ຫຼັງຈາກທີ່ Nokia ຂາຍທຸລະກິດໂທລະສັບໃຫ້ກັບ Microsoft ໄປຮຽບຮ້ອຍແລ້ວ ຕອນນີ້ບຸກຄະລາກອນຫຼາຍໆຄົນກໍໄດ້ຕັດສິນໃຈລາອອກ ແລະໜຶ່ງໃນນັ້ນກໍເລືອກມາຢູ່ທີ່ Apple
Ari Partinen ອາດີດວິສະວະກອນອາວຸໂສຜະແໜກ Lumia ຂອງໂນເກຍ ໄດ້ທະວີດເປີດເຜີຍວ່າລາວໄດ້ລາອອກຈາກໂນເກຍແລ້ວ (ເຊິ່ງຕອນນີ້ເປັນຂອງໄມໂຄຣຊ໋ອບ) ໂດຍຈະເລີ່ມເຮັດວຽກໃໝ່ຢູ່ທີ່ບໍລິສັດແອັບເປີ້ນ
Partinen ໄດ້ຮັບສຳມະນານາມເມື່ອຕອນທີ່ຢູ່ຝ່າຍ Lumia ວ່າເປັນເທບດ້ານການພັດທະນາກ້ອງເທິງມືຖື ເຂົາມີສ່ວນຮ່ວມກັບໂຄງການພັດທະນາກ້ອງໃນ Lumia 1020 ທີ່ມາພ້ອມກັບກ້ອງ 41 ລ້ານພິກເຊວເຊິ່ງໄດ້ຮັບຄຳຊົມຢ່າງສູງ
ທັງນີ້ຕ້ອງໄດ້ຍອມຮັບວ່າທີມພັດທະນາກ້ອງຂອງໂນເກຍນັ້ນບໍ່ໄດ້ມີພຽງ Partinen ຄົນດຽວ ແຕ່ວ່າອະນາຄົດນີ້ກໍຄົງຈະເຮັດໃຫ້ເຮົາໄດ້ເຫັນລູກຫຼິ້ນໃໝ່ໆເທິງກ້ອງ iPhone ແນ່ນອນ
ທີ່ມາ: Engadget