spot_img
HomeມູມໄອທີລາວMeizu ເປີດໂຕສະມາດໂຟນເຮືອທຸງ Meizu Pro 6 ຢ່າງເປັນທາງການ

Meizu ເປີດໂຕສະມາດໂຟນເຮືອທຸງ Meizu Pro 6 ຢ່າງເປັນທາງການ

Published on

Meizu ເປີດໂຕສະມາດໂຟນເຮືອທຸງ Meizu Pro 6 ຢ່າງເປັນທາງການແລ້ວ. ເປັນເວລາເຄິ່ງປີທີ່ Meizu ໄດ້ເປີດໂຕ Meizu Pro 5 ມາແລ້ວເຊິ່ງຖືວ່າສະເປັກທີ່ເປີດໂຕມານັ້ນໃຊ້ໄດ້ເລີຍ ແລະເຮົາຈະມາເບິ່ງນຳກັນວ່າ Meizu Pro 6 ນີ້ຈະດີຊ່ຳໃດ

image

ສຳລັບ Meizu Pro 6 ນັ້ນມາພ້ອມກັບໜ້າຈໍຂະໜາດ 5.2 ນິ້ວ, ຄວາມລະອຽດ 1080 x 1920 ພິກເຊວ (FHD) ແລະໃຊ້ຈໍ Super AMOLED. ໃຊ້ງານຊິບປະມວນຜົນໂຕໃໝ່ຫຼ້າສຸດຄື MediaTek Helio X25 ເຊິ່ງເປັນຊິບແບບ deca-core 2.5GHz ແລະຍັງມາພ້ອມກັບຊິບປະມວນຜົນກຣາບຟິກ Mali-T880 GPU. RAM 4GB ແລະ ROM 32GB/64GB (ຮອງຮັບ microSD ສູງສຸດ 128GB), ມີລະບົບສະແກນລາຍນິ້ວມືພ້ອມ. ສຳລັບຄຸນສົມບັດຫຼັກໆຂອງ Pro 6 ແມ່ນມາພ້ອມກັບລະບົບ Force Touch ຫຼືເອີ້ນວ່າ 3D Press.

image

ໃນດ້ານຂອງກ້ອງກໍຖືວ່າຈັດເຕັມເລີຍ. ກ້ອງຫຼັງມີຄວາມລະອຽດທີ່ 21 ລ້ານພິກເຊວ ໂດຍໃຊ້ງານເຊນເຊີຂອງ Sony IMX 230 ມາພ້ອມກັບລະບົບເລເຊີໂຟກັດອັດຕະໂນມັດ ແລະມາພ້ອມກັບແຟລັດ 10-LED (ອັນນີ້ບໍ່ຮູ້ວ່າເປັນແນວໃດ) ແລະ ກ້ອງໜ້າມີຄວາມລະອຽດ 5 ລ້ານພິກເຊວ.

ແບັດເຕີຣີໃຫ້ມາ 2560mAh ສາມາດສາກແບັດຕັ້ງແຕ່ 0% ຫາ 100% ໄດ້ໃນເວລາພຽງ 60 ນາທີ. ໂຕເຄື່ອງມີ 5 ສີໃຫ້ເລືອກໄດ້ແກ່ ສີເທົາ, ເງິນ, ແດງ, ທອງ ແລະ ທອງບົວ. ສຳລັບໂຕເຄື່ອງນັ້ນຂ່ອນຂ້າງບາງເພາະບາງ 7.25 ມມ ແລະໜັກ 160 ກຣາມ. ສຳລັບ Pro 6 ຍັງຮອງຮັບພອຣດ Type-C ແລະຕິດຕັ້ງ Android 6.0 ມາກັບເຄື່ອງ ເຊິ່ງຖືກຄອບດ້ວຍ Flyme 5.5. Meizu Pro 6 ຮອງຮັບ Cat.6 4G LTE ພ້ອມກັບ VoLTE

image

ສຳລັບລຸ້ນ 32GB ແມ່ນມີລາຄາຢູ່ທີ່ 2500 ຢວນ (3.135.000 ກີບ) ແລະລຸ້ນ 64GB ມີລາຄາຢູ່ທີ່ 2800 ຢວນ (3.510.000 ກີບ). ສຳລັບມື້ວາງຂາຍຈະເປັນວັນທີ 23 ເມສານີ້

ທີ່ມາ:phonearena

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...