spot_img
Homeຂ່າວທ້ອງຖິ່ນແຂວງ​ຄຳ​ມ່ວນ​ ສົ່ງອັດຖິທະຫານອາສາສະໝັກ ຄືນປະເທດ

ແຂວງ​ຄຳ​ມ່ວນ​ ສົ່ງອັດຖິທະຫານອາສາສະໝັກ ຄືນປະເທດ

Published on

ພິທີມອບ-ສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມກັບຄືນປະເທດ

kam1

 

   ໃນ​ວັນ​ທີ 08 ພຶດສະພາ 2014 ຢູ່​ທີ່​ສະ​ໂມ​ສອນກອງ​ບັນຊາ​ການ​ທະຫານ​ ແຂວງ​ຄຳ​ມ່ວນ ​ໄດ້ຈັດ​ມີ​ພິທີ​ສະດຸ​ດີ​ມອບ​-ສົ່ງ​ອັດ​ຖິທະຫານ​ອາສາ​ສະໝັກ ​ແລະຊ່ຽວຊານ​ຫວຽດນາມ​ກັບ​ຄືນ​ປະ​ເທດ ​ໂດຍການ​​ເປັນ​ກຽດ​ເຂົ້າ​ຮ່ວມ​ຂອງ​ ທ່ານ ຄຳ​ໃບ ດຳລັດ ກຳມະການສູນ​ກາງ​ພັກ​ແຂວງ ​ເລຂາ​ພັກ​ແຂວງ ​ເຈົ້າ​ແຂວງ ​ແຂວງ​ຄຳ​ມ່ວນ​, ມີ​ບັນດາ​ສະຫາຍກຳມະການ​ປະຈຳ​ພັກ​ແຂວງ, ກຳມະການ​ພັກ​ແຂວງ, ກຳລັງ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ຄະນະ​ພັກ-​ຄະນະ​ບັນຊາ​ການກອງ​ປະຕິບັດ​ງານ​ພິ​ເສດ ​ແຂວງ​ກວາ​ງບິ່ງ​ແຫ່ງ ສ.ສ ຫວຽດນາມ, ບັນດາ​ສະຫາຍ​ຫົວໜ້າ​ພະ​ແນ​ກ, ຮອງ​ພະ​ແນ​ກ, ນາຍ​ທະຫານ, ນາຍ​ຕຳຫຼວດຕະຫຼອດ​ເຖິງ​ພະ ນັກງານ​ລັດຖະກອນ ​ແລະຜູ້ຕາງໜ້າ​ປະຊາຊົນ​ຊາວ​ເມືອງ​ທ່າ​ແຂກ​​ເຂົ້າ​ຮ່ວມ.

​      ໃນ​ວາລະ​ພິທີ​ດັ່ງກ່າວ ​ທ່ານ ຄຳ​ໃບ ດຳລັດ ​ເຈົ້າ​ແຂວງ​ແຂວງ​ຄຳ​ມ່ວນ ​ໄດ້​ຂຶ້ນ​ກ່າວ​ສະດຸ​ດີ​ເຖິງ​ດວງ​ວິນ​ຍານ​ຂອງ​ບັນດາ​ສະຫາຍ​ທະຫານ​ອາສາ​ສະໝັກ ​ແລະຊ່ຽວຊານ​ຫວຽດນາມ​ອ້າຍ​ນ້ອງ​ທີ່​ໄດ້​ເສຍສະຫຼະ​ຊີວິດ​ເພື່ອ​ພາລະກິດ​ການ​ປະຕິວັດ​ລາວ​ຢູ່​ດິນ​ແດນ​ແຂວງ​ຄຳ​ມ່ວນສ.ປ.ປລາວ ​ແລະຫວຽດນາມ​ແມ່ນ​ມີ​ຮູບ​ການ​ພົ້ນ​ເດັ່ນ​ທີ່​ຫາ​ຍາກ​ໂດຍ​ຜ່ານ​ເສັ້ນທາງ​ປະຫວັດສາດ​ສາຍ​ພົວພັນ​ລາວ-​ຫວຽດ ​ແມ່ນ​ບົດຮຽນ ​ແລ​ະກໍາລັງ​ແຮງ​ນຳ​ໄປ​ສູ່​ໄຊຊະນະ​ທີ່​ຍິ່ງ​ໃຫຍ່​ຂອງ​ແຕ່ລະ​ປະ​ເທດ​ໃນ​ການ​ຕໍ່ສູ້​ປົດ​ປ່ອຍ​ຊາດ, ​ໃນ​ການກໍ່ສ້າງ​ປົກ​ປັກ​ຮັກສາ​ປະ​ເທດ​ຊາດ​ພ້ອມ​ກັນ​ພັດ​ທະ​ນາ​ຕາມ​ເສັ້ນທາງ​ສັງຄົມ​ນິຍົມ​ຕະຫຼອດ​ຮອດ​ການ​ປະຕິວັດ​ຊາດ ປະຊາທິປະ​ໄຕປະຊາຊົນ​ຫວຽດນາມ ​ອ້າຍ​ນ້ອງ​ຍາມ​ໃດ​ກໍ​ໄດ້​ຄຽງ​ບ່າ​ຄຽງ​ໄຫຼ່​ຮ່ວມ​ຂຸມ​ຄອງ​ແຫ່ງ​ສະໝໍລະພູມ​ສົງຄາມ​ຕໍ່ສູ້​ຕ້ານ​ການ​ຮຸກ​ຮານ​ຂອງ​ຈັກກະພັດ​ຕ່າງ​ດ້າວ​ປົດ​ປ່ອຍ ປະ​ເທດ​ອອກ​ຈາກ​ແອກ​ປົກຄອງ​ຂອງ​ພວກ​ລ່າ​ເມືອງ​ຂຶ້ນ​ແບບ​ເກົ່າ ​ແລະ ​ແບບ​ໃໝ່​ຍາດ​ເອົາ​ການ​ປົກຄອງ​ມາສູ່​ກຳມື​ປະຊາຊົນ​ໄດ້​ຢ່າງ​ສົມບູນ.

