spot_img
Homeຄລິບ-ວິດີໂອວິທີການຂະຫຍາຍພັນໝາກນາວດ້ວຍໃບ ແມ່ພັນ 1 ຕົ້ນ ຂະຫຍາຍໄດ້ນັບພັນກິ່ງ

ວິທີການຂະຫຍາຍພັນໝາກນາວດ້ວຍໃບ ແມ່ພັນ 1 ຕົ້ນ ຂະຫຍາຍໄດ້ນັບພັນກິ່ງ

Published on

ສຳລັບຄອບຄົວທີ່ເຮັດກະສິກຳການປູກໝາກນາວເປັນສິນຄ້າ ຫຼື ຄົນທົ່ວໄປທີ່ຕ້ອງການມີຄວາມຮູ້ກ່ຽວກັບການຂະຫຍາຍພັນໝາກນາວຕ້ອງອ່ານທາງນີ້

ກະສິກຳວັນນີ້ ລາວໂພສຕ໌ ມີຄວາມຮູ້ໃໝ່ກ່ຽວກັບການຂະຫຍາຍພັນໝາກນາວມາຝາກ ເຊິ່ງປັເຈຸບັນການຂະຫຍາຍພັນໝາກນາວ, ໝາກຂີ້ຫູດບໍ່ຈະເປັນຕ້ອງນຳກ້ານກິ່ງມັນມາເຮັດກໍ່ແຕ່ ແຕ່ເຮົາຈະໃຊ້ວິທີນຳໃບຂອງມັນມາການເປັນແນວພັນໄດ້ເຊັ້ນດຽວກັນ ເຊິ່ງວິທີດັ່ງກ່າວນີ້ໄດ້ຖືຄົ້ນຄ້ວາຂຶ້ນໂດຍ ທ່ານ ສຸຣະໄຊ ສະມັນຕະຣັດ ຫຼື ຄູ ຕິ່ງ ແຫ່ງ ສູນການຮຽນຮູ້ເສດຖະກິດພໍພຽງຕົ້ນແບບ ທ. ກ. ສ  

ສຳລັບຫຼັກການທີ່ຈະຂະຫຍາຍພັນໝາກນາວດ້ວຍໃບ ຄວນຈະຂະຫຍາຍຈາກແມ່ພັນທີ່ມີອາຍຸ 4 ປີ ເພາະເປັນໄລຍະເວລາໝາກນາວເຕີບໃຫຍ່ສົມບູນແບບ ແຕ່ກ່ອນຈະຂະຫຍາຍນັ້ນຕອ້ງບຳລຸງຕົ້ນໝາກນາວໃຫ້ມີຄວາມສົມບູນໂດຍການໃສ່ສູດສະເໝີ 15-15-15 ຫຼື 16-16-16 ໃຫ້ຕົ້ນໝາກນາວໄດ້ສະສົມອາຫານຢ່າງເຕັມທີ່ຢ່າງໜ້ອຍ 3 ເດືອນ ຈາກນັ້ນນຳໃບມັນມາກຳເບິ່ງ ຖ້າໃບມັນກອບ ສະແດງວ່າໄດ້ສະສົມສານອາຫານຢ່າງເຕັມທີ່ແລ້ວ ສ່ວນໃບທີ່ອ່ອນນິ້ມ ສະແດງວ່າອາຫານຍັງບໍ່ພຽງພໍ

ສ່ວນການເລືອກໃບທີ່ຈະຂະຫຍາຍພັນ ຄູຕິ່ງບອກວ່າ ສາມາດນຳໄປຂະຫຍາຍໄດ້ທຸກໃບ ແຕ່ດີທີ່ສຸດຄືໃບເຄິ່ງແກ່ເຄິ່ງອ່ອນ (ໃບປານກາງບໍ່ແກ່ຫຼາຍບໍ່ອ່ອນຫຼາຍ) ປະມານວ່າຢູ່ຕ່ຳຈາກຍອດປະມານ 3-5 ໃບ ຕົ້ນແມ່ພັນໝາກນາວໜຶ່ງຕົ້ນ ຈະສາມາດຂະຫຍາຍພັນໄດ້ນັບເປັນພັນໆຕົ້ນ ເຊິ່ງນັ້ນກໍ່ຂຶ້ນຢູ່ກັບຄວາມສົມບູນຂອງຕົ້ນແມ່ພັນເຊັ່ນກັນ ການໃຊ້ເວລາຂະຫຍາຍພັນໝາກນາວດ້ວຍໃບນັບຕັ່ງແຕ່ເລີ່ມຈົນປູກລົງດິນ ໃຊ້ເວລາທັງໝົດ 2-3 ເດືອນ ແຕ່ຖ້າເປັນໝາກຂີ້ຫູດອາດໃຊ້ເວລາຫຼາຍກ່ວາ ຫຼື ອາດເຖິງ 4-5 ເດືອນ ເປັນຕົ້ນ

001 (1)ສຳລັບການຂະຫຍາຍພັນໝາກນາວດ່ວຍໃບຕາມສະບັບຂອງ ຄູຕິ່ງ ມີດັ່ງນີ້:

1.ນຳກາບໝາດພ້າວມາຕັດເປັນທ່ອນຍາວປະມານ 2.5-3 ຊມ.ນຳໄປແຊ່ໄວ້ໃນນ້ຳຈົນຊຸ່ມ ເອົາຄ້ອນທຸບຈົນກາບພາກພ້າວນຸ້ມຂຶ້ນ ເພື່ອງ່າຍຕໍ່ການຫໍ່ເປັນທ່ອນ 

2.ເມື່ອໄດ້ກາບໝາກພ້າວທີ່ນຸ້ມແລ້ວ ນຳມາຫໍ່ມ້ວນເປັນທ່ອນ ຫັດໜັງຢາງຫົວທ້າຍ ແລ້ວນຳຕະປູແທງລົງໄປບໍລິເວນດ້ານເທິງຂອງກາບໝາກພ້າວໃຫ້ເປັນຮູ ເພື່ອລຸດການສຽດສີເວລານຳໃບສຽບລົງໄປ

3.ຕັດໃບໃຫ້ມີກ້ານດ້ານເທິງໃບເລັກໜ້ອຍ ສ່ວນດ້ານລຸ່ມກ້ານໃບໃຫ້ຍາວປະມານ 1-1.5 ຊມ.

4.ຕັດໃບອອກເຄິ່ງໜຶ່ງເພື່ອລຸດການ

5.ການຂີດເປືອກຫຸ້ມກ້ານຂອງໃບ ຫຼື ເປີດແຜຕາມຄວາມຍາວຂອງກ້ານ ເພື່ອເພີ່ມພື້ນທີ່ໃນການອອກຮາກ 1-3 ໜ້າ ຫາກບໍ່ເຮັດແບບນີ້ຮາກຈະອອກສະເພາະທາງປາຍ ຕັດເທົ່ານັ້ນ ຖືວ່າໜ້ອຍ ເຮັດໃຫ້ຕົ້ນໝາກນາວທີ່ນຳໄປປູກບໍ່ເຂງແຮງ ຖ້າຂີດເພີ່ມກໍ່ຈະເພີ່ມພື້ນທີ່ການອອກຮາກຫຼາຍຂຶ້ນນັ້ນເອງ

6.ນຳກິ່ງໃບທີ່ເປີດໜ້າແລ້ວໄປຈຸ່ມໃນນ້ຳດລັ່ງຮາກ ແລ້ວເອົາໄປຕາກລົມໃຫ້ແຫ້ງ ຖ້າບໍ່ແຫ້ງດີເມື່ອນຳໄປສຽບໃສ່ກ້ານໝາກພ້າວອາດເນົ່າໄດ້ 

7.ເມື່ອນຳໃບໝາກນາວໄປສຽບໃສ່ທ່ອນກາບໝາກພ້າວທີ່ກຽມໄວ້ຮອດ 4 ກິ່ງໃບໝາກນາວແລ້ວໃຫ້ມັດທັງ 4 ທ່ອນນັ້ນຮວມເຂົ້າກັນ ເພື່ອໃຫ້ມັນຕັ້ງໄດ້

8.ນຳທ່ອນກາບໝາກພ້າວທີ່ສຽບແລ້ວໄປຈຸ່ມນ້ຳໃຫ້ຊຸ່ມແລ້ວໃສ່ໄວ້ໃນຖົງຢາງ ແລ້ວມັດຖົງຢາງໃນລັກສະນະເຮັດຖົງຜອງໆ ເພື່ອບໍ່ໃຫ້ລົມເຂົ້າ ໂດຍບໍ່ໃຫ້ໃບນັ້ນມາດາດຖືກຖົງຢ່າງເດັດຂາດ

9.ເມື່ອໃນຖົງມີທ່ອນກາບພ້າວສຽບໃບໝາກນາວຮຽບຮ້ອຍແລ້ວ ໃຫ້ນຳຖົງດັງກ່າວໄປປະໄວ້ທີ່ກ້ອງຮົ່ມໄມ້ ໃຫ້ແດດຖືກເລັກໜ້ອຍປະມານ 1 ເດືອນ ໝາກນາວຈະເລີ່ມອອກຮາກ ຫຼື ເລີ່ມຕິດຍອດ ສ່ວນຖ້າເປັນໝາກຂີ້ຫູດແມ່ນປະມານ 3-4 ເດືອນ ຈິ່ງຈະເລີ່ມອອກຮາກ ແລະ ຕິດຍອດ ເຊິ່ງຖ້າຈະໃຫ້ສົມບູນຄວນລໍຖ້າທັງຮາກ ແລະ ຕາອອກມາທັງຄູ່ ຈິ່ງເລີ່ມນຳໄປລົງຖົງຊຳເບ້ຍໄມ້ຕໍ່ໄປໄດ້

ຫາກທ່ານອ່ານແລ້ວຍັງບໍ່ເຂົ້າໃຈສາມາດຮັບຊົມຂັ້ນຕອນການປູກໃນວິດີໂອຂ້າງລຸ່ມນີ້ໄດ້ ໝາຍເຫດ: ວິດີໂອດັ່ງກ່າວແມ່ນເປັນວິດີໂອຂອງໄທ ເພື່ອເຮັດໃຫ້ທ່ານເຂົ້າໃຈໃນການສື່ສານດ້ານພາສາງ່າຍຂຶ້ນ.

ບົດຄວາມຫຼ້າສຸດ

ທ່ານ ເຫຼັກໄຫຼ ສີວິໄລ ລົງຕິດຕາມເສັ້ນທາງ 2W ແຕ່ເມືອງໄຊ ຫາເມືອງ ປາກແບ່ງ ແຂວງອຸດົມໄຊ

ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ ພ້ອມຄະນະລົງຕິດຕາມເສັ້ນທາງ 2W ແຕ່ເມືອງໄຊ ຫາເມືອງ ປາກແບ່ງ ແຂວງອຸດົມໄຊ. ໃນວັນທີ 9 ສິງຫາ 2025...

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...