spot_img
Homeຂ່າວເຫດການມອບ-ຮັບໜ້າທີ່ ລັດຖະມົນຕີວ່າການ ກະຊວງກະສິກຳ ແລະ ປ່າໄມ້

ມອບ-ຮັບໜ້າທີ່ ລັດຖະມົນຕີວ່າການ ກະຊວງກະສິກຳ ແລະ ປ່າໄມ້

Published on

ພິທີມອບ-ຮັບໜ້າທີ່ ລັດຖະມົນຕີກະຊວງກະສິກໍາ ແລະ ປ່າໄມ້ ລະຫວ່າງທ່ານ ດຣ ເພັດ ພົມພິພັກ ຜູ້ເກົ່າ ທີ່ຖືກຍົກຍ້າຍໄປຮັບໜ້າທີ່ໃໝ່ ຢູ່ສໍານັກງານນາຍົກລັດຖະມົນຕີ ແລະ ທ່ານ ລຽນ ທີແກ້ວ ອະດິດລັດຖະມົນຕີກະຊວງການເງິນ ມາເປັນລັດຖະມົນຕີກະຊວງກະສິກໍາ ແລະ ປ່າໄມ້ ຜູ້ໃໝ່, ໄດ້ມີຂຶ້ນໃນບ່າຍວັນທີ 27 ເມສານີ້ຢູ່ກະຊວງດັ່ງກ່າວ, ໂດຍການໃຫ້ກຽດເຂົ້າຮ່ວມຂອງ ທ່ານນາຍົກລັດຖະມົນຕີ ທອງລຸນ ສີສຸລິດ, ມີບັນດາຮອງລັດຖະມົນຕີ, ຄະນະພັກ ແລະ ພະນັກງານຫລັກແຫລ່ງ ອ້ອມຂ້າງກະຊວງດັ່ງກ່າວເຂົ້າຮ່ວມຢ່າງຫລວງຫລາຍ ເພື່ອປະຕິບັດຕາມການຕົກລົງຂອງ ກົມການເມືອງສູນກາງພັກ, ສະພາແຫ່ງຊາດ,  ລັດຖະດໍາລັດຂອງປະທານປະເທດ ແລະ ນາຍົກລັດຖະມົນຕີແຫ່ງ ສປປ ລາວ.

ທ່ານ ເພັດ ພົມພິພັກ ໄດ້ລາຍງານໂດຍຫຍໍ້ ການເຄື່ອນໄຫວຂອງ ກະຊວງກະສິກໍາ ແລະ ປ່າໄມ້ ໃນໄລຍະຜ່ານມາວ່າ: ຂະແໜງກະສິກໍາ-ປ່າໄມ້ ມີພາລະບົດບາດໃນການຄຸ້ມຄອງມະຫາພາກ ໃນການພັດທະນາກະສິກໍາ-ປ່າໄມ້ ທົ່ວປະເທດ ເພື່ອຄໍ້າປະກັນຄວາມໝັ້ນຄົງດ້ານສະບຽງອາຫານ, ຜະລິດເປັນສີນຄ້າ, ກະສິກໍາສະອາດ, ທັນສະໄໝ, ເປັນມິດກັບສິ່ງແວດລ້ອມ ແລະ ຍືນຍົງ, ທັງຈັດສັນອາຊີບຄົງທີ ແລະ ຊຸກຍູ້ການຜະລິດຂອງປະຊາຊົນ ເພື່ອແກ້ໄຂຄວາມທຸກຍາກ, ໃນໄລຍະ 5 ປີຜ່ານມາຂະແໜງກະສິກໍາ ແລະ ປ່າໄມ້ ຂະຫຍາຍຕົວໃນລະດັບ 2,8-3%, ກວມອັດຕາສ່ວນປະມານ 24% ຂອງລວມຍອດຜະລິດຕະພັນພາຍໃນ (GDP), ສາມາດຜະລິດເຂົ້າໄດ້ທັງໝົດ 4,1 ລ້ານໂຕນໃນປີ 2015, ການລ້ຽງສັດຂະຫຍາຍຕົວສະເລ່ຍ 5% ຕໍ່ປີ, ສາມາດສະໜອງຊີ້ນ, ປາ ແລະ ໄຂ່ ໄດ້ຢ່າງພຽງພໍຕາມຄວາມຕ້ອງການຂອງສັງຄົມ, ການຜະລິດເປັນສີນຄ້າ ມີບາດກ້າວພົ້ນເດັ່ນ, ໂດຍສະເພາະການປູກກາເຟ, ສາລີ, ມັນຕົ້ນ, ເຂົ້າ, ໝາກເດືອຍ, ກ້ວຍ, ໝາກໂມ, ອ້ອຍ ມີການເຕີບໃຫຍ່ຂະ ຫຍາຍຕົວ, ສ່ວນການລ້ຽງສັດແບບເປັນຟາມ, ລ້ຽງປາໃນໜອງ, ກະຊັງ ກໍມີຈໍານວນເພີ່ມຂຶ້ນ ນັບມື້ ແລະ ອັນພົ້ນເດັ່ນໃນປີ 2015 ຜ່ານມາ, ສ ປປ ລາວ ໄດ້ຮັບໃບຢັ້ງຢືນຈາກອົງການອາຫານ ແລະ ການກະເສດຂອງອົງການສະຫະປະຊາຊາດ ທີ່ສາມາດບັນລຸຄາດໝາຍສະຫັດສະວັດທີ 1 ໃນການຫລຸດຜ່ອນ ການຂາດແຄນດ້ານສະບຽງອາຫານ ແລະ ແກ້ໄຂຄວາມທຸກຍາກຈາກ 42% ໃນປີ 1990 ມາເປັນ 18% ໃນປີ 2015 ແລະ ຄາດວ່າຮອດປີ 2020 ຈະສູ້ຊົນໃຫ້ຫລຸດພົ້ນ ຈາກສະຖານະພາບການຂາດແຄນດ້ານສະບຽງອາຫານ ແລະ ຄວາມທຸກຍາກໄດ້.

ໃນໂອກາດນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ກໍໄດ້ໃຫ້ກຽດໂອລົມຊີ້ນໍາຕໍ່ຄະນະພັກ-ຄະນະນໍາ ແລະ ພະນັກງານວິຊາການກະຊວງກະສິກໍາ ແລະ ປ່າໄມ້, ຊຶ່ງກ່ອນອື່ນ ທ່ານໄດ້ຍ້ອງຍໍຊົມເຊີຍຜົນງານ ທີ່ກະຊວງກະສິກໍາ ແລະ ປ່າໄມ້ ຍາດມາໄດ້ ເປັນຕົ້ນແມ່ນ: ວຽກງານການຜະລິດສະບຽງອາຫານ ແລະ ການຜະລິດສີນຄ້າກະສິກໍາ, ການຄໍ້າປະກັນທາງດ້ານສະບຽງອາຫານ, ການຄຸ້ມຄອງປ່າເຫັນວ່າມີບາດກ້າວພົ້ນເດັ່ນຫລາຍ, ແຕ່ແນວໃດກໍຕາມ ຢາກໃຫ້ພວກເຮົາມີຄວາມເຂົ້າໃຈເປັນເອກະພາບກັນວ່າ, ປັດຈຸບັນສະບຽງອາຫານພວມເປັນບັນຫາລວມຂອງໂລກ, ສະພາບການດັ່ງກ່າວ ມັນຮຽກຮ້ອງໃຫ້ທຸກປະເທດໃນໂລກ ຕ້ອງມີແຜນຮັບມືຢ່າງຮີບດ່ວນ, ໂດຍສະເພາະການມີຄັງແຮເຂົ້າ, ສະນັ້ນຂໍໃຫ້ກະຊວງກະສິກໍາ ແລະ ປ່າໄມ້ ຈົ່ງສືບຕໍ່ເອົາໃຈໃສ່ ສ້າງຕັ້ງຄັງແຮເຂົ້າ ທີ່ຮັບປະກັນທາງດ້ານຄຸນນະພາບ ແລະ ປະສິດທິພາບສູງ ເພື່ອຮັບປະກັນຄວາມປອດໄພ ແລະ ຄວາມໝັ້ນຄົງ ທາງດ້ານສະບຽງອາຫານໃນຕໍ່ໜ້າ, ນອກຈາກນີ້ກໍໃຫ້ເອົາໃຈໃສ່ ປົກປັກຮັກສາຄວາມດັ້ງເດີມຂອງປ່າໄມ້ໃຫ້ດີ, ໂດຍສະເພາະບໍ່ໃຫ້ມີການບຸກລຸກປ່າດົງດິບ, ປ່າສະຫງວນ, ປ່າປ້ອງກັນ ດ້ວຍການຈັດສັນທີ່ດິນການຜະລິດ ຢ່າງເປັນລະບົບເຊັ່ນ: ດິນປູກພືດກະສິກໍາ, ອຸດສະຫະກໍາອື່ນໆໃນພື້ນທີ່ປ່າເຊື່ອມໂຊມ ແລະ ເພື່ອຮັບປະກັນໃຫ້ການປົກຫຸ້ມຂອງປ່າໄມ້ ກວມຫລາຍກວ່າ 70% ຂອງເນື້ອທີ່ທົ່ວປະເທດໃຫ້ປະກົດຜົນເປັນຈິງ.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...