Homeຂ່າວທ້ອງຖິ່ນງານສະແດງດົນຕີພື້ນເມືອງ ໃນຫົວຂໍ້ ສວນສີລະປະ ກິ່ນອາຍຂອງຊາດ-ງານດົນຕີພື້ນເມືອງລະດັບຊາດປະເທດຈີນ

ງານສະແດງດົນຕີພື້ນເມືອງ ໃນຫົວຂໍ້ ສວນສີລະປະ ກິ່ນອາຍຂອງຊາດ-ງານດົນຕີພື້ນເມືອງລະດັບຊາດປະເທດຈີນ

Published on

ໂຮງຮຽນສິລະປະດົນຕີແຫ່ງຊາດ ຮ່ວມກັບ ສູນວັດທະນະທໍາຈີນ ປະຈໍາ ສປປ.ລາວ ຈັດງານສະແດງດົນຕີພື້ນເມືອງ ໃນຫົວຂໍ້ ສວນສິລະປະ ກິ່ນອາຍຂອງຊາດ-ງານດົນຕີພື້ນເມືອງລະດັບຊາດປະເທດຈີນ ເພື່ອໃຫ້ຄູ ອາຈານ ແລະ ນັກຮຽນໂຮງຮຽນສິລະປະດົນຕີແຫ່ງຊາດ ໄດ້ເພີ່ມທັກສະ ຄວາມຮັບຮູ້ ເຂົ້າໃຈໃນສິລະປະດົນຕີພື້ນເມືອງຈີນນັບມື້ນັບຫຼາຍຂຶ້ນ.

ງານສະແດງດົນຕີພື້ນເມືອງ ໃນຫົວຂໍ້ ສວນສິລະປະ ກິ່ນອາຍຂອງຊາດ-ງານດົນຕີພື້ນເມືອງລະດັບຊາດປະເທດຈີນ ຈັດຂຶ້ນໃນຕອນບ່າຍວັນທີ 01 ເມສາ 2016 ທີ່ໂຮງຮຽນສິລະປະດົນຕີແຫ່ງຊາດ ບ້ານໂພນປ່າເປົ້າ ເມືອງສີສັດຕະນາກ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ຕ່ວນ ມວນຈັນ ອໍານວຍການໂຮງຮຽນສິລະປະດົນຕີແຫ່ງຊາດ ມີຜູ້ຕາງໜ້າສູນວັດທະນະທໍາຈີນ ປະຈໍາ ສປປ.ລາວ ຄະນະສິລະປິນລະດັບຊາດ ສປ.ຈີນ ບັນດາຄູ-ອາຈານ ແລະ ນັກຮຽນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານອໍານວຍການໂຮງຮຽນສິລະປະດົນຕີແຫ່ງຊາດ ໄດ້ກ່າວວ່າ ສູນວັດທະນະທໍາຈີນ ປະຈໍາລາວ ແລະ ໂຮງຮຽນສິລະປະດົນຕີແຫ່ງຊາດ ມີການພົວພັນຮ່ວມມືກັນໃນການແລກປ່ຽນ ຮຽນຮູ້ທາງດ້ານວິຊາການ ສິລະປະການສະແດງຢ່າງເປັນປົກກະຕິ ເຊິ່ງໃນປີຜ່ານມາ ສູນວັດທະນະທໍາຈີນ ກໍໄດ້ສົ່ງຊ່ຽວຊານດົນຕີ (ວິຊາຂິມ) ມາຊ່ອຍເຝິກສອນໃຫ້ນັກດົນຕີລາວໃຫ້ມີຄວາມຮັບຮູ້ກ່ຽວກັບການນໍາໃຊ້ຂິມຫຼາຍຂຶ້ນ ພ້ອມກັນນັ້ນ ຍັງໄດ້ນໍາເອົາຄະນະນັກສະແດງເຂດໝິງເຊຍ ສປ.ຈີນ ມາສະແດງຢູ່ໂຮງຮຽນແຫ່ງນີ້ຕື່ມອີ ສໍາລັບໃນຄັ້ງນີ້ ໂຮງຮຽນສິລະປະດົນຕີແຫ່ງຊາດ ກໍສົມທົບກັບ ສູນວັດທະນະທໍາຈີນ ປະຈໍາລາວ ຕາມການຕົກລົງເຫັນດີຂອງກົມສິລະປະການສະແດງ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ຈັດຕັ້ງປະຕິບັດການສະແດງດົນຕີພື້ນເມືອງ ໃນຫົວຂໍ້ ສວນສິລະປະ ກິ່ນອາຍຂອງຊາດ-ງານດົນຕີພື້ນເມືອງລະດັບຊາດປະເທດຈີນ ໂດຍນໍາເອົານັກສິລະປິນລະດັບຊາດທີ່ມີຊື່ສຽງຂອງຈີນ ມາສະແດງ ເຊິ່ງມີ 7 ລາຍການສະແດງຄື (1) ບົດເພງ ຈ່ຽງໜານເຟິ່ງຢິ້ນ ແລະ ຊ່ານລີ້ ຈາກການບັນເລງຂອງກຸ່ມສິລະປິນ 3 ຄົນ ປະກອບດ້ວຍເຄື່ອງດົນຕີເຊັ່ນ ພິນພິພາ ຊໍເອີຫູ ພິນໂຄງໂຮວ (2) ສະແດງ ງິ້ວຄຸນຊີ ເລື່ອງ ໂຢຢຽນຈິ່ງເມີ້ງ ໂດຍນາງ ລິວຈິ້ງ (3) ການສະແດງຊໍເອີຫູ ໃນບົດເພງ ຫານຊ່ຽນເພິ່ງສີ ແລະ ຄົ່ງຊ່ານໜຽວຢີ ໂດຍນາງ ລິວເລີຍ (4) ການສະແດງພິນໂຄງໂຮວ ໃນບົດເພງ ເໝີຍຮົ່ວຊ່ານນົ້ງ ແລະ ຊິມິງຊ້າງເຫີຖູ ໂດຍທ່ານນາງ ອຸລິນ (5) ການສະແດງພິນພິພາ ໃນບົດເພງ ຫຼົງຊວນ ແລະ ສຶມ້ຽນໝາຍຟູ ໂດຍທ່ານນາງ ອຸຢີ້ເຊຍ (6) ການສະແດງດົນຕີປະສານສຽງ ພິນພິພາ ແລະ ພິນໂຄງໂຮວ ໃນບົດເພງ ຊຸນຈ່ຽງຮົ່ວແຢ້ແຢ້ ແລະ (7) ການສະແດງຮວມສິລະປິນແຫ່ງຊາດ ໃນບົດເພງ ມໍ່ລີ້ຮົ່ວ ແລະ ຊ້າຍໝາ.
ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...