Homeຂ່າວຕ່າງປະເທດທະນາຄານກຳປູ​ເຈຍ​ສັ່ງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ

ທະນາຄານກຳປູ​ເຈຍ​ສັ່ງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ

Published on

ທະນາຄານ​ກາງ​ກຳປູ​ເຈຍ​ສັ່ງ​ທະນາຄານ ​ແລະສະ​ຖາ​ບັນ​ການ​ເງິນ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ​ພາຍ​ໃນ​ເດືອນ​ມີນາ​ປີ 2018.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ ທະນາຄານ​ການ​ຄ້າ​ທີ່​ຈົດ​ທະບຽນຢູ່ກຳ​ປູ​ເຈຍ​ເປັນ​ບໍລິສັດ​ໃນ​ປະ​ເທດ ​ຫຼື​ ບໍລິສັດ​ໃນ​ເຄືອຂ່າຍຂອງ​ບໍລິສັດ​ຕ່າງປະ​ເທດ​ຈະ​ຕ້ອງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ​ຈາກ 37,5 ລ້ານ​ໂດ​ລາ ໃນ​ປະຈຸ​ບັນ​ເປັນ 75 ລ້ານ​ໂດ​ລາ ສ່ວນທະນາຄານ​ການ​ຄ້າ​ທີ່​ຈົດ​ທະບຽນ​ເປັນສາ​ຂາ​ຕ່າງປະ​ເທດ​ຂອງ​ທະນາຄານ​ທີ່​ໄດ້​ຮັບ​ການຈັດ​ອັນ​ດັບ​ວ່າ ສາມາດ​ລົງທຶນ​ໄດ້​ຈະ​ຕ້ອງ​ເພີ່ມທຶນ​ຈົດ​ທະບຽນ​ຂັ້ນ​ຕໍ່າ​ຈາກ 12,5 ລ້ານ​ໂດ​ລາ ​ເປັນ 50 ລ້ານ​ໂດ​ລາ.

ຂະນະ​ທີ່​ທະນາຄານ​ສະ​ເພາະ​ດ້ານ​ຈະ​ຕ້ອງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ​ຈາກ 7,5 ລ້ານ​ໂດ​ລາ​ ເປັນ 15 ລ້ານ​ໂດ​ລາ ສະ​ຖາ​ບັນ​ການ​ເງິນ​ຂະໜາດ​ນ້ອຍ​ທີ່​ຮັບ​ຝາກ​ເງິນ​ຈະ​ຕ້ອງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ​ຈາກ 2,5 ລ້ານ​ໂດ​ລາ ​ແລະ ສະ​ຖາ​ບັນ​ການ​ເງິນ​ຂະໜາດ​ນ້ອຍ​ທີ່​ບໍ່​ຮັບ​ຝາກ​ເງິນ​ຈະ​ຕ້ອງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ​ຈາກ 62,5 ພັນ​ໂດ​ລາ​ເປັນ 1,5 ລ້ານ​ໂດ​ລາ.

ທະນາຄານ​ກາງ​ກຳປູ​ເຈຍ​ລະບຸ​ວ່າ ຈຸດປະສົງ​ຂອງ​ການ​ສັ່ງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ​ຄື​ເຮັດ​ໃຫ້​ສະ​ຖາ​ບັນ​ທະນາຄານ ​ແລະການ​ເງິນ​ມີ​ທຶນ​ເຂັ້ມແຂງ​ຂຶ້ນ ​ໂດຍ​ໃຫ້​ເວລາ​ປະຕິບັດ​ຄຳ​ສັ່ງ​ພາຍ​ໃນ 2 ປີ ຄັ້ງ​ນີ້ ​ເປັນ​ຄັ້ງ​ທີ່ 3 ນັບ​ຕັ້ງ​ແຕ່​ປີ 1999 ທີ່​ທະນາຄານ​ກາງ​ກຳປູ​ເຈຍ​ສັ່ງ​ເພີ່ມ​ທຶນ​ຈົດ​ທະບຽນ​ຂັ້ນ​ຕໍ່າ ປະຈຸ​ບັນ​ກຳປູ​ເຈຍ​ມີ​ທະນຄານ​ການ​ຄ້າ 36 ​ແຫ່ງ, ທະນາຄານ​ສະ​ເພາະ​ດ້ານ 11 ​ແຫ່ງ, ສະ​ຖາ​ບັນ​ກາ​ນ​ເງິນ​ຂະໜາດ​ນ້ອຍ 58 ​ແຫ່ງ ​ໃນ​ຈຳນວນ​ນີ້​ ຮັບ​ຝາກ​ເງິນ 7 ​ແຫ່ງ.

ບົດຄວາມຫຼ້າສຸດ

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...