Homeວິທະຍາສາດ-ວິທະຍາການໂຣກມັກໃຊ້ຄວາມຮຸນແຮງ (Rage) ໂຣກມັກໃຊ້ຄວາມຮຸນແຮງ (Rage) ວິທະຍາສາດ-ວິທະຍາການສຸຂະພາບ ແລະ ສີ່ງແວດລ້ອມ Published on 30/03/2016 By ບຸດສະດີ ສາຍນ້ຳມັດ FacebookXPinterestWhatsApp 1732 ວັນນີ້ເຮົາຈະມາຮູ້ຈັກກ່ຽວກັບ ໂຣກມັກໃຊ້ຄວາມຮຸນແຮງ ເຊິ່ງໂຣກນີ້ແມ່ນໜຶ່ງໃນອາການທາງຈິດ ທີ່ຄວນໄດ້ຮັບການຮັກສາຢ່າງຖືກວິທີ. ສຳລັບຫົວຂໍ້ນີ້ທາງທີມງານລາວໂພສຕ໌ ບໍ່ໄດ້ມີເຈດຕະນາທີ່ຈະເວົ້າໃຫ້ພາກສ່ວນ ຫຼື ກຸ່ມຄົນທີ່ມັກໃຊ້ຄວາມຮຸນແຮງຕັດສິນບັນຫາໃນເລື່ອງຕ່າງໆຫຼາຍກ່ວາການໃຊ້ເຫດຜົນ ແຕ່ພວກເຮົາຢາກສື່ໃຫ້ເຫັນເຖິງອາການ, ສາເຫດ ແລະ ວິທີຮັກສາຂອງໂຣກນີ້ ໃຫ້ທຸກທ່ານໄດ້ຮູ້ ຖ້າຫົວຂໍດັ່ງກ່າວເກີດສ້າງຄວາມບໍ່ພໍໃຈກັບບຸກຄົນໃດທາງພວກເຮົາກໍ່ຂໍອະໄພດ້ວຍ. ສາເຫດຂອງໂຣກນີ້ ອີງຕາມສາດສະດາຈານ ສີລິໄຊ ຫົງສະຫງວນສິຣິ ພາກວິໄຈຈິດເວນຕະສາດ ຄະນະແພດສາດໂຮງໝໍ ຣາມາທິບໍດີ ປະເທດໄທ ລະບຸວ່າ ບັນຫາຄວາມຮຸນແຮງເກີດຈາກຫຼາຍໆສາເຫດ ຕັ້ງແຕ່ການລ້ຽງດູຂອງພໍ່ແມ່ ພຶດຕິກຳການຮຽນແບບຂອງຕົວເອງ ພັດທະນາການສະໝອງຕັ້ງແຕ່ຢູ່ໃນທ້ອງ, ບັນຫາຕ່າງທີ່ຜ່ານເຂົ້າມາໃນຊີວິດ ຫຼື ຄວາມຜິດປົກກະຕິທາງຈິດ ເຊັ່ນ: ເປັນໂຣກຊຶມເສົ້າ, ໂຣກໄພລາສ໌ ເຮັດໃຫ້ການຄວບຄຸມອາລົມບົກຜ່ອງ ເຊິ່ງອາດກໍ່ໃຫ້ເກີດໂຣກມັກໃຊ້ຄວາມຮຸນແຮງໄດ້. ອາການຂອງໂຣກນີ້ ມັກຈະເປັນຄົນງຸດງິດງ່າຍ ມັກລຳຄານງ່າຍ ອາລົມເສຍໄດ້ງ່າຍ ໂວຍວາຍໄດ້ກັບທຸກຢ່າງ ຫຼື ຖ້າຖືກຂັດໃຈ ຖືກໃຜເຮັດໃຫ້ບໍ່ພໍໃຈ ຖືກກະທຳ ອາດລະເບີດຢ່າງຮຸນແຮງ ເໝືອນບໍ່ສາມາດຄວບຄຸມຕົວເອງໄດ້. ການຮັກສາ ສຳລັບເດັກນ້ອຍ ການລ້ຽງດູຕັ້ງແຕ່ເກີດທຳອິດສຳຄັນຫຼາຍ ຄວາມຜູກພັນການເອົາໃຈໃສ່ຈະຊ່ວຍໃຫ້ເດັກນ້ອຍມີສຸຂະພາບຈິດທີ່ດີ ແລະ ມີຄວາມພ້ອມໃນທຸກໆດ້ານທີ່ສຳຄັນຍັງຊ່ວຍໃຫ້ລູກສາມາດຄຸມຕົວເອງໄດ້ອີກ. ສ່ວນໃນການຮັກສາໄວໜຸ່ມທີ່ມັກໃຊ້ຄວາມຮຸນແຮງ ຜູ້ປົກຄອງຄວນທຳຄວາມເຂົ້າໃຈເຂົາໃຫ້ຫຼາຍ ພ້ອມກັນນັ້ນກໍ່ຄວນເອົາໃຈໃສ່ຢ່າງພໍເໝາະພໍຄວນ ຫຼື ໃນກໍລະນີທີ່ອາການໜັກຄົນທີ່ເຮືອນເອົາບໍ່ຢູ່ ຄວນພາໄປປຶກສາແພດສະເພາະທາງເພື່ອການຮັກສາ. ຢ່າງໃດກໍ່ຕາມ ຄົນທີ່ມີບັນຫາ ຫຼື ມີອາການທາງຈິດບໍ່ໄດ້ໝາຍຄວາມວ່າບໍ່ແມ່ນຄົນດີ ພວກເຂົາຄວນໄດ້ຮັບການຮັກສາດ້ວຍຄວາມຮັກ ຄວາມເຂົ້າໃຈຈາກຄອບຄົວ, ໝູ່ເພື່ອນ ແລະ ຄົນໃນສັງຄົມ. Tagsບັນຫາທາງຈິດສຸຂະພາບໂຣກຈິດໂຣກມັກໃຊ້ຄວາມຮຸນແຮງ (Rage) ບົດຄວາມຫຼ້າສຸດ ຂ່າວພາຍໃນ ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ.... 20/11/2026 ຂ່າວພາຍໃນ ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ... 20/11/2026 ຂ່າວພາຍໃນ ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ... 19/11/2026 ຂ່າວການພັດທະນາ ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)... 17/11/2026