ຫົວໜ້າພະແນກສົ່ງເສີມການປູກໄມ້ ກະຊວງກະສິກຳໃຫ້ສຳພາດຕໍ່ນັກຂ່າວພວກເຮົາວ່າ: ປັດຈຸບັນກະຊວງກະສິກຳ ແລະ ປ່າໄມ້, ກໍຄືກົມປ່າໄມ້ພວມກະກຽມໃຫ້ແກ່ການປູກໄມ້ປະຈຳປີ 2016 ທີ່ຈະມີຂຶ້ນໃນຕົ້ນເດືອນມີຖຸນາ ທີ່ຈະມາເຖິງນີ້ໃຫ້ມີບັນຍາກາດຟົດຟື້ນ ແລະ ຮັບປະກັນໄດ້ຕາມລະດັບຄາດໝາຍວາງໄວ້, ໂດຍສະເພາະແມ່ນ ການເກັບແກ່ນ, ກ້າເບ້ຍ, ການປູກໄມ້, ຊຶ່ງມີແຜນວາງໄວ້ໃຫ້ໄດ້ 24,185 ເຮັກຕາ,ໃນທົ່ວປະເທດ,ໃນນັ້ນແຂວງຜົ້ງສາລີໃຫ້ໄດ້2.200 ເຮັກຕາ, ຫຼວງນ້ຳທາ 1.200 ເຮັກຕາ, ອຸດົມໄຊ 1.500 ເຮັກຕາ, ບໍ່ແກ້ວ 1.000 ເຮັກຕາ, ໄຊຍະບູລີ 500ເຮັກຕາ, ຫຼວງພະບາງ 2.000 ເຮັກຕາ, ຫົວພັນ 1.700 ເຮັກຕາ, ຊຽງຂວາງ 200 ເຮັກຕາ, ວຽງຈັນ 1.500ເຮັກຕາ, ນະຄອນຫຼວງວຽງຈັນ 300 ເຮັກຕາ, ບໍລິຄຳໄຊ 300 ເຮັກຕາ, ຄຳມ່ວນ 630 ເຮັກຕາ, ສະຫວັນນະເຂດ1.780
ເຮັກຕາ, ສາລະວັນ 2.000 ພັນຮາ,,ຈຳປາສັກ 1.500 ເຮັກຕາ, ເຊກອງ 875 ເຮັກຕາ, ອັດຕະປື 2.500 ເຮັກຕາ ແລະ ໄຊສົມບູນ 2.500 ເຮັກຕາ ແລະ ເພື່ອຮັບປະກັນບໍ່ໃຫ້ຕົກຢູ່ໃນສະພາບປີໃດກໍປູກຂຸມເກົ່າ, ທາງພາກສ່ວນກ່ຽວຂ້ອງໄດ້ກຽມກຳລັງລົງຕິດຕາມບົວລະບັດຮັກສາໄມ້ຫຼັງການປູກ,ດ້ວຍການແຕ່ງຕັ້ງໜ່ວຍງານຮັບຜິດຊອບ, ຢູ່ເມືອງ, ບ້ານ ເພື່ອເຮັດໃຫ້ໄມ້ທີ່ປູກໄປມີປະສິດທິພາບ.
ຫົວໜ້າພະແນກດັ່ງກ່າວໃຫ້ຮູ້ອີກວ່າ: ນອກຈາກການປູກໄມ້ແລ້ວກະຊວງກະສິກຳຍັງມີແຜນຟື້ນຟູປ່າ,ຊຸດໂຊມໃນເຂດປ່າຜະລິດໃຫ້ໄດ້ 122.000 ເຮັກຕາ ແລະ ນອກເຂດປ່າສາມປະເພດງໃຫ້ໄດ້ 154.000 ເຮັກຕາ ແລະ ເພື່ອເຮັດໃຫ້ບັນລຸແຜນດັ່ງກ່າວ, ກະຊວງກະສິກຳໄດ້ກະກຽມຄວາມພ້ອມທາງດ້ານງົບປະມານ, ລວມເຖິງພະນັກງານວິຊາການ ລົງຊ່ວຍແນະນຳການຈັດຕັ້ງປະຕິບັດຂະບວນການດັ່ງກ່າວໃຫ້ມີຜົນ.
ແຫລ່ງຂ່າວຈາກ: 