Homeຂ່າວການສຶກສາອອກແລ້ວ! ຜົນການສອບເສັງນັກຮຽນເກັ່ງ ຊັ້ນມັດທະຍົມສືກສາລະດັບຊາດ ປະຈຳສົກຮຽນ 2015-2016

ອອກແລ້ວ! ຜົນການສອບເສັງນັກຮຽນເກັ່ງ ຊັ້ນມັດທະຍົມສືກສາລະດັບຊາດ ປະຈຳສົກຮຽນ 2015-2016

Published on

ອອກແລ້ວສຳຫລັບຜົນການສອບເສັງນັກຮຽນເກັ່ງຊັ້ນມັດທະຍົມສືກສາລະດັບຊາດ ວັນທີ 28 ເສມາ 2016 ນີ້, ທີ່ມະຫາວິທະຍາໄລແຫ່ງຊາດລາວ, ສະຫຼຸບຜົນຂອງການສອບເສັງນັກຮຽນເກັ່ງລະດັບຊາດ ປະຈໍາສົກຮຽນ 2015-2016 ແລະ ມອບລາງວັນທຶນການສຶກສາໃຫ້ຜູ້ສອບເສັງໄດ້ ໂດຍການເຂົ້າຮ່ວມເປັນປະທານຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ, ມີຄູນໍາພາ, ບັນດາພໍ່ແມ່ຜູ້ປົກຄອງ ນ້ອງນັກຮຽນຈາກໂຮງຮຽນອ້ອມຂ້າງເຂົ້າຮ່ວມຢ່າງພ້ອມພຽງ.

ການສອບເສັງນັກຮຽນເກັ່ງລະດັບຊາດ ຊັ້ນມັດທະຍົມສຶກສາຄັ້ງນີ້, ໄດ້ເຜີຍແຜ່ຢ່າງກວ້າງຂວາງ ແລະ ໄດ້ມີນັກຮຽນຊົນເຜົ່າຕ່າງໆຈາກຕົວເມືອງ ແລະ ຊົນນະບົດເຂົ້າຮ່ວມຢ່າງທົ່ວເຖິງ ໃນນັ້ນ, ມີນັກຮຽນເກັ່ງທີ່ເປັນຕົວແທນຈາກ 17 ແຂວງ ແລະ ນະຄອນຫຼວງ ທັງໝົດ 144 ຄົນ, ຍິງ 45 ຄົນເຂົ້າຮ່ວມ

ພິເສດ ໃນການສອບເສັງຄັ້ງນີ້, ມີນັກຮຽນຈໍານວນ 11 ຄົນທີ່ເຄີຍໄດ້ເຂົ້າຮ່ວມການສອບເສັງນັກຮຽນເກັ່ງລະດັບຊາດຂັ້ນມໍ 4 ໃນສົກປີ 2012-2013 ຜ່ານມາ ກໍ່ໄດ້ເຂົ້າຮ່ວມເຊັ່ນກັນ.

ການສອບເສັງຄັ້ງນີ້ ມີ 4 ວິຊາຄື: ວິຊາພາສາລາວ-ວັນນະຄະດີ, ຄະນິດສາດ, ຟິຊິກສາດ ແລະ ເຄມີສາດ.

ສໍາລັບລາງວັນທີ 1 ລະດັບຊາດແຕ່ລະວິຊາໄດ້ຮັບທຶນການສຶກສາ 10 ລ້ານກີບ, ທີສອງ 8 ລ້ານກີບ ແລະ ທີສາມ 6 ລ້ານກີບ ພ້ອມດ້ວຍຫຼຽນລາງວັນ ແລະ ໃບຍັ້ງຢືນການສຶກສາ.

ຜົນການແຂ່ງຂັນ ຊັ້ນມໍ

ວິຊາພາສາລາວ-ວັນນະຄະດີ:

ທີ 1 ນາງ ພຸດທິດາ ສຸກອາລຸນ ຈາກ ມສ ໂຮງຮຽນພອນສະຫວັນຊົນເຜົ່າກຽມມະຫາວິທະຍາໄລ ນະຄອນຫຼວວຽງຈັນ,

ທີ 2 ທ້າວ ບຸນລ້ອມ ໄຊຍະສອນ

ທີ 3 ທ້າວ ລໍເຊ່ຍ ເຢຍລົ່ງຢາງ ຈາກແຂວງຊຽງຂວາງ.

