ຂປລ. ລັດຖະບານ ແຫ່ງ ສປ ຈີນ ໄດ້ຕົກລົງເຫັນດີໃຫ້ການຊ່ວຍເຫລືອ ອຸປະກອນດ້ານແສງ, ສີ, ສຽງ, ເຄື່ອງໄອທີ, ເວທີສະແດງ ແລະ ເຄື່ອງດົນຕີ ຊິມໂຟນີ ໃຫ້ແກ່ລັດຖະບານ ແຫ່ງ ສປປ ລາວ, ພ້ອມທັງໄດ້ຈັດສົ່ງຊ່ຽວຊານຈຳນວນໜຶ່ງ ເພື່ອຝຶກອົບຮົມໄລຍະສັ້ນ ໃຫ້ແກ່ວິຊາການຂອງລາວ.
ໃນວັນທີ 6 ເມສາ 2016 ນີ້ ທີ່ຫ້ອງວ່າການລັດຖະບານ ໂດຍການສົມທົບ ລະຫວ່າງ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ກັບ ສະຖານເອກອັກຄະລັດຖະທູດ ແຫ່ງ ສປ ຈີນ ປະຈຳລາວ ໄດ້ຈັດພິທີເຊັນ ມອບ–ຮັບ ເຄື່ອງຊ່ວຍເຫລືອດັ່ງກ່າວ, ເຊິ່ງຕ່າງໜ້າໃຫ້ແກ່ລັດຖະບານລາວ ແມ່ນ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ແລະ ຝ່າຍລັດຖະບານ ສປ ຈີນ ຕາງໜ້າໂດຍ ທ່ານ ກວນ ຮົວ ປິງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈຳ ສປປ ລາວ ໂດຍການເຂົ້າຮ່ວມເປັນສັກຂີພິຍານຂອງ ທ່ານ ສຈ.ດຣ ບໍ່ແສງຄຳ ວົງດາລາ ລັດຖະມົນຕີວ່າການ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ບົວເງິນ ຊາພູວົງ ຮອງລັດຖະມົນຕີ ແລະ ພາກສ່ວນກ່ຽວຂ້ອງສອງຝ່າຍເຂົ້າຮ່ວມ.
ແຫລ່ງຂ່າວ:
