ສຳນັກຂ່າວຕ່າງປະເທດ ລາຍງານໃນວັນທີ 28 ເມສາຜ່ານມານີ້ວ່າ ທາງການຫວຽດນາມ ໄດ້ມີຄຳສັ່ງຫ້າມຈຳໜ່າຍ ແລະ ແຈກຢາຍຜະລິດຕະພັນຈາກສັດນ້ຳທີ່ຕາຍແລ້ວ ໃນເຂດພື້ນທີ່ 4 ແຂວງພາກກາງຂອງປະເທດ ຫລັງຈາກທີ່ເກີດເຫດປາ ແລະ ສັດນ້ຳໃນທະເລ ບໍລິເວນຊາຍຝັ່ງຂອງເຂດດັ່ງກ່າວ ຕາຍ ແລະ ຖືກນ້ຳຊັດເຂົ້າມາຄ້າງຢູ່ຕາມຊາຍຫາດ ເປັນຈຳນວນມະຫາສານ ຊຶ່ງປັດຈຸບັນຍັງບໍ່ທັນມີຂໍ້ສະຫລຸບຊັດເຈນ ວ່າເກີດຂຶ້ນຍ້ອນສາເຫດອັນໃດແທ້.
ແນວໃດກໍຕາມ ລັດຖະບານໄດ້ລະບຸວ່າ ປາຕາຍອາດເປັນຍ້ອນສານພິດທີ່ຖືກປ່ອຍອອກມາ ຈາກກິດຈະກຳຂອງມະນຸດ ຫລື ຈາກປະກົດການນ້ຳປ່ຽນສີຕາມທຳມະຊາດ ຊຶ່ງໄດ້ຜະລິດສານພິດທີ່ເປັນອັນຕະລາຍ.
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!