spot_img
Homeຂ່າວທ້ອງຖິ່ນວຽງ​ຈັນຫາ­ລື ​ກ່ຽວ​ກັບ​ການ​ອອກ​ບັດຊົ່ວ​ຄາວ​ຄົນ​ຕ່າງ­ປະ­ເທດ ​ອາ­ໄສ​ຢູ່​ແຂວງ

ວຽງ​ຈັນຫາ­ລື ​ກ່ຽວ​ກັບ​ການ​ອອກ​ບັດຊົ່ວ​ຄາວ​ຄົນ​ຕ່າງ­ປະ­ເທດ ​ອາ­ໄສ​ຢູ່​ແຂວງ

Published on

ທ້າຍອາ­ທິດຜ່ານມາກອງບັນ­ຊາການ ປກສ ແຂວງວຽງຈັນ ຈັດກອງປະ­ຊຸມປຶກ­ສາຫາ­ລືກ່ຽວກັບການ­ຈັດ­ຕັ້ງປະ­ຕິ­ບັດການຂຶ້ນທະ­ບຽນ ແລະອອກບັດອະ­ນຸ­ຍາດຊົ່ວ­ຄາວໃຫ້ຄົນຕ່າງ­ປະ­ເທດທີ່ອາໃສຢູ່ແຂວງວຽງຈັນ ໂດຍຮ່ວມເປັນປະ­ທານຂອງທ່ານ ພັທ ທອງສະ­ຫວັນ ເຮືອງພົມມີ ຮອງຫົວ­ໜ້າກອງບັນ­ຊາການ ປກສ ແຂວງ, ທ່ານ ພົງໄຊສັກ ຫົວ­ໜ້າກົມຄຸ້ມຄອງແຮງງານທັງເປັນຫົວ­ໜ້າຄະ­ນະວິ­ຊາການຂັ້ນສູນກາງ, ທ່ານ ຄຳພູ ສຸດ­ທິດາ ຮັກ­ສາການຫົວ ໜ້າພະແນກແຮງງານ ແລະສະ­ຫວັດ­ດີການສັງ­ຄົມແຂວງວຽງຈັນ (ຮສສ), ມີຕາງ­ໜ້າຄະ­ນະວິ­ຊາການຈາກກະ­ຊວງປ້ອງກັນຄວາມສະ­ຫງົບ, ຈາກກະ­ຊວງແຮງງານ ແລະສະ­ຫວັດ­ດີການສັງ­ຄົມພ້ອມພະ­ນັກ­ງານວິ­ຊາການຈາກ ປກສ ແຂວງວຽງຈັນເຂົ້າຮ່ວມ.

ທ່ານ ຄຳພູ ສຸດ­ທິດາ ຂຶ້ນຜ່ານບົດລາຍງານຊຶ່ງກ່າວການຂຶ້ນທະ­ບຽນແຮງງານກໍເພື່ອເຮັດໃຫ້­ການຄຸ້ມຄອງຄົນຕ່າງປະ­ເທດໃຫ້ເຂົ້າສູ່ລະ­ບຽບກົດ­ໝາຍ, ທັງເປັນການກຳ­ນົດຫຼັກ­ການ, ລະ­ບຽບການ, ມາດຕະ­ການກ່ຽວກັບການຄຸ້ມຄອງ, ຕິດຕາມ, ກວດ­ກາວຽກງານເຂົ້າ-ອອກ ແລະ ຄຸ້ມຄອງຄົນຕ່າງ­ປະ­ເທດຢູ່ ສປປ ລາວ ໃຫ້ການ­ເຄື່ອນ­ໄຫວເຮັດວຽກງານໄດ້ຮັບຜົນ­ສຳ­ເລັດທັງມີປະ­ສິດ­ທິ­ພາບສູງແນ­ໃສ່ປົກປ້ອງອະ­ທິ­ປະໄຕ, ຄວາມໝັ້ນຄົງຂອງຊາດ, ຮັບປະກັນໃຫ້ສັງ­ຄົມມີຄວາມສະ­ຫງົບ ແລະມີຄວາມເປັນລະບຽບຮຽບຮ້ອຍດີ, ສາ­ມາດເຊື່ອມໂຍງ ກັບພາກພື້ນ ແລະ ສາ­ກົນປະ­ກອບ­ສ່ວນເຂົ້າໃນການປົກປັກຮັກ­ສາ ແລະພັດທະນາປະ­ເທດຊາດ.

