Homeຂ່າວການພັດທະນາສ.ເກົາຫລີ ​ຊ່ວຍ​ເຫລືອລາວ​ຫລາຍກວ່າ 10 ລ້ານ​ໂດ​ລາສະຫະລັດຕໍ່​ປີ

ສ.ເກົາຫລີ ​ຊ່ວຍ​ເຫລືອລາວ​ຫລາຍກວ່າ 10 ລ້ານ​ໂດ​ລາສະຫະລັດຕໍ່​ປີ

Published on

ທ່ານ ຄິມ ຊູ​ ກວານ ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ​ແຫ່ງສາທາລະນະ​ລັດ ​ເກົາຫລີ ປະຈຳລາວ, ໄດ້ໃຫ້ຮູ້​ໃນ​ພິທີ​ປະດັບ​ຫລຽນ​ກາ​ມິດຕະພາບ​ພາຍຫລັງ​ສຳ​ເລັດ​ການ​ປະຕິບັດ​ໜ້າ​ທີ່​ການ​ທູດຢູ່ ສປປ ລາວ ​​ເປັນ​ເວລາ​ເກືອບ 3 ປີ​ວ່າ: ​ໃນ​​ໄລຍະ​ຜ່ານ​ມາ, ສ. ​ເກົາຫລີ ​ໄດ້​ໃຫ້ການ​ຊ່ວຍ​ເຫລືອ ສປປ​ ລາວ ​ໃນ​ຂະ​ແໜງ​ການ​ຕ່າງໆ​​ເຊັ່ນ: ​ການ​ສຶກສາ, ສາ​ທາ​ລະນະ​ສຸກ, ການ​ພັດທະນາ​ຊົນນະບົດ ​ແລະ ອື່ນໆ, ​ໂດຍສະ​ເລ່ຍມີມູນຄ່າຫລາຍກວ່າ 10 ລ້ານໂດ​ລາ​ສະຫະລັດ​ຕໍ່​ປີ. ການ​ຊ່ວຍ​ເຫລືອ​ດັ່ງກ່າວ​ແມ່ນ​ໄດ້​ເ​ພີ່ມ​ຂຶ້ນ​ທຸກໆປີ, ພ້ອມ​ນີ້ຍັງ​ໄດ້​ເປີດ​ຖ້ຽວ​ບິນ​ໂດຍ​ກົງ​ລະຫວ່າງສອງ​ປະ​ເທດ​ລາວ-ສ.​ເກົາຫລີ​ ຫລາຍ​ຖ້ຽວ​ບິນ​ຕໍ່​ອາທິດ, ເຮັດ​ໃຫ້​ຈຳນວນ​ນັກ​ທ່ອງທ່ຽວ ສ.​ເກົາຫລີ ​ເດີນທາງ​ເຂົ້າມາ​ທ່ຽວລາວ ​ໃນ​ປີ 2015 ຜ່ານ​ມາ​

ເພີ່ມ​ຂຶ້ນ 17% ທຽບ​ໃສ່​ປີ 2014 ​ເຊິ່ງທັງ​ໝົດ​ນັ້ນ​ເປັນ​ການຊຸກຍູ້​ໃຫ້​ນັກທຸລະກິດ ສ.​ເກົາຫລີ ​ເຂົ້າມາ​ລົງທຶນ​ຢູ່ລາວນັບ​ມື້​ເພີ່ມ​ຂຶ້ນ, ສະ​ແດງ​ອອກເຖິງ​ປັດຈຸ​ບັນການ​ລົງທຶນ​ຂອງ ສ.​ເກົາຫລີ​ ໄດ້​ຈັດ​ຢູ່​ໃນ​ອັນ​ດັບ​ທີ 5 ຂອງ​ການ​ລົງທຶນ​ຕ່າງປະ​ເທດຢູ່ລາວລວມມີ 300 ກວ່າ​ໂຄງການມີ​ມູນ​ຄ່າ​ປະມານ 800 ກວ່າ​ລ້ານ​ໂດ​ລາ​ສະຫະລັດ.

ພິທີປະດັບ​ຫລຽນ​​ດັ່ງກ່າວ, ​ໄດ້​ຈັດ​ຂຶ້ນ​ໃນ​ວັນ​ທີ 19 ​ເມສາ​ນີ້, ຢູ່ນະຄອນຫລວງ​ວຽງ​ຈັນໂດຍ​ທ່ານ ​ແສງ​ເພັດຮຸ່ງ​ບຸນ​ຍວງ ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ ​ຕາງໜ້າ​ໃຫ້ລັດຖະບານລາວ ປະດັບຫລຽນ​ກາ​ມິດຕະພາບ​ໃຫ້ທ່ານ ຄິມ ຊູ​ກວານ ​ເພື່ອ​ເປັນ​ການ​ຍ້ອງຍໍ​ຊົມ​ເຊີຍ​ຜົນງານ​ທີ່ທ່ານທູດໄດ້​ປະກອບສ່ວນ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ, ການ​ຮ່ວມ​ມືລະຫວ່າງ 2 ປະ​ເທດໃນ​ໄລຍະ​ປະຕິບັດ​ໜ້າ​ທີ່​ການ​ທູດຢູ່ ສປປ ລາວ ​​ເປັນ​ເວລາ​ເກືອບ3 ປີ​.

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...