ວິຊາຄະນິດສາດ:

ທີ 1 ທ້າວ ອາຕົງ ໄຊຕົວ ຈາກ ມສ ສັນຕິພາບ ແຂວງຫຼວງພະບາງ

ທີ 2 ທ້າວ ຈໍ່ລໍ ຈາກນະຄອນຫຼວງວຽງຈັນ

ທີ 3 ທ້າວ ຢ່າຈິງ ລາວໄຊຈ່າງ ຈາກ ແຂວງຫົວພັນ

ວິຊາຟິຊິກສາດ:

ທີ 1 ທ້າວ ມົວກ້ອງ ທ່າວໄຊລີ ຈາກ ມສ ພອນສະຫວັນຊົນເຜົ່າ ນະຄອນຫລວງວຽງຈັນ

ທີ 2 ທ້າວ ບຸນຍັງ ຊົ່ງຈໍ ຈາກແຂວງຫຼວງພະບາງ

ທີ 3 ທ້າວ ໄມ ອາເລົ່າ ຈາກແຂວງຫົວພັນ

ວິຊາເຄມີສາດ:

ທີ 1 ທ້າວ ເກດວິບຸນ ສຸວິມົນ ຈາກ ໂຮງຮຽນມິດຕະພາບລາວ-ຫວຽດນາມ ຈາກນະຄອນຫຼວງວຽງຈັນ

ທີ 2 ທ້າວ ນູ ວິຊົນຢ່າງ ຈາກແຂວງຫຼວງພະບາງ

ທີ 3 ທ້າວ ເຢຍມົວ ຈືປໍຢົງເຢັ່ງ ຈາກແຂວງຫົວພັນ.

ຜົນການແຂ່ງຂັນ ຊັ້ນມໍ 4

ທີ1 ລະດັບຊາດວິຊາພາສາລາວ-ວັນນະຄະດີ ທ້າວ ລັດຕະສິນ ສິນທະວົງ ຈາກໂຮງຮຽນ ມສ ຊົນເຜົ່າ ແຂວງຫົວພັນ

ທີ 2 ນາງ ອານຸສອນ ເພົາກອນ ຈາກນະຄອນຫຼວງວຽງຈັນ

ທີ 3 ນາງ ພຸດສະຫວັນ ແກ້ວລົດສາ ຈາກແຂວງຈໍາປາສັກ

ວິຊາຄະນິດສາດ

ທີ 1 ທ້າວ ເຕັງ ຮາງຊົງ ຈາກແຂວງຫຼວງພະບາງ

ວິຊາຟິຊິກສາດ

ທີ 1 ນາງ ວົງດາລາ ວົງນະຄອນ ຈາກໂຮງຮຽນ ມສ ວຽງຈັນ ນະຄອນຫຼວງວຽງຈັນ

ທີ 2 ທ້າວ ຊົ່ງລໍ່ ຈົວ ຈາກແຂວງຊຽງຂວາງ

ທີ 3 ທ້າວ ລີນ້ອງ ຈ້າງເຍຍປໍ ຈາກແຂວງວຽງຈັນ

ວິຊາເຄມີສາດ

ທີ 1 ນາງ ຈິນດາ ທະວີວັນ ຈາກ ໂຮງຮຽນ ມຕ ປາດຖະໜາ ນະຄອນຫຼວງວຽງຈັນ

ທີ 2 ທ້າວ ທອງເພັດ ລາວຈົ່ງ ຈາກແຂວງຜົ້ງສາລີ.

ທີມງານລສວໂພສຕ໌ ຂໍສະແດງຄວາມຊົມເຊີຍກັບຜົນງານທີ່ນ້ອງໆທຸກຄົນສາມາດຍາດມາໄດ້

ຂ່າວຈາກ: ຂ່າວ CRI-FM93

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...