ສະ­ເພາະຢູ່ແຂວງວຽງຈັນພະແນກແຮງງານ-ສະ­ຫວັດ­ດີການສັງ­ຄົມ ແລະ ກອງບັນ­ຊາການ ປກສ ແຂວງໄດ້ຮ່ວມກັນຄົ້ນ­ຄວ້າປຶກ­ສາຫາ­ລື ເພື່ອສ້າງ ໃຫ້ຄະ­ນະພັກ-ຄະ­ນະບັນ­ຊາແຕ່ລະຂັ້ນຕະຫຼອດເຖິງພະ­ນັກ­ງານວິ­ຊາການທີ່ເຮັດ ວຽກວິ­ຊາສະ­ເພາະກ່ຽວກັບການຄຸ້ມ ຄອງຄົນຕ່າງ­ປະ­ເທດຢູ່ແຂວງວຽງຈັນ ໃຫ້ມີຄວາມຮັບຮູ້, ມີຄວາມເຂົ້າ­ໃຈ, ກຳແໜ້ນກົດ­ໝາຍ, ລະ­ບຽບການ, ຫຼັກ­ການວິຊາສະ­ເພາະ ແລະບົດ­ຮຽນຕົວຈິງເພື່ອນຳ­ໄປຈັດຕັ້ງປະ­ຕິ­ບັດໃຫ້ມີຄວາມເປັນເອ­ກະພາບ ແລະ ມີປະ­ສິດ­ທິ­ພາບສູງຂຶ້ນກວ່າເກົ່າ.

ສະ­ແດງອອກຢູ່ສອງເມືອງຄື: ເມືອງທຸ­ລະ­ຄົມມີ 5 ກຸ່ມບ້ານ, ມີຄົນຕ່າງປະ ເທດອາໃສຢູ່ 13 ບ້ານ, ມີສອງໂຄງ­ການ ແລະ ສອງຫົວ­ໜ່ວຍທຸ­ລະກິດ, ຂຶ້ນບັນຊີໄດ້ 291 ຄົນ ຍິງ 71 ຄົນ, ອອກບັດອະ­ນຸ­ຍາດຊົ່ວ­ຄາວໄດ້ 101 ຄົນ ຍິງ 16 ຄົນ , ເມືອງໂພນໂຮງມີ 6 ກຸ່ມບ້ານມີຄົນຕ່າງ­ປະ­ເທດອາໃສຢູ່ 27 ບ້ານ ຂຶ້ນບັນ­ຊີໄດ້ 230 ຍິງ 109 ຄົນ ອອກບັດອະ­ນຸ­ຍາດຊົ່ວ­ຄາວໃຫ້ໝົດທຸກຄົນແລ້ວ.

ໃນທີ່ປະ­ຊຸມຍັງໄດ້ຜັດ­ປ່ຽນກັນຂຶ້ນປະ­ກອບຄຳຄິດຄຳເຫັນຢ່າງກົງໄປກົງມາ ເພື່ອແລກ­ປ່ຽນຖອດຖອນບົດ­ຮຽນເຊິ່ງກັນ ແລະກັນ ແລະສ້າງຄວາມເປັນເອ­ກະພາບໃນການປະ­ຕິ­ບັດວຽກງານໃນ­ຕໍ່­ໜ້າ.

ທີ່ມາ:logo

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...