ຕາມ​ການ​ລາຍ​ງານ​ຂອງ​ກອງ​ບັນຊາ​ການປກສເມືອງ​ໄຊ​ບູ​ລີແຂວງ​ສະຫວັນ​ນະ​ເຂດ​ໃຫ້​ຮູ້​ວ່າ: ໃນ​ເວ­ລາ​ປະ­ມານ 16:00 ໂມງ​ວັນ​ທີ 22 ມີ­ນາ 2016 ໄດ້​ຮັບ​ການ​ລາຍ​ງານ​ຈາກອຳ­ນາດ​ການ​ປົກ­ຄອງ​ບ້ານ​ສີ​ໄຄເມືອງໄຊ​ບູ​ລີວ່າ​ມີ​ຍິງ​ສາວ​ລົງ​ຫຼິ້ນ​ນ້ຳ​ເຊ​ບັ້ງ­ໄຟແລ້ວ​ຈົມ​ນໍ້າ​ເສຍ​ຊີ­ວິດ 1 ຄົນ.

ຊຶ່ງ​ຍິງສາວ​ຜູ້​ທີ່​ເສຍ​ຊີ­ວິດ​ນີ້​ຊື່­ວ່າ​ນາງ ເພັດ​ຈິນດາ ອາ­ຍຸ 14 ປີເປັນ​ນັກ­ຮຽນບ້ານ​ສີໄຄຊຶ່ງ​ຜູ້­ກ່ຽວ​ໄດ້​ລົງ​ຫຼິ້ນ​ນ້ຳ​ຢູ່​ຫາດ​ຄຳຮຽງຄຸ້ມ​ຫາດ​ຄຳ​ດີບ້ານ​ດ້າງ​ສະ­ຫວັນຂຶ້ນ​ກັບ​ກຸ່ມ​ສີ​ໄຄໃນ​ເວ­ລາ​ທີ່​ຜູ້­ກ່ຽວ​ຫຼິ້ນນໍ້າຢູ່​ນັ້ນ​ແມ່ນ​ໄດ້​ຖືກ​ກະ­ແສ­ນ້ຳ​ໄຫຼ​ພັດ​ໄປ​ບ່ອນທີ່​ເລິກຍ້ອນ​ການ​ລອຍ­ນ້ຳ​ບໍ່​ເປັນ​ຈຶ່ງ​ເຮັດໃຫ້​ຜູ້­ກ່ຽວ​ຈົມ​ນໍ້າ​ເສຍ​ຊີ­ວິດ.ຈົນ​ຕົກ​ມາ​ຮອດ​ເວ­ລາ 10:00 ໂມງວັນ​ທີ 26 ມີ­ນາຈິ່ງ​ພົບ​ເຫັນ​ຊາກ​ສົບ​ຂອງຜູ້​ຕາຍ​ຢູ່​ແຄມ​ນ້ຳ​ເຊ​ບັ້ງ­ໄຟຂອບ​ເຂດບ້ານ​ດົງ​ກາ​ສິນເມືອງ​ໜອງ​ບົກແຂວງຄຳ​ມ່ວນດັ່ງ­ນັ້ນ​ເຈົ້າ​ໜ້າ­ທີ່​ກ່ຽວ­ຂ້ອງ​ກໍໄດ້​ລົງ​ສັນ​ນະ​ສູດ​ຕົວ​ຈິງແຕ່​ກໍ່​ບໍ່​ສາ­ມາດສັນ​ນະ​ສູດ​ໄດ້​ເພາະ­ວ່າ​ຊາກ​ສົບ​ເນົ່າ​ເປື່ອຍ.

ທີ່ມາ: