spot_img
Homeຂ່າວການພັດທະນາບໍລິສັດ ເອກະຊົນລາວ ໄດ້ຮັບ ສຳປະທານ ຂຸດຄົ້ນ ຖ່ານຫີນ ຢູ່ແຂວງເຊກອງ

ບໍລິສັດ ເອກະຊົນລາວ ໄດ້ຮັບ ສຳປະທານ ຂຸດຄົ້ນ ຖ່ານຫີນ ຢູ່ແຂວງເຊກອງ

Published on

ທ່ານຈູມມາລີ ໄຊຍະສອນ ປະທານປະເທດ ໄດ້ໃຫ້ກຽດ ເຂົ້າຮ່ວມ ພິທີເປີດເໝືອງແຮ່ ຢູ່ໃນແຂວງເຊກອງ.
ທ່ານຈູມມາລີ ໄຊຍະສອນ ປະທານປະເທດ ໄດ້ໃຫ້ກຽດ ເຂົ້າຮ່ວມ ພິທີເປີດເໝືອງແຮ່ ຢູ່ໃນແຂວງເຊກອງ.

ບໍລິສັດເອກະຊົນລາວ ໄດ້ຮັບສຳປະທານ ຂຸດຄົ້ນຖ່ານຫີນໃນເນື້ອທີ່ 1 ແສນເຮັກຕາ ໃນແຂວງເຊກອງ
ໂດຍຈາກການສຳຫຼວດພົບວ່າ ເໝືອງແຮ່ ດັ່ງກ່າວນີ້ ມີປະລິມານຖ່ານຫີນຫຼາຍກວ່າ 215 ລ້ານໂຕນ.

ບໍລິສັດເອກະຊົນລາວ ທີ່ໄດ້ຮັບສຳປະທານ ຂຸດຄົ້ນຖ່ານຫີນຢູ່ໃນແຂວງເຊກອງ ໃນຄັ້ງນີ້ ກໍແມ່ນ
ກຸ່ມ ບໍລິສັດພອນສັກ ຈຳກັດ ໂດຍພິທີເປີດເໝືອງແຮ່ ເພື່ອເລີ້ມດຳເນີນ ການຂຸດຄົ້ນໄດ້ມີຂຶ້ນ
ເມື່ອບໍ່ນານມານີ້ ໂດຍທ່ານຈູມມາລີ ໄຊຍະສອນ ປະທານປະເທດ ໄດ້ໃຫ້ກຽດເຂົ້າຮ່ວມ
ໃນພິທີເປີດຄັ້ງນີ້ດ້ວຍ ແລະ ທ່ານກໍຍັງໄດ້ເນັ້ນຍ້ຳ ໃຫ້ກຸ່ມບໍລິສັດພອນສັກຈຳກັດ ຈະຕ້ອງເອົາໃຈໃສ່
ໃນການຮັກສາ ສະພາບແວດລ້ອມທຳມະຊາດ ລວມເຖິງການສ້າງວຽກງານທຳ ໃຫ້ແກ່ປະຊາຊົນ
ໃນທ້ອງຖິ່ນ ແລະ ເຂດໃກ້ຄຽງ.

ໂດຍເໝືອງຖ່ານຫີນດັ່ງກ່າວນີ້ ມີເນື້ອທີ່ສຳປະທານລວມ 1 ແສນເຮັກຕາ ຢູ່ໃນເຂດ
ເມືອງກະລຶມ ແລະ ຈາກການສຳຫຼວດ ທີ່ຜ່ານມາ ກໍພົບວ່າມີປະລິມານຖ່ານຫີນ ສະສົມ
ຫຼາຍກວ່າ 215 ລ້ານໂຕນ ໂດຍໄດ້ແບ່ງເຂດຂຸດຄົ້ນເປັນ 4 ເຂດດ້ວຍກັນ ກໍຄືເຂດປະດູ່
ເຂດຫ້ວຍມີນ ເຂດຫ້ວຍໄຮ ແລະ ເຂດກະລຶມ.

ກຸ່ມບໍລິສັດພອນສັກຈຳກັດ ຄາດວ່າຈະຕ້ອງໃຊ້ເວລາ ໃນການຂຸດຄົ້ນ ເຖິງ 25 ປີ ດ້ວຍ
ປະລິມານການຂຸດຄົ້ນ ໂດຍສະເລ່ຍ 3 ລ້ານໂຕນຕໍ່ປີ ທີ່ສາມາດສົ່ງປ້ອນ ໂຮງງານ
ອຸດສາຫະກຳໄດ້ເລີຍ ເນື່ອງຈາກວ່າ ຖ່ານຫີນທີ່ຂຸດຄົ້ນ ຈາກເຂດສຳປະທານດັ່ງກ່າວນີ້
ມີຄ່າສະເລ່ຍຄວາມຮ້ອນເຖິງ 4,300 ກິໂລພະລັງງານ ຫຼື Kilo-Calories ຊຶ່ງດ້ວຍຄ່າ
ສະເລ່ຍຄວາມຮ້ອນ ໃນລະດັບດັ່ງກ່າວນີ້ ກໍຍັງເຮັດໃຫ້ ກຸ່ມບໍລິສັດພອນສັກຈຳກັດ ໄດ້ວາງ
ແຜນການທີ່ຈະລົງທຶນ ສ້າງໂຮງງານ ຜະລິດກະແສໄຟຟ້າ ດ້ວຍຖ່ານຫີນ 2 ແຫ່ງໃນລະຍະຕໍ່ໄປອີກດ້ວຍ.

ກ່ອນໜ້ານີ້ ທ່ານສົມດີ ດວງດີ ລັດຖະມົນຕີວ່າການ ກະຊວງແຜນການ ແລະ ການລົງທຶນ
ໄດ້ຖະແຫຼງຢືນຢັນວ່າ ທາງການລາວທັງໃນຂັ້ນສູນກາງ ແລະ ລະດັບທ້ອງຖິ່ນໄດ້ອະນຸຍາດ
ສຳປະທານການຂຸດຄົ້ນແຮ່ທາດ ໃຫ້ແກ່ບໍລິສັດ ເອກະຊົນລາວ ແລະ ຕ່າງຊາດໄປແລ້ວ 470 ໂຄງການ
ໂດຍມີພື້ນທີ່ ໃນການຂຸດຄົ້ນ ລວມກັນກວ້າງກວ່າ 36,300 ກິໂລແມັດມົນທົນ ແລະ
ມີມູນຄ່າລົງທຶນລວມເຖິງ 5,900 ລ້ານດອນ​ລາ.

ແຕ່ຢ່າງໃດກໍຕາມ ທ່ານສົມດີ ກໍຍອມຮັບວ່າ ມີຫຼາຍໂຄງການທີ່ອາດຈະຕ້ອງຖືກຍົກເລີກ
ເພາະວ່າ ການກວດກາທີ່ຜ່ານມາ ພົບວ່າມີພຽງແຕ່ 14 ໂຄງການເທົ່ານັ້ນ ທີ່ໄດ້ຈັດຕັ້ງ
ປະຕິບັດໄດ້ຕາມມາດຕະຖານ ທີ່ກຳນົດໄວ້ ໃນສັນຍາລົງທຶນ ສ່ວນໂຄງການທີ່ເຫຼືອນັ້ນ
ກໍຍັງຈະຕ້ອງມີການ ພັດທະນາ ປັບປຸງ ໃຫ້ໄດ້ມາດຕະຖານ ຕາມສັນຍາລົງທຶນຕໍ່ໄປ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...