spot_img
Homeຂ່າວທ້ອງຖິ່ນການນຳແຂວງຄຳມ່ວນ ຕ້ອນຮັບເອກອັກຄະລັດຖະທູດອາເມລິກາ ປະຈຳລາວ

ການນຳແຂວງຄຳມ່ວນ ຕ້ອນຮັບເອກອັກຄະລັດຖະທູດອາເມລິກາ ປະຈຳລາວ

Published on

ທ່ານ ຄຳ​ໃບ ດຳລັດ ກຳມະການ​ສູນ​ກາງ​ພັກ, ​ເລຂາ​ພັກ​ແຂວງ ​ເຈົ້າ​ແຂວງ ໆຄຳ​ມ່ວນໄດ້ຕ້ອນຮັບ​ການ​ເຂົ້າ​ຢ້ຽມຢາມ​ຂອງ​ທ່ານ ​ເດນຽມ ກລູນ ​ເອກ​ອັກຄະ​ລັດຖະທູດ​ອາ​ເມ​ລິ​ກາ ປະຈຳ ສ​ປປ ລາວ ​ໃນ​ວັນ​ທີ 16 ພຶດສະພາ 2014 ຢູ່​ທີ່​ຫ້ອງ​ວ່າການ​ປົກຄອງ​ແຂວງ​ຄຳ​ມ່ວນ ​ເນື່ອງ​ໃນ​ໂອກາດ​ທີ່​ທ່ານ​ມາ​ເຄື່ອນ​ໄຫວ ​ແລ​ະ ​ເຮັດ​ວຽກຢູ່​ແຂວງ​ຄຳ​ມ່ວນ.

​​ໃນ​ໂອກາດ​ດັ່ງກ່າວ​ທ່ານ ຄຳ​ໃບ ດຳລັດ ກໍ່​ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ​ພ້ອມ​ທັງ​ກ່າວ​ລາຍ​ງານ​ສະພາບ​ທີ່​ຕັ້ງ, ຈຸດ​ພິ​ເສດ ​ແລະ ​ແຜນ​ພັດທະນາ​ເສດຖະກິດ-ສັງຄົມ​ຂອງ​ແຂວງ​ໂດຍ​ຫຍໍ້​ໃຫ້​ທ່ານ​ເດນຽມ ກລູນ ​ໄດ້​ຮັບ​ຊາບ ພ້ອມ​ນັ້ນ​ທ່ານ​ເອກ​ອັກຄະ​ລັດຖະທູດ​ກໍ່​ໄດ້​ສະ​ແດງ​ຄວາມ​ຂອບ​ໃຈ​ທີ່​ໄດ້​ຮັບ​ການ​ຕ້ອນຮັບ​ຢ່າງ​ອົບ​ອຸ່ນ ​ແລະ ທ່ານ​ໄດ້​ລາຍ​ງານ​ການ​ມາ​ເຂື່ອນ​ໄຫວ​ເຮັດ​ວຽກຢູ່​ແຂວງ​ຄຳ​ມ່ວນ​ໃນ​ຄັ້ງ​ນີ້ ​ເຊິ່ງທ່ານ​ຈະ​ໄດ້​ເຂົ້າ​ຮ່ວມ​ພິທີ​ມອບ-ຮັບ​ໂຮງໝໍ​ເມືອງ​ໄຊ​ບົວທອງ, ມອບ-ຮັບ​ອຸປະກອນ​ຊ່ວຍ​ເຫຼືອບັນ​ເທົາ​ທຸກ​ໄພພິບັດ​ທີ່​ເມືອງ​ມະຫາ​ໄຊ ​ແລະ ​ເດີນທາງ​ໄປ​ຢ້ຽມຊົມ​ເຄື່ອນ​ໄຟຟ້າ​ນ້ຳ​ເທີນ II ທັງ​ນີ້ກໍ່​ເພື່ອ​ເປັນ​ການ​ຊ່ວຍ​ເຫຼືອປະຊາຊົນ​ທີ່ຢູ່​ໃນເຂດ​ຊົນນະບົດ​ ໄດ້​ເຂົ້າ​ເຖິງ​ການ​ບໍລິການ​ທາງ​ດ້ານ​ສຸຂະພາບ​ໄດ້​ຢ່າງ​ສະດວກ ທັງ​ເປັນ​ການ​ປະກອບສ່ວນ​ອັນ​ໃຫຍ່ຫຼວງ​ໃຫ້​ແກ່ ສປປ ລາວ ​ເວົ້າ​ສະ​ເພາະ​ກໍ່ຄື​ແຂວງ​ຄຳ​ມ່ວນ ​ເຮັດ​ໃຫ້ການ​ຮ່ວມ​ມື​ລະຫວ່າງ 2 ປະ​ເທດ​ໄດ້​ມີ​ຄວາມ​ແໜ້ນ​ແຟ້ນ ​ແລະ ຂະຫຍາຍຕົວ​ຂຶ້ນ​​ໄປ​ເລື້ອຍໆ.​

ທີ່ມາ http://www.khammouanenews.com/khao/nalak/2619

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...