spot_img
Homeຂ່າວພາຍ​ໃນພາກທຸລະກິດລາວ ຫາລືການສົ່ງເສີມທຸລະກິດຫວາຍ-ໄມ້ປ່ອງ ສ້າງຂີດຄວາມສາມາດແຂ່ງຂັນ

ພາກທຸລະກິດລາວ ຫາລືການສົ່ງເສີມທຸລະກິດຫວາຍ-ໄມ້ປ່ອງ ສ້າງຂີດຄວາມສາມາດແຂ່ງຂັນ

Published on

ວັນ​ທີ 24 ມີນາ 2016 ທີ່​ສະພາ​ອຸດສາຫະກຳ ແລະ ການ​ຄ້າແຫ່ງ​ຊາດ​ລາວ ໂດຍ​ໄດ້​ຮັບ​ການສະໜັບສະໜູນ​ຈາກ​ໂຄງການຫວາຍ-ໄມ້ປ່ອງ ສະມາຄົມ​ຫັດຖະ​ກຳ​ລາວ ໄດ້​ຈັດ​ກອງ​ປະຊຸມກ່ຽວ​ກັບ​ການ​ຊຸກຍູ້​ສົ່ງເສີມ​ທຸລະກິດ​ຫວາຍ ແລະ ໄມ້ປ່ອງ​ຂຶ້ນເປັນ​ປະທານ​ຂອງ​ທ່ານ ຫານ​ຊະນະ ສີ​ສານ ປະທານ​ສະມາຄົມຫັດຖະກຳ​ລາວ ມີ​ທ່ານ​ນາງ ແສງ​ດາ​ວອນ ບັງອອນ​ແສງ​ເດດ ເລຂາທິການສະພາ​ການ​ຄ້າ ແລະ ອຸດສາຫະກຳ ການ​ຄ້າ​ແຫ່ງຊາດ​ລາວ ທ່ານ​ນາງ ບົວ​ວັນ ພະຈອມພົນ ຫົວໜ້າ​ໂຄງການຫວາຍ-ໄມ້ປ່ອງ ພ້ອມ​ດ້ວຍ​ບັນດາ​ຜູ້​ປະກອບ​ການ​ດ້ານ​ທຸລະ​ກິດໄມ້ປ່ອງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ການ​ຈັດ​ກອງ​ປະຊຸມ​ໃນ​ຄັ້ງ​ນີ້ ເພື່ອ​ປຶກສາ​ຫາລື​ກ່ຽວ​ກັບ​ວຽກງານ​ຊຸກຍູ້ ແລະ ສົ່ງເສີມ​ທຸລະ​ກິດຫວາຍ-ໄມ້ປ່ອງ ໂດຍ​ແນໃສ່​ບັນຫາ​ຕ່າງໆ​ ໃນ​ການ​ດຳເນີນ​ທຸລະກິດ​ທີ່​ໄດ້​ສັງ​ລວມປຶກສາ​ຫາລື​ກັນ ໃນ​ກອງ​ປະຊຸມ​ຄັ້ງ​ວັນ​ທີ 11 ພະຈິກ 2015 ພ້ອມ​ທັງ​ຈັດ​ລຽງ​ບຸລິມະ​ສິດ ຄວາມ​ສຳຄັນ​ທີ່​ຈຳເປັນຕ້ອງ​ໄດ້​ຮັບ​ການ​ປັບປຸງ ເພື່ອ​ຊຸກຍູ້ສົ່ງເສີມ​ໄປ​ຕາມ​ທິດ​ທາງ​ການ​ພັດທະ​ນາ​ເສດຖະກິດ-ສັງຄົມ​ໃນ​ ຕໍ່ໜ້າ​ຂອງ​ພັກ-ລັດ ນອກຈາກ​ນີ້ ເພື່ອ​ຂໍ​ຄຳ​ເຫັນທິດ​ຊີ້​ນຳ​ຈາກ​ຜູ້ຕາງໜ້າ​ຂອງ​ພາກ​ລັດ ແລະ ພາກສ່ວນ​ອື່ນໆ ເພື່ອ​ຊ່ວຍ​ໃນ ການ​ແກ້​ໄຂ​ບັນຫາ​ຂໍ້ຄົງຄ້າງ ໃນການ​ດຳເນີນ​ທຸລະ​ກິດ​ຜ່ານ​ມາ ໂດຍ​ສະເພາະແມ່ນ​ວຽກ​ງານ​ນະໂຍ​ບາຍ​ຂອງ​ລັດ​ຕໍ່​ທຸລະ​ກິດ​ດ້ານຫວາຍ-ໄມ້ປ່ອງ ທັງ​ນີ້​ເພື່ອ​ເຮັດໃຫ້​ທຸລະ​ກິດ​ດັ່ງກ່າວ​ມີ​ຄວາມ​ເຂັ້ມແຂງ ໃຫ້​ມີ​ຄວາມ​ສາມາດ​ແຂ່ງຂັນ​ກັບ​ປະເທດ​ອື່ນ ໃຫ້​ຖືກຕ້ອງຕາມ​ລະບຽບ​ກົດໝາຍ ຮັບ​ຜິດຊອບ​ຕໍ່​ພັນທະ​ຕ່າງໆ ແລະ ໃຫ້ເປັນ​ໄປ​ຕາມ​ກົນ​ໄກ​ຂອງ​ແຜນ​ພັດທະ​ນາ​ເສດຖະກິດ-ສັງຄົມ ​ກ້າວໄປ​ເຖິງ​ການ​ລົບ​ລ້າງ​ຄວາມທຸກຍາກ​ໃນ​ອະນາຄົດ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...