spot_img
Homeຂ່າວການພັດທະນາລັດວິສາຫະກິດຖືຫຸ້ນລາວ ມອບເງິນອຸປະຖຳໜ່ວຍກູ້ໄພ 4 ພາກສ່ວນ ມູນຄ່າເກືອບ 50 ລ້ານ!

ລັດວິສາຫະກິດຖືຫຸ້ນລາວ ມອບເງິນອຸປະຖຳໜ່ວຍກູ້ໄພ 4 ພາກສ່ວນ ມູນຄ່າເກືອບ 50 ລ້ານ!

Published on

ໃນວັນທີ 31 ມີນາ 2016 ຜ່ານມາ ທີ່ຫ້ອງປະຊຸມຂອງລັດວິສາຫະກິດຖືຫຸ້ນລາວ ໄດ້ຈັດພິທີມອບ-ຮັບເງິນ ເພື່ອອຸປະຖຳໃຫ້ແກ່ໜ່ວຍກູ້ໄພ 4 ພາກສ່ວນ ຮວມມູນຄ່າທັງໝົດ 48 ລ້ານກີບ ໂດຍການເປັນປະທານມອບຂອງ ທ່ານ ດຣ. ສົມບຸນ ມະໂນລົມ ຜູ້ອຳນວຍການລັດວິສາຫະກິດຖືຫຸ້ນລາວ ທ່ານ ດຣ. ສາຍເພັດ ອາໄພວັນ ຮອງອຳນວຍການລັດວິສາຫະກິດຖືຫຸ້ນລາວ ທ່ານ ມານະສິນ ວົງໄຊ ຮອງອຳນວຍການລັດວິສາຫະກິດຖືຫຸ້ນລາວ ພ້ອມດ້ວຍຕາງໜ້າໜ່ວຍກູ້ໄພທັງ 4 ພາກສ່ວນ ແລະ ຜູ້ທີ່ກ່ຽວຂ້ອງເຂົ້າຮ່ວມ.

ທ່ານ ດຣ. ສົມບຸນ ມະໂນລົມ ໄດ້ກ່າວວ່າ ໄລຍະຜ່ານມາ ຢູ່ນະຄອນຫຼວງວຽງຈັນ ໄດ້ມີອຸປະຕິເຫດເກີດຂຶ້ນຫຼາຍ ແລະ ມີຈຳນວນເພີ່ມຂຶ້ນ ເຊິ່ງເຮັດໃຫ້ມີຄົນບາດເຈັບ ແລະ ເສຍຊີວິດເພີ່ມຂຶ້ນ ໃນປີ 2015 ລັດວິສາຫະກິດຖືຫຸ້ນລາວ ໄດ້ປະກອບສ່ວນງົບປະມານເຂົ້າໃນວຽກງານກູ້ໄພ ໂດຍມອບໃຫ້ສະມາຄົມອາສາກູ້ໄພນະຄອນຫຼວງ ຈຳນວນ 36 ລ້ານກີບ ແລະ ໃນປີ 2016 ນີ້ ເນື່ອງຈາກວ່າຫຼາຍໜ່ວຍກູ້ໄພ ໄດ້ສະເໜີຂໍການອຸປະຖຳຈາກ ລັດວິສາຫະກິດຖືຫຸ້ນລາວ ມີຈຳນວນເພີ່ມຂຶ້ນເຊັ່ນ ໜ່ວຍກູ້ໄພອົງການກາແດງລາວ ມູນນິທິຊ່ອຍເຫຼືອຄົນທຸກຍາກ ແຫ່ງ ສປປ.ລາວ ສະມາຄົມອາສາກູ້ໄພນະຄອນຫຼວງ ແລະ ມູນນິທິພັດທະນາຜາສຸກ ສະນັ້ນ ເພື່ອເຮັດໃຫ້ການອຸປະຖຳທົ່ວເຖິງ ລັດວິສາຫະກິດຖືຫຸ້ນລາວ ຈິ່ງຈັດສັນງົບປະມານຈຳນວນ 48 ລ້ານກີບ ໃຫ້ 4 ພາກສ່ວນ ພາກສ່ວນລະ 12 ລ້ານກີບ ຫວັງຢ່າງຍິ່ງວ່າ ການປະກອບສ່ວນຂອງ ລັດວິສາຫະກິດຖືຫຸ້ນລາວ ຈະເປັນປະໂຫຽດ ແລະ ຖືກນຳໃຊ້ເຂົ້າໃນການເຄື່ອນໄຫວ ວຽກງານກູ້ໄພຢ່າງມີປະສິດທິພາບ ແລະ ປະສິດທິຜົນຢ່າງສູງສຸດ.

ທ່ານ ໄຊຍະເດດ ແສງອາລຸນເດດ ໂຕແທນໜ່ວຍກູ້ໄພ ອົງການກາແດງລາວ ຕາງໜ້າໃຫ້ 4 ພາກສ່ວນ ໄດ້ກ່າວຂອບໃຈນຳ ລັດວິສາຫະກິດຖືຫຸ້ນລາວ ທີ່ໄດ້ໃຫ້ການອຸປະຖຳຊ່ອຍເຫຼືອ ແລະ ເຫັນໄດ້ເຖິງຄວາມສຳຄັນ ໃນວຽກງານກູ້ໄພອຸປະຕິເຫດຕາມທ້ອງຖະໜົນ ແລະ ຂໍສັນຍາວ່າຈະນຳເອົາເງິນຈຳນວນດັ່ງກ່າວນີ້ ໄປໜູນໃຊ້ເຂົ້າໃນວຽກງານຊ່ອຍເຫຼືອສັງຄົມ ໃຫ້ເກີດໝາກອອກຜົນຢ່າງມີປະສິດທິພາບຫຼາຍທີ່ສຸດ.

 

ແຫລ່ງຂ່າວ:

ວຈທດ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...