ອີງ​ຕາມ​ທິດ​ຊີ້​ນຳ​ຂອງ​ຄະນະ​ປະຕິບັດ​ງານ​ພິ​ເສດ​ຂອງ​ລັດຖະບານ 2 ຊາດລາວ-​ຫວຽດນາມກ່ຽວ​ກັບ​ການ​ປະ​ຕິ​ບັດ​ໜ້າ​ທີ່​ທ້ອນ​ໂຮມ​ອັດຖິ​ທະຫານ​ອາສາ​ສະໝັກ ​ແລະຊ່ຽວຊານ​ຫວຽດນາມ​ທີ່​ໄດ້​ເສຍສະຫຼະ​ຊີວິດ​ຢູ່​ສະໝາ​ມຮົບ​ລາວ​ກັບ​ຄືນ​ປະ​ເທດ​ໃນ​ລະດູ​ແລ້ງ​ຂອງ​ປີ 2012-2013 ອີງ​ຕາມ​ການ​ບັນ​ທຶກ​ການ​ພົບ​ປະ ​ແລະ ​ເຮັດ​ວຽກ​ຮ່ວມ​ລະຫວ່າງ​ຜູ້​ແທນ​ຂັ້ນ​ສູງ​ຂອງ​ພັກ-​ອຳນາດ​ການ​ປົກຄອງ​ແຂວງ​ຄຳ​ມ່ວນ ​ກັບ ​ແຂວງ​ກວາງ​ບິ່ງ ​ແລະອີງ​ຕາມ​ການ​ພົບ​ປະ​ເຮັດ​ວຽກ​ຂອງ​ຄະນະ​ຜູ້​ແທນ​ປະຕິບັດ​ງານ​ພິ​ເສດ​ແຂວງ​ຄຳ​ມ່ວນ ​ແລະ ​ແຂວງ​ກວາງ​ບິ່ງ​ກ່ຽວ​ກັບ​ການ​ຊອກ​ຫາ, ຂຸດ​ຄົ້ນ​ຂຸມ​ຝັງ​ສົບ​ຂອງ​ທະຫານ​ອາສາ​ສະໝັກ ​ແລະຊ່ຽວຊານຫວຽດນາມທີ່​ເສຍ​ຊີ ວິດ​ຢູ່​ດິນ​ແດນ​ແຂວງ​ຄຳ​ມ່ວນ ​ເພື່ອ​ທ້ອນ​ໂຮມ​ອັດຖິສົ່ງ-​ມອບ​ກັບ​ຄືນ​ປະ​ເທດ. ​ສຳລັບໃນ​ລະດູ​ແລ້ງປີ 2013-2014 ກອງ​ປະຕິບັດ​ງານ​ພິ​ເສດ 589 ກອງ​ບັນຊາ​ການ​ທະຫານ​ແຂວງ​ກວາງ​ບິ່ງ ​ໄດ້​ຮ່ວມ​ກັບ​ວິຊາ​ການ​ກອງ​ບັນຊາ​ການ​ທະຫານ​ແຂວງ​ຄຳ​ມ່ວນ, ກອງ​ບັນຊາ​ການ​ທະຫານ​ເມືອງ​ທ່າ​ແຂກ, ​ເມືອງ​ເຊ​ບັ້ງ​ໄຟ, ​ເມືອງ​ຄູນ​ຄຳ, ​ເມືອງ​ມະຫາ​ໄຊ, ​​ເມືອງ​ບົວລະພາ, ​ເມືອງ​ນາ​ກາຍ, ​ເມືອງ​ຍົມ​ມະ​ລາດ ຊຶ່ງ​ໄດ້​ພ້ອມກັນຊອກ​ຫາ ​ແລະສາມາດ​ຂຸດ​ຄົ້ນ​ໄດ້ຈຳນວນ 32 ສົບ. ​ເພື່ອ​ເປັນ​ການ​ຈາ​ລຶກ​ຮູ້​ບຸນຄຸນ ​ແລະຜົນງານ​ອັນ​ເລິກ​ເຊິ່ງທີ່​ຫາ​ອັນ​ປຽບ​ບໍ່​ໄດ້ຂໍ​ອວຍພອນ​​ໃຫ້​ນ້ຳ​ໃຈ​ມິດຕະພາບ​ຄວາມ​ສາ​ໝັກ​ຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ລະຫວ່າງລາວ-​ຫວຽດນາມ​ຈົ່ງ​ໝັ້ນ​ຄົງ​ທະ​ນົງ​ແກ່ນ​ຊົ່ວ​ຟ້າ​ກາລະ​ນານ. ​

ທີ່ມາ http://www.khammouanenews.com/khao/nalak/2598

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...