ສຳນັກຂ່າວຕ່າງປະເທດ ລາຍງານໃນວັນທີ 28 ມີນານີ້ວ່າ ກອງທັບລັດຖະບານຊີຣີ ສາມາດປົດປ່ອຍເຂດພື້ນທີ່ ເມືອງບູຮານພັນໄມຣາ ຂັບໄລ່ກຸ່ມຕິດອາວຸດລັດອິດສະລາມ ຫລື ໄອເອັສ ທີ່ຍຶດຄອງພື້ນທີ່ດັ່ງກ່າວ ນັບຕັ້ງແຕ່ເດືອນພຶດສະພາ 2015 ຜ່ານມາ ໂດຍປະຕິບັດການບຸກໂຈມຕີປົດປ່ອຍເຂດດັ່ງກ່າວນີ້ ໄດ້ເລີ່ມຂຶ້ນເມື່ອຕົ້ນເດືອນມີນາ ພາຍໃຕ້ການສະໜັບສະໜູນທາງອາກາດ ຈາກກອງທັບຣັດເຊຍ.
ແນວໃດກໍຕາມ ກຸ່ມໄອເອັສຍັງອ້າງວ່າ ພວກເຂົາຍັງຄວບຄຸມເມືອງພັນໄມຣາໄດ້ຢູ່ ໂດຍໃນຂະນະທີ່ກຸ່ມດັ່ງກ່າວຍຶດຄອງ ໄດ້ມີການທຳລາຍສິ່ງປູກສ້າງບູຮານຫລາຍຢ່າງ ຊຶ່ງທາງອົງການອຸຍເນັສໂກ ມີແຜນຈະເຂົ້າໄປກວດສອບຄວາມເສຍຫາຍ ທັນທີທີ່ສະພາບການມີຄວາມສະຫງົບ.
ໍ