Homeຂ່າວການພັດທະນາປະ­ກາດ​ໂຄງ​ການ​ໃໝ່ ຮັບການຊ່ວຍເຫຼືອຈາກອາເມລິກາ ຕ້ານພະຍາດຕິດຕໍ່ຈາກສັດສູ່ຄົນ

ປະ­ກາດ​ໂຄງ​ການ​ໃໝ່ ຮັບການຊ່ວຍເຫຼືອຈາກອາເມລິກາ ຕ້ານພະຍາດຕິດຕໍ່ຈາກສັດສູ່ຄົນ

Published on

ວັນທີ 9 ພຶດສະພາຜ່ານມານີ້ ທາງກະຊວງກະສິກຳ ແລະ ປ່າໄມ້ ໄດ້ປະກາດໂຄງການຊ່ວຍເຫຼືອໃໝ່ທີ່ໄດ້ຮັບທຶນສະໜັບສະໜູນຈາກສະຫະລັດອາເມລິກາ ເພື່ອຊ່ວຍເຫຼືອກ່ຽວກັບການລະບຸພະຍາດທີ່ມີແນວໂນ້ມວ່າຈະຕິດຕໍ່ຈາກສັດມາສູ່ຄົນ.

ພາຍໃຕ້ບັນທຶກເພື່ອຄວາມເຂົ້າໃຈທີ່ເຊັນໂດຍເຈົ້າໜ້າທີ່ຝ່າຍລາວແລະຜູ້ຕາງໜ້າຈາກອົງການພັດທະນາສາກົນຂອງປະເທດສະຫະລັດອາເມລິກາ (USAID), ໂດຍທີມງານຈະເລີ່ມ ເກັບຕົວຢ່າງຈາກສັດປ່າ, ສັດລ້ຽງ ແລະ ຄົນໃນແຂວງຈຳປາສັກພາຍໃນປີນີ້. ຊຶ່ງການຮ່ວມມືແມ່ນບົດບາດສຳຄັນແລະບາດກ້າວໃໝ່ໃນການລະບຸເຊື້ອພະຍາດວ່າມີການ ຕິດຕໍ່ກັນດ້ວຍວິທີໃດໂດຍຜ່ານການເກັບກຳຕົວຢ່າງ ຈາກຄົນ, ສັດລ້ຽງ ແລະ ສັດປ່າທີ່ມີການສຳຜັດກັນຢ່າງໃກ້ຊິດ.

ທ່ານ ນາງ ເບັດ ເພຈ ຜູ້ອຳນວຍການໃຫຍ່ຂອງອົງການພັດທະນາສາກົນຂອງປະເທດສະຫະລັດອາເມລິກາ ປະຈຳພາກພື້ນອາຊີ ກ່າວວ່າ: ໂຄງການ ເຫຼົ່ານີ້ໃນລາວ ແລະ ທົ່ວໂລກ ໄດ້ຊ່ວຍໃຫ້ ພວກເຮົາມີຄວາມເຂົ້າໃຈຫຼາຍຂຶ້ນກ່ຽວ ກັບການເກີດຂຶ້ນຂອງເຊື້ອພະຍາດ. ດັ່ງ ນັ້ນ, ພວກເຮົາຈິ່ງໄດ້ມີການປັບປຸງຍຸດ ທະສາດປ້ອງກັນການລະບາດ ແລະຫຼຸດຜ່ອນ ຄວາມສ່ຽງທີ່ຈະນຳໄປສູ່ການລະ ບາດໃຫຍ່”.

ທ່ານຍັງໄດ້ກ່າວຕື່ມອີກວ່າ: ການ ຄຸ້ມຄອງຄົນ ແລະສັດລ້ຽງໃຫ້ປອດໄພ ຈາກໂລກລະບາດຍັງເປັນການປັບປຸງ ການດຳລົງຊີວິດໃນເຂດຊົນນະບົດ ແລະ ຍັງເປັນການຮັບປະກັນທາງດ້ານສະ ບຽງອາຫານ ແລະຊ່ວຍສະໜັບສະໜູນ ເສດຖະກິດໃຫ້ເຂັ້ມແຂງອີກດ້ວຍ.

ຢູ່ໃນ ສປປ ລາວ ໂຄງການຂອງ USAID, ຊຶ່ງຈັດຕັ້ງປະຕິບັດໂດຍ Metabiota Inc, ຮ່ວມມືກັບກົມລ້ຽງ ສັດ ແລະການປະມົງ, ຫໍວິໄຈພະຍາດ ສັດ, ສູນວິເຄາະ ແລະລະບາດວິທະຍາ ແຫ່ງຊາດ ແລະອົງການອາຫານ ແລະ ການກະເສດແຫ່ງສະຫະປະຊາຊາດ,  ເພື່ອຈັດຕັ້ງປະຕິບັດລະບົບເຝົ້າລະວັງ ພະຍາດທີ່ຕິດຕໍ່ຈາກສັດສູ່ຄົນໂດຍຜ່ານ ການເຮັດ ວຽກຮ່ວມກັບ ລັດຖະບານ 31 ປະເທດຢູ່ທະວີບອາຟຣິກາ, ອາຊີ ແລະ ຕາເວັນອອກກາງ, ລວມທັງລັດຖະບານ ແຫ່ງ ສປປ ລາວ, ໂຄງການທີ່ໄດ້ຮັບ ການສະໜັບສະໜູນຈາກສະຫະລັດອາ ເມລິກາໄດ້ເຮັດວຽກເພື່ອກວດສອບ ແລະປ້ອງກັນການກະຈາຍຂອງພະຍາດ ທີ່ມີແນວໂນ້ມທີ່ຈະນຳໄປສູ່ການລະບາດໃຫຍ່ ຊຶ່ງສາມາດສົ່ງຜ່ານລະຫວ່າງສັດແລະຄົນໄດ້.

ທີ່ມາ:logo

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...