ວັນທີ 6 ເມສາ 2016 ພະແນກວິທະຍາສາດ ແລະເຕັກໂນໂລຊີແຂວງຄຳມ່ວນຮ່ວມກັບພະນັກງານວິຊາການຂະແໜງຊັບສິນທາງປັນຍາມາດຕະຖານ ແລະວັດແທກລົງເຄື່ອນໄຫວກວດກາກະຕ່າຂອງຂວັນຕາມຫ້າງຮ້ານໃນຂອບເຂດເທສະບານແຂວງ ເນື່ອງໃນວັນປະເພນີປີໃໝ່ລາວ ເພື່ອເປັນການຮັບປະກັນ ແລະຍົກສູງຄຸນນະພາບຂອງສິນຄ້າໃນການຕອບສະໜອງຂອງສັງຄົມກໍຄືຜົນປະໂຫຍດອັນຊອບທຳຂອງຜູ້ຊົມໃຊ້.
ໃນໄລຍະຜ່ານມາຍັງມີບາງຫ້າງຮ້ານໄດ້ຈຳໜ່າຍສິນຄ້າປະເພດກະຕ່າຂອງຂວັນທີ່ນຳເອົາສິນຄ້າທີ່ບໍ່ໄດ້ມາດຕະຖານ ແລະສິນຄ້າທີ່ໝົດອາຍຸການນຳໃຊ້ມາບັນຈຸໃສ່ກະຕ່າຂອງຂວັນ ຊຶ່ງເປັນການກະທຳທີ່ບໍ່ເໝາະສົມເປັນການສວຍໂອກາດເອົາປຽບຜູ້ຊົມໃຊ້.
ສະນັ້ນ ເພື່ອເປັນການແກ້ໄຂກັບບັນຫາດັ່ງກ່າວທາງພາກສ່ວນກ່ຽວຂ້ອງ ຈິ່ງໄດ້ລົງກວດກາຕົວຈິງຕາມບັນດາຫ້າງຮ້ານ ຊຶ່ງການລົງຕິດຕາມເຄື່ອນໄຫວຄັ້ງນີ້ແມ່ຄ້າຊາວຄ້າຂາຍໃຫ້ການ ຮ່ວມມື ແລະໄດ້ຕິດລາຄາ, ຊື່ຮ້ານຄ້າ, ເບີໂທສະຖານທີ່ຕັ້ງຕາມທີ່ເຄີຍແຈ້ງການຜ່ານການລົງເຄື່ອນໄຫວຕົວຈິງສາມາດ ກວດກາຮ້ານຄ້າທັງໝົດ 8 ຮ້ານ, ຮ້ານທີ່ແຈ້ງລາຄາສິນຄ້າມີຈຳນວນ 2 ຮ້ານ, ຮ້ານທີ່ບໍ່ຕິດລາຄາສິນຄ້າມີ 6 ຮ້ານ, ກວດພົບສິນຄ້າໝົດອາຍຸຈຳນວນ 1 ລາຍການຄືເຂົ້າໜົມ 1 ກ່ອງຄິດເປັນເງິນ 2 ພັນກີບ.
ທີ່ມາ: 