spot_img
Homeຂ່າວທ້ອງຖິ່ນໂດຍສານ​ສາຍ​ເໜືອ​ຈະ​ເພີ່ມ​ລົດ​ຕື່ມ​ອີກ​ເທົ່າ​ຕົວ​ເພື່ອ​ຮອງ​ຮັບ​ຜູ້​ໂດຍສານ​ໄລຍະ​ປີ​ໃໝ່ລາວ

ໂດຍສານ​ສາຍ​ເໜືອ​ຈະ​ເພີ່ມ​ລົດ​ຕື່ມ​ອີກ​ເທົ່າ​ຕົວ​ເພື່ອ​ຮອງ​ຮັບ​ຜູ້​ໂດຍສານ​ໄລຍະ​ປີ​ໃໝ່ລາວ

Published on

ທ່ານ ນາງ ຈິດ​ປະສົງ ອຳນວຍ​ການ​ສະຖານີ​ຂົນ​ສົ່ງ​ໂດຍສານ​ສາຍ​ເໜືອ​ໄດ້​ເປີດ​ເຜີຍ​ຕໍ່​ນັກ​ຂ່າວ​ພວກ​ເຮົາ​ໃນ​ວັນ​ທີ 31 ມີນາ​ນີ້​ວ່າ: ຄື​ດັ່ງ​ທຸກໆ​ປີ​ໄລຍະ​ຮອດ​ບຸນປີ​ໃໝ່​ລາວຈຳນວນຜູ້ ໂດຍສານຈະເພີ່ມຂື້ນ, ໂດຍສະເພາະຜູ້ໂດຍສານພາຍໃນເພື່ອການໄປມາຫາສູ່, ຢ້ຽມຢາມຄອບຄົວ, ພໍ່ແມ່ ແລະ ຍາດພີ່ນ້ອງໝູ່ເພື່ອນຕ່າງໆ ແລະ ພ້ອມນັ້ນຈຳນວນນັກທ່ອງທ່ຽວກໍມີປະລິມານເພີ່ມຂື້ນເຊັ່ນກັນ, ດັ່ງນັ້ນ​ເພື່ອຮັບຮອງຜູ້ໂດຍສານດັ່ງກ່າວໃຫ້​ພຽງພໍ, ມີ​ຄວາມ​ສະດວກ​ສະບາຍ ​ແລະ ຮັບປະກັນຄວາມ​ປອດ​ໄພໃນການໄປມາໃຫ້ເຖິງຈຸດໝາຍ, ດັ່ງນັ້ນ ສະຖາ​ນີ້​ຂົນ​ສົ່ງ​ໂດ​ຍສານ​ສາຍ​ເໜືອ​​ຈະ​ເພີ່ມ​ລົດ​ໂດຍສານ 45 ບ່ອນ​ນັ່ງ  ແລະ ຖ້ຽວເດີນທາງໄປກັບເປັນອີກ​ເທົ່າ​ຕົວ,ໂດຍສະເພາະແມ່ນ​ແຂວງ​ທີ່​ມີ​ຄົນ​​ເດີນທາງ​ໄປ​ຫຼາຍ​ດັ່ງ​ແຂວງ​

ຫຼວງ​ພະບາງ ແລະ ຊຽງ​ຂວາງ ​ເປັນ​ຕົ້ນ, ພ້ອມ​ນັ້ນ​ກໍ​ຍັງ​​ກຽມ​ລົດ​ຕູ້​ອີກ​ຈຳນວນ​ໜຶ່ງ​ໄວ້ສຳຮອງ,​ ໂດຍ​ບໍ່​ມີ​ການ​ກຳນົດ​ເວລາ​ອອກ​ເດີນທາງ,​ ຖ້າລົດ​ຄັນ​ໃດ​ຫາກ​ມີ​ຜູ້​ໂດຍສານ​ເຕັມ​ແລ້ວແມ່ນ​ສາມາດ​ອອກ​ເດີນທາງ​ໄດ້​ເລີຍ​ເພື່ອ​ຫຼຸດຜ່ອນ​ຄວາມ​​ແອ​ອັດ​ຂອງ​ຜູ້​​ໂດຍສານ, ພ້ອມ​ນັ້ນ​ທາງ​ສະຖາ​ນີ້​​ໂດຍສານ​ສາຍ​ເໜືອຍັງມີ​ເຈົ້າ​ໜ້າ​ທີ່​ກ່ຽວຂ້ອງ​ຈາກພະແນ​ກ​ໂຍທາ​ທິການ ​ແລ​ກະ ຂົ່ງສົ່ງ​ນະຄອນ ຫຼວງ​ວຽງ​ຈັນ​ມາ​ປະຈຳການ​ຢູ່​​ເພື່ອ​ກວດກາ​ຄວາມ​ພ້ອມທາງດ້ານເຕັກນິກ​ຂອງລົດ​ໂດຍສານ​ແຕ່​ລະ​ຄັນ​ກ່ອນຈະ​ອອກ​ເດີນທາງ​ຕ້ອງ​ມີ​ສະພາບດີ,​ເພື່ອ​ຮັບປະກັນ​ຄວາມ​ປອດ​ໄພ​ຂອງ​ຜູ້​ໂດຍສານ,

ທ່ານອຳນວຍການບໍສັດດັ່ງກ່າວໃຫ້ຮູ້ອີກວ່າ : ສຳລັບ​ດ້ານ​ລາຄາ​ລົດ​ໂດຍສານ​ແມ່ນ​ຍັງຄືເກົ່າ​ເຊັ່ນ:ນະຄອນ​ລວງ​ວຽງ​ຈັນ – ຫຼວງ​ພະ​ບາງ 110.000 – 150.000 ກີບ, ນະຄອນ​ຫຼວງ-ຊຽງ​ຂວາງ 110.000 – 150.000 ກີບ,ນະຄອນ​ຫຼວງ-ຫົວພັນ 190.000 – 210.00 ກີບ  ​ແລະ ນະຄອນ ຫຼວງ-​ອຸດົມໄຊ 170.000- 190.000 ກີບ,ນະຄອນຫຼວງ-ຫຼວງນ້ຳທາ 200.000 ກີບ, ນະ ຄອນຫຼວງ-ບໍ່ແກ້ວ 230.000 – 250.000 ກີບ ແລະນະຄອນຫຼວງຜົ້ງສາລີ 230.000ງ – 270.000 ກີບ, ເຖິງຢ່າງໃດກໍຕາມຖ້າຫາກທຽບໃສ່ໄລຍະດຽວກັນຂອງປີຜ່ານມາແລ້ວເຫັນວ່າລາຄາຄ່າໂດຍ ສານຖືວ່າແພງຂຶ້ນ, ເຖິງວ່າປີນີ້ລາຄານ້ຳມັນຈະຫຼຸດລົງກໍຕາມ.

 

ແຫລ່ງຂ່າວຈາກ:laophatthananewspaper

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...