະທີ່ຜ່ານແຕ່ປີ 1994 – 2014 ແມ່ນໄດ້ຖືກແຕ່ງຕັ້ງເປັນຮອງຜູ້ອຳນວຍການຂອງໂຮງຮຽນ ເຊິ່ງມີໜ້າທີ່ຮັບຜິດຊອບວຽກງານຈັດຕັ້ງ, ວຽກງານບໍລິຫານ ແລະ ຊີ້ນຳໂດຍກົງຫ້ອງສອງສາພາ; ໄດ້ເຊັນສັນຍາຮ່ວມມືເຮັດປຶ້ມແບບຮຽນເອເລັກໂຕຣນິກພາສາຝຣັ່ງຮ່ວມກັບ 9 ປະເທດ ປຶ້ມ “ ອາເລໂກນເດິລາຟັງໂກໂຟນີ ( A l’ecole de la Francophonie ) ” ໂດຍໄດ້ຮັບການຊ່ວຍເຫຼືອຈາກສະຖາບັນພາສາຝຣັ່ງທີ່ນະຄອນຫຼວງປາຣີ ແລະ ປັດຈຸບັນປຶ້ມດັ່ງກ່າວກຳລັງກຽມການຝຶກອົບຮົມເພື່ອນຳໃຊ້ໃນຊັ້ນປະຖົມ ແລະ ມັດທະຍົມຕົ້ນ. ນອກຈາກນັ້ນ, ຍັງໄດ້ຊ່ວຍຂຽນປຶ້ມແບບຮຽນພາສາຝຣັ່ງຊັ້ນມັດທະຍົມຕົ້ນ ທີ່ຮ່ວມກັບສະຖາບັນຄົ້ນຄວ້າວິທະຍາສາດການສຶກສາ.

ທ່ານ ອາຈານ ຄຳຊ້ອຍ ວົງສຳພັນ ຍັງໄດ້ເວົ້າຕື່ມອີກວ່າ ການເຮັດວຽກຫຍັງກໍ່ຕາມ ຖ້າຕົນເອງຮັກມັກ, ມີຄວາມເປັນທຳ, ມີຄວາມຮັບຜິດຊອບ, ມີຄວາມອົດທົນພະຍາຍາມ ແລະ ມີຈັນຍາບັນກໍ່ຈະເຮັດໃຫ້ເຮົາປະສົບຜົນສຳເລັດອັນຍິງໃຫຍ່ໄດ້ ແລະ ໃນຕໍ່ໜ້າຂອງອາຈານກໍ່ຄືທາງໂຮງຮຽນແມ່ນໄດ້ມີການປັບປຸງການຮຽນ-ການສອນທຸກວິທີທາງ ເພື່ອໃຫ້ມີຄວາມເໝາະສົມກັບຍຸກປັດຈຸບັນເພື່ອໃຫ້ເທົ່າທຽມກັບອາຊຽນ. ສະນັ້ນ, ພາຍໃນໂຮງຮຽນກໍ່ໄດ້ມີການສຶກສາອົບຮົມຄູ-ອາຈານເພື່ອໃຫ້ມີແລກປ່ຽນຄວາມຮູ້ເຊິ່ງກັນ ແລະ ກັນກັບຄູອາວຸໂສ ແລະ ຄູທີ່ໝຸ່ມນ້ອຍ ( 1 ຄັ້ງຕໍ່ອາທິດ ) ເພື່ອໃຫ້ເປັນຄູສຶບທອດໃນອານາຄົດ.

ຂ່າວ: ບຸນສົມ.
ຮູບ: ວີລະໄຊ.